1 Krungchakuüa23
1David dow aia lawngtang mih nowm khowk khe achapa Sawlawmawn kowi mih Israeluüa luk kowi pe chowmah mang khai.2Akung kowi David dow Israeluüa kowh aluchow maten, uamowuüa hai Leviuüa kowi kuaah lawmah khai.3Now 30 ning hownia 50 ning mowr mih Levi chenchap kachakuüa kowi rüaah hanow amatni kowh maru iun mut dow 38,000 ia chekhai.4Naiawngünuüa pungmadawng hownia CHAKRAMANG kim kowi kowh lup chang miuüa kowi naming nakhet kown mih kowi tabak mih dow 24,000 ia, maru iuk hai tara chet mih kowi tabak mih dow 6,000 ia, kangchawng mih kowi tabak mih dow 4,000 ia, now David pe thawpah mih tünteu chang müa hown nakiow CHAKRAMANG kown mih kowi tabak mih dow 4,000 ia chekhai.6Levi kowh chapauüa dow Gersawn, Kohat hai Merari büah chekhai. Amatni kowi dow amatni krungchak iawng David changah sum thum khai.7Gersawn kowh chapauüa dow Ladan hai Simei iüah chekhai.8Ladan kowh lang ta mih chapa dow Jehiel chekhai, now nami kung kowi dow Zetham hai Joel iüah chekhai. Naiawngünuüa dow Ladan krungchak kowi kowh aluchowuüa chekhai. Simei kowh chapauüa dow Selomawt, Haziel hai Haran büah chekhai.10Simei kowh akeng mih chapauüa dow Jahat, Zina, Jeus hai Beria büah chekhai.11Amatni tainau kowi lang ta mih dow Jahat, now nami kung kowi dow Zina chekhai. Tawkche Jeus hai Beria iüah kowh dow chapauüa e lai rakowi amatchi pre ia kowi klowkah pakrungchak chowtaih.12Kohat kowh chapauüa dow Amram, Izhar, Hebrawn hai Uziel büah chekhai.13Amram kowh chapauüa dow Arawn hai Mosi iüah chekhai. Arawn hai aia krungchakuüa kowi dow Thurai vüi chowngchowng saksakma naia changla lup reng kownkow lang krata khai bowt. Amatni kowi lang kraah mih dow lang chimsai mih uanh naming nakhet kownkow, CHAKRAMANG pur kowi naia chang uanap pawi kownkow, aia pur kowi naia chang lup kownkow hai aia ming hown naia pe prasi kownkow chekhai.14Tawkche Thurai maru Mosi kowh krungchak kowi dow Levi chenchap kowi klowkla khai.15Mosi kowh chapauüa dow Gersawn hai Eliezer iüah chekhai.16Gersawn kowh lang ta mih chapa dow Sebuel chekhai.17Eliezer kowh dow Rehabia pami chapa lowk iachow taih. Tawkchedow Rehabia kowh dow krungchakuüa uowi ahuma chekhai.18Izhar kowh lang ta mih chapa dow Selomit chekhai. (Izhar dow Kohat kowh chapa ta dakchow kowi kowh chapa chekhai).19Hebrawn kowh lang ta mih chapa dow Jeria, now nami kung kowi dow Amaria, Jahaziel hai Jekameam büah chekhai. (Hebrawn dow Izhar dakchow kowi kowh dia mih chekhai).20Uziel kowh lang ta mih chapa dow Mika, now asawi mih dow Isia chekhai. (Uziel dow Hebrawn dakchow kowi kowh dia mih chekhai).21Merari kowh chapauüa dow Mali hai Musi chekhai. Mali kowh chapauüa dow Eleazar hai Kis chekhai.22Eleazar kowh dow lowk iachow paw chapa uowi dowi; aia kowh dow chama kangowh chekhai. Naiawngün masiuüa dow amatni kowh pahi Kis kowh chapauüa hown tachawng khai.23Musi kowh chapauüa dow Mali, Eder hai Jerimawt büah chekhai.24Naiawngün dow Levi chenchap kowi kowh chowlowkkow krungchakuüa kowh aluchowuüa chekhai. Naiawngün krungchak maru-uüa kowi dow pirmi ning chih mih hownia nami luk kowi kowh kachakuüa maten kowi tang pe ming khai. Now amatni kowi dow CHAKRAMANG kim kowi pe changah lup khai.25David tek mih, “CHAKRAMANG Israeluüa kowh Thurai dow aia maru-uüa kowi peah thaulangra khai bowt, now Jerusalem kowi chowngchowng saksakma vüi nauang uowi bowt kown.26Naiawng rakowi Leviuüa dow taklowp taklangra te hai nakowi kowh tawngah mih uanh maten akawt takla dowi bowt tham,” pakhai.27Achur kowi kowh David ana pek iawng Leviuüa kowi dow pirmi ning chih mih hownia nami luk kowi kowh kachakuüa maten kowi tang pe ming khai.28Naiawngün Leviuüa kowh lup dow CHAKRAMANG kim kowi kowh lup chang mih Arawn krungchakuüa kowi tawi khowngah kown mih chekhai. Amatni dow CHAKRAMANG kim viadawng hai towklak ün tawi mingkhet khai, chimsaima mih uanh ün chimsaima tawi chang khai, now CHAKRAMANG kim kowi lakke takla mih lup paw tawi chang khai.29Nami klen kowi amatni kowh lup dow CHAKRAMANG pur kowi nakowtow kawmpah kown mih, kawmdi uanap vüi nalang klo kawmdi kown mih, the pe tuah dowi mih kawm nathawp kown mih, naawp kawmpah kown mih hai kanrawn sau hown nalawk kawmdi kown mih chekhai. Now amatni dow maru-uüa uang pawla mih uanap adik khai chih chow chih dowi chow mih paw nahawt mü kown mih chekhai.30Amatni dow rau towng hai iak pra towng CHAKRAMANG kowi tek awmrawm lai hai kiowah reng chekhai. Now Tanai Ni khe, Lacher Pawi khe hai khowm bowkta mih pawi khe amatni dow CHAKRAMANG vüi tikah mih uanap chang kowi tawi khowng reng chekhai. Amatni dow khowm bowkta mih maru iun khowt chi amatni kowi kowh peah mih lup bak iawng atungma CHAKRAMANG pur kowi chang reng chekhai.32Naiawng hai Leviuüa dow uamowuüa nimkrüa kowi taklowp taklangra te, CHAKRAMANG chup kim hai nakowi kowh achang takla mih lup chang büah khai.
The Seed Company