1 Samuel28
1Ziklak marow kowi David uowi mih khin khe Israeluüa kowi kowsenah kownkow Filistinuüa mih amatni kowh siphaiuüa kowi kuaah lawmah khai. Nakhowk khe mang Akhis tek pe David mih, “En hai en kowh siphaiuüa mih ang hown tawi tarü tasen kown takla pami en natuk ngengche bowt kown,” pakhai.2Nakhowk khe David klangah mih, “Ow, ang tawi kown taih. Khaleng dow en kowh nar tawng chow nowng chang mih en matia mik hown en nakhi kown,” pape khai.
Akhis tek pe mih, “Lainowmma iung. Chownglawng prat ang kowh chawng mih ang nachangla en kown,” pakhai.3Nami dowi rawn khe Samuel dow kowng tüng khowk chekhai. Aia vüi kowi uowila uiting uangtak kung kowi aia kowh uak dow aia uowi rah Rama marow kowi Israeluüa dupah khai. Now kowng miuüa kowh lümla hown nowng taklang miuüa kowi hai lümla ngak hown taklawp taiua miuüa maten kowi dow Samuel kowng dowi rawn khe Israel pren hownia Sawl prütta bowk khowk chekhai.4Filistinuüa dow takua talawmah now Sunem marow kowi kowkhup tangbung khai. Now mapra kowi Sawl paw Israeluüa maten kowi kuaah lawmah khai, now Gilboa hungh kowi kowkhup tangbung büah khai.5Nakhowk khe Sawl dow Filistin siphai kawm khita now kram lai bowt kowh chür klukluk khai.6Aia dow tawng chow nachang kown mih tuk kown nau kowh CHAKRAMANG kowi lüntaah khai. Nachenganchepaw CHAKRAMANG mih aia kowi dow mapaw klangah dowi chekhai — mang kowi paw klangah dowi, Urim hown paw klangah dowi, now risiuüa hown paw klangah dowi chekhai.7Nakhowk khe aia kowh maru iukuüa kowi Sawl tek pe mih, “Kowng miuüa kowh lümla hown ia taklang mih masiuüa kowi krawi cham büah lowk ia madiah. Tawng chow ang achang takla mih aia kowi dow ang nalüntaah kown,” pakhai.
Now aia kowh maru iukuüa tek pe mih, “Endawr marow kowi naiawng mih masiuüa uowi lowk ia,” pape khai.8Nami laiklow tata hanow Sawl mih aia kowh mang tawnguat klüpta now iawngpa mih tawnguat khup khai, now pawla maru pre ia hanow uar-e khe nami masiuüa tut-e kowkowi khai. Nakhowk khe Sawl mih aia dow mang pami itta khai. Now nami masiuüa kowi aia tek pe mih, “Chang mantan now kowng mih maru kowh lümla hown taklang madiah. Ang tek en ming mih maru kowi mami re-e uang pawla madiah,” pakhai.9Nakhowk khe nami masiuüa klangah mih, “Naiawng chang mih maru kowi tawng chow Sawl changah mih en tuk kown mih ang ming. Kowng mih maru kowh lümla hown taklowp taklang miuüa kowi hai lümla ngak hown taklawp taiua miuüa kowi Israel pren hownia aia prütta bowk khowk chekhai. Nami en tuk khowk chepaw naiawng en pe chang ang mih dow en pe kowng ang kownkow en chak ang leng mih iawng chekhai,” pape khai.10Nakhowk khe CHAKRAMANG ming lüklaula se Sawl tek pe mih, “Masing CHAKRAMANG ming hown ang takham khowk; naiawng en chang mih rakowi en naka ripra kown nadowi,” pakhai.11Now Sawl kowi nami masiuüa lüntaah mih, “Naiawng now mia kowi chow ang nauang krüngla en kown?” pakhai.
