2 Krungchakuüa17
1Asa kowng kung kowi dow achapa Jehosafat mih Juda pren kowi ta chowm mang khai. Aia dow Israeluüa kowi nanowngla kownkow aia kowh siphaiuüa kowi akhawtma changah khai.2Aia dow Juda pren kowi kowh tap uowi mih marow maten kowi krawi tow pe siphai hawmh khai, now Juda süng kowi tawngbak mih arah kowi paw krawi tow siphai hawmh ne khai. Nami klen kowi a-pa Asa krawi powngla mih Efraimuüa süng kowi kowh marow kowi paw tow pe siphai hawmh khai.3Jehosafat tut-e dow CHAKRAMANG tawi uowi reng chekhai. Tawngplawng kowchow panow aia dow mang David iawng mang reng chekhai. Aia dow Baal thuraiuüa kowi chupiia dowi kowi aia pipu-uüa kowh Thurai kowi chowtaih chupiia khai, now Israeluüa iawng chang lup ngak dowi kowi Thurai ana pek iawng chang reng chekhai.5Naiawng rakowi CHAKRAMANG dow aia kowh pren mih anikma tow pe reng chekhai. Aia kowi dow Juda prenchakuüa maten uang peah awmrawm sung khai. Naiawng rakowi aia kowh dow dawngthawnguan hai ringkawra mih uang hu ngamlam khai.6Aia dow CHAKRAMANG tiama kowi namang kown mih lainowmma süngür khai. Nami klen kowi aia dow Juda pren hownia arah kroma mih kowi kowh chupiiara kowi hai Asera limpu ün krawi piakta bowk chekhai.7Jehosafat dow aia chowm mang mih sum ning khe Juda pren kowi kowh kua hai marow maten kowi kowh maru-uüa kowi CHAKRAMANG kowh ari aiang natüngsangah kownkow aia kowh maru iukuüa kowi krawi chinah khai. Naiawngün maru iukuüa dow Benhail, Obadia, Zekaria, Nethanel hai Mika büah chekhai.8Amatni hown dow Levi krungchak Semai, Nethania, Zebadia, Asahel, Semiramawt, Jehonathan, Adonija, Tobija hai Tawb-Adonija büah mih tawi khai. Amatni hown uamow Elisama hai Jehoram büah paw tawi khai.9Amatni dow CHAKRAMANG kowh ari aiang chabowih mih pawla khai. Now Juda pren kowi kowh marow towng krawi kowiah hanow maru-uüa kowi krawi tüngsangah büah khai.10Now Juda pren riaret kowi kowh akeng prenchakuüa luk kowi dow CHAKRAMANG uang pawla pe kramra khai. Naiawng rakowi amatni dow Jehosafat hown tasen dowi bowt chekhai.11Now Filistinuüa dow mangmu iawng Jehosafat tut-e tai hai akeng mih awmrawm sung uang pawla pe ne khai, now Arabuüa dow ruapur 7,700 pum hai ruala 7,700 pum uang pawla pe khai.12Naiawng hai Jehosafat dow uang kür ngamlam khai, now Juda pren kowi akhawtma mih kangchawngra kim ün hai uanh nungra marow ün aia thawpah khai.13Aia dow Judauüa kowh marow kowi uanh ahuma nungah khai, now Jerusalem marow kowi dow tasen kiakma miuüa kowi towah khai.14Mami dow amatni chowlowkkow krungchakuüa taken iawng amatni kowh maru iun hai siphai aluchowuüa ming chekhai:
Juda krungchak hownia kowh lang kri mih siphai aluchow dow Adna chekhai. Aia kowh tasen mih siphaiuüa dow 300,000 ia chekhai.15Nami kung kowi kowh siphai aluchow dow Jehohanan chekhai, now aia kowh tasen mih siphaiuüa dow 280,000 ia chekhai.16Nami kung kowi kowh siphai aluchow dow Zikri chapa Amasia chekhai, now aia kowh tasen mih siphaiuüa dow 200,000 ia chekhai. Amasia dow CHAKRAMANG lup chang kowi aiamat low hown hing tape mih maru chekhai.17Benjamin krungchak hownia kowh lang kri mih siphai aluchow dow Eliada chekhai. Aia kowh dow leba dowk mih hai kawngma dowk mih siphaiuüa 200,000 ia chekhai. Eliada dow tasen kiakma mih maru chekhai.18Nami kung kowi kowh siphai aluchow dow Jehozabad chekhai, now aia kowh tasen mih siphaiuüa dow 180,000 ia chekhai.19Naiawngün siphaiuüa dow Jerusalem hownia mang kowi chang pe lup miuüa chekhai. Naiawngünuüa klen kowi paw Juda pren kowi kowh tap uowi mih marow kowi ün krawi towla siphai ne tak chekhai.
Juda krungchak hownia kowh lang kri mih siphai aluchow dow Adna chekhai. Aia kowh tasen mih siphaiuüa dow 300,000 ia chekhai.15Nami kung kowi kowh siphai aluchow dow Jehohanan chekhai, now aia kowh tasen mih siphaiuüa dow 280,000 ia chekhai.16Nami kung kowi kowh siphai aluchow dow Zikri chapa Amasia chekhai, now aia kowh tasen mih siphaiuüa dow 200,000 ia chekhai. Amasia dow CHAKRAMANG lup chang kowi aiamat low hown hing tape mih maru chekhai.17Benjamin krungchak hownia kowh lang kri mih siphai aluchow dow Eliada chekhai. Aia kowh dow leba dowk mih hai kawngma dowk mih siphaiuüa 200,000 ia chekhai. Eliada dow tasen kiakma mih maru chekhai.18Nami kung kowi kowh siphai aluchow dow Jehozabad chekhai, now aia kowh tasen mih siphaiuüa dow 180,000 ia chekhai.19Naiawngün siphaiuüa dow Jerusalem hownia mang kowi chang pe lup miuüa chekhai. Naiawngünuüa klen kowi paw Juda pren kowi kowh tap uowi mih marow kowi ün krawi towla siphai ne tak chekhai.
The Seed Company