Now Sawl tek pe mih, “Samuel kowi uang krüngla ang madiah,” pape khai.12Naiawng rakowi nami masiuüa dow Sawl tek pe iawng chang khai bowt. Nachenganchepaw Samuel kowi aia khita now hek se aia tek pe Sawl mih, “Tawngplawng kowchow en tuk kuan ang khai? En chowbowt lownow Saul,” pakhai.13Nakhowk khe Sawl tek pe mih, “Hangkow kram. Tawng chow en khi mih tek ang diah,” pakhai.
Now nami masiuüa tek pe mih, “Krawng dak hownia thurai iawng mih maru uang lawt lowk mih ang khi,” pakhai.14Sawl lüntaah mih, “Apowm tawng iawng chow?” pakhai.
Nami masiuüa klangah mih, “Lawngtangma mih maru uang lawt lowk ia. Aia dow kowrmow thawngma mih khupma chekhai,” pape khai.
Nahanow Sawl dow Samuel chowbowt pami tuk khai. Now aia dow krawng kowi tabawkah krawm se chupah khai bowt.15Samuel tek pe Sawl mih, “Tawngplawng kowchow en tuk pusa ang khai? Tawng rakowi chow en uang tuk krüngla ang khai?” pakhai.
Now Sawl tek pe mih, “Lainowmma ang kla phih khai. Paipra kowi Filistinuüa dow uang sen ang khai, now mapra kowi CHAKRAMANG paw cham dangta ang khai. Aia kowi dow ang hawah khowk chowdiah. Nachenganchepaw aia dow klang ang dowi: Mang kowi paw klang ang dowi, now risiuüa hown paw klang ang dowi chekhai. Naiawng rakowi kawmat tawng chow ang achang takla mih natukla kownkow ang uang haw en mih chekhai,” pape khai.16Now Samuel tek pe mih, “CHAKRAMANG powtta en kowh tawi tangila en dowi bowt now uang lünta ang e tawng chow mrawkra uowi?17Aia dow en tut-e kowh uang pe tek ang mih iawng chang en mih chowbowt. En kowh mangra dow aia rupta en hanow en tainau David kowi peah mih chowbowt.18En dow CHAKRAMANG kowh laiklow en chün dowi; Amalekuüa luk kowi kowh aia kunmarau mih en kowh lup hown en tüng pe dowi chekhai. Ani kowh naiawng aia chang en mih dow naiawng rakowi chekhai.19CHAKRAMANG mih Filistinuüa rut kowi en hai en hown kowh Israeluüa kowi naap enni kown. Tharau hownia dow en hai en kowh chapauüa mih makownguüa uowi rah kowi towbowt ang hown enni nauang tawi uowi kown. Now Israel siphaiuüa kowi paw aia dow Filistinuüa rut kowi naapta bowt kown,” pakhai.20Samuel kowh laiklow tata now Sawl dow kram lai bowt kowh krawng kowi tateng kan khai. Aia dow ni chut uar prowt tawngpaw cha dowi rakowi lainowmma kow uak khai bowt.21Nakhowk khe nakowi kowh masiuüa mih lainowmma Sawl kram mih khita khai. Naiawng rakowi Sawl kowi aia tek pe mih, “Mangkri, en kowh narma dow en kowh ana pek chün en khowk chekhai. En tek ang mih lup dow kowng kown mih tuakla dowi kowi ang chang en khai.22Kawmat dow en paw en kowh narma kowh laiklow sünta pe lowkchow diah. En kowh kür nauowila kownkow ang nauang pawla en chakkham ditchow kown. Nami chakkham cha pe ditchow diah. Nahanow mangla kown mih kür en naplan ka kown towbowt,” pakhai.23Nachenganchepaw Sawl tek pe mih, “Ang nau dowi, ang cha kown nadowi,” pape khai. Nachenganchepaw nami masiuüa hai aia kowh siphaiuüa dow nacha ditchow kownkow Sawl kowi tek pe rengreng khai. Naiawng rakowi Sawl mih awr rü hanow salawnma kowi awr chowm khai.24Nakhowk khe nami masiuüa kowh dow akauchow mih chia iia uowi apum chekhai. Aia dow alenma nami chia iia mih kowngenah hanow eng pe khai, now kawmdi sangrum hown the pe tuah dowi mih kawm thawp pe khai.25Nami kung kowi dow Sawl hai aia kowh siphaiuüa pur kowi nami chakkham mih aia uang then pe khai, now amatni dow nami chakkham cha büah khai bowt. Nami kung kowi dow uariiu reng tak khe nami hownia powt büah khai.
Akhis tek pe mih, “Lainowmma iung. Chownglawng prat ang kowh chawng mih ang nachangla en kown,” pakhai.3Nami dowi rawn khe Samuel dow kowng tüng khowk chekhai. Aia vüi kowi uowila uiting uangtak kung kowi aia kowh uak dow aia uowi rah Rama marow kowi Israeluüa dupah khai. Now kowng miuüa kowh lümla hown nowng taklang miuüa kowi hai lümla ngak hown taklawp taiua miuüa maten kowi dow Samuel kowng dowi rawn khe Israel pren hownia Sawl prütta bowk khowk chekhai.4Filistinuüa dow takua talawmah now Sunem marow kowi kowkhup tangbung khai. Now mapra kowi Sawl paw Israeluüa maten kowi kuaah lawmah khai, now Gilboa hungh kowi kowkhup tangbung büah khai.5Nakhowk khe Sawl dow Filistin siphai kawm khita now kram lai bowt kowh chür klukluk khai.6Aia dow tawng chow nachang kown mih tuk kown nau kowh CHAKRAMANG kowi lüntaah khai. Nachenganchepaw CHAKRAMANG mih aia kowi dow mapaw klangah dowi chekhai — mang kowi paw klangah dowi, Urim hown paw klangah dowi, now risiuüa hown paw klangah dowi chekhai.7Nakhowk khe aia kowh maru iukuüa kowi Sawl tek pe mih, “Kowng miuüa kowh lümla hown ia taklang mih masiuüa kowi krawi cham büah lowk ia madiah. Tawng chow ang achang takla mih aia kowi dow ang nalüntaah kown,” pakhai.
Now aia kowh maru iukuüa tek pe mih, “Endawr marow kowi naiawng mih masiuüa uowi lowk ia,” pape khai.8Nami laiklow tata hanow Sawl mih aia kowh mang tawnguat klüpta now iawngpa mih tawnguat khup khai, now pawla maru pre ia hanow uar-e khe nami masiuüa tut-e kowkowi khai. Nakhowk khe Sawl mih aia dow mang pami itta khai. Now nami masiuüa kowi aia tek pe mih, “Chang mantan now kowng mih maru kowh lümla hown taklang madiah. Ang tek en ming mih maru kowi mami re-e uang pawla madiah,” pakhai.9Nakhowk khe nami masiuüa klangah mih, “Naiawng chang mih maru kowi tawng chow Sawl changah mih en tuk kown mih ang ming. Kowng mih maru kowh lümla hown taklowp taklang miuüa kowi hai lümla ngak hown taklawp taiua miuüa kowi Israel pren hownia aia prütta bowk khowk chekhai. Nami en tuk khowk chepaw naiawng en pe chang ang mih dow en pe kowng ang kownkow en chak ang leng mih iawng chekhai,” pape khai.10Nakhowk khe CHAKRAMANG ming lüklaula se Sawl tek pe mih, “Masing CHAKRAMANG ming hown ang takham khowk; naiawng en chang mih rakowi en naka ripra kown nadowi,” pakhai.11Now Sawl kowi nami masiuüa lüntaah mih, “Naiawng now mia kowi chow ang nauang krüngla en kown?” pakhai.
Now Sawl tek pe mih, “Samuel kowi uang krüngla ang madiah,” pape khai.12Naiawng rakowi nami masiuüa dow Sawl tek pe iawng chang khai bowt. Nachenganchepaw Samuel kowi aia khita now hek se aia tek pe Sawl mih, “Tawngplawng kowchow en tuk kuan ang khai? En chowbowt lownow Saul,” pakhai.13Nakhowk khe Sawl tek pe mih, “Hangkow kram. Tawng chow en khi mih tek ang diah,” pakhai.
Now nami masiuüa tek pe mih, “Krawng dak hownia thurai iawng mih maru uang lawt lowk mih ang khi,” pakhai.14Sawl lüntaah mih, “Apowm tawng iawng chow?” pakhai.
Nami masiuüa klangah mih, “Lawngtangma mih maru uang lawt lowk ia. Aia dow kowrmow thawngma mih khupma chekhai,” pape khai.
Nahanow Sawl dow Samuel chowbowt pami tuk khai. Now aia dow krawng kowi tabawkah krawm se chupah khai bowt.15Samuel tek pe Sawl mih, “Tawngplawng kowchow en tuk pusa ang khai? Tawng rakowi chow en uang tuk krüngla ang khai?” pakhai.
Now Sawl tek pe mih, “Lainowmma ang kla phih khai. Paipra kowi Filistinuüa dow uang sen ang khai, now mapra kowi CHAKRAMANG paw cham dangta ang khai. Aia kowi dow ang hawah khowk chowdiah. Nachenganchepaw aia dow klang ang dowi: Mang kowi paw klang ang dowi, now risiuüa hown paw klang ang dowi chekhai. Naiawng rakowi kawmat tawng chow ang achang takla mih natukla kownkow ang uang haw en mih chekhai,” pape khai.16Now Samuel tek pe mih, “CHAKRAMANG powtta en kowh tawi tangila en dowi bowt now uang lünta ang e tawng chow mrawkra uowi?17Aia dow en tut-e kowh uang pe tek ang mih iawng chang en mih chowbowt. En kowh mangra dow aia rupta en hanow en tainau David kowi peah mih chowbowt.18En dow CHAKRAMANG kowh laiklow en chün dowi; Amalekuüa luk kowi kowh aia kunmarau mih en kowh lup hown en tüng pe dowi chekhai. Ani kowh naiawng aia chang en mih dow naiawng rakowi chekhai.19CHAKRAMANG mih Filistinuüa rut kowi en hai en hown kowh Israeluüa kowi naap enni kown. Tharau hownia dow en hai en kowh chapauüa mih makownguüa uowi rah kowi towbowt ang hown enni nauang tawi uowi kown. Now Israel siphaiuüa kowi paw aia dow Filistinuüa rut kowi naapta bowt kown,” pakhai.20Samuel kowh laiklow tata now Sawl dow kram lai bowt kowh krawng kowi tateng kan khai. Aia dow ni chut uar prowt tawngpaw cha dowi rakowi lainowmma kow uak khai bowt.21Nakhowk khe nakowi kowh masiuüa mih lainowmma Sawl kram mih khita khai. Naiawng rakowi Sawl kowi aia tek pe mih, “Mangkri, en kowh narma dow en kowh ana pek chün en khowk chekhai. En tek ang mih lup dow kowng kown mih tuakla dowi kowi ang chang en khai.22Kawmat dow en paw en kowh narma kowh laiklow sünta pe lowkchow diah. En kowh kür nauowila kownkow ang nauang pawla en chakkham ditchow kown. Nami chakkham cha pe ditchow diah. Nahanow mangla kown mih kür en naplan ka kown towbowt,” pakhai.23Nachenganchepaw Sawl tek pe mih, “Ang nau dowi, ang cha kown nadowi,” pape khai. Nachenganchepaw nami masiuüa hai aia kowh siphaiuüa dow nacha ditchow kownkow Sawl kowi tek pe rengreng khai. Naiawng rakowi Sawl mih awr rü hanow salawnma kowi awr chowm khai.24Nakhowk khe nami masiuüa kowh dow akauchow mih chia iia uowi apum chekhai. Aia dow alenma nami chia iia mih kowngenah hanow eng pe khai, now kawmdi sangrum hown the pe tuah dowi mih kawm thawp pe khai.25Nami kung kowi dow Sawl hai aia kowh siphaiuüa pur kowi nami chakkham mih aia uang then pe khai, now amatni dow nami chakkham cha büah khai bowt. Nami kung kowi dow uariiu reng tak khe nami hownia powt büah khai.
The Seed Company