Přečtěte si Waiata a Horomona 2

Waiata a Horomona2

¹He puāwai ahau nō Harono,he rengarenga nō ngā awaawa.²He rengarenga i roto i ngā tātarāmoa,ko tāku e aroha nei i waenga i ngā tamāhine.³Kei te āporo i roto i ngā rākau o te ngaherete rite o tāku kaingākau i roto i ngā taitamariki.Āhuareka ana tāku noho iho i raro i tōna taumarumarutanga,ā, he reka āna hua ki tōku ngao.⁴I kawea ahau e ia ki te whare hākari,ā, ko tōna kara i runga i ahau he aroha.⁵Whakakahangia ake ahau ki te karepe whakamaroke,whakahauorangia ahau ki te āporo;e mate ana hoki ahau i te aroha.⁶Kei raro i tōku māhunga tōna mauī,e awhi ana tōna matau i ahau.⁷He kī tēnei nāku ki a koutou, e ngā tamāhine o Hiruhārama,i te aroaro anō o ngā anaterope, o ngā hāta o te pārae:kaua e whakaohokia, kaua e whakaarahia tāku e aroha nei,ā kia pai rā anō ia.

Kua Pahemo te Hōtoke

⁸Ko te reo rā o tāku e aroha nei!Nanā, te haere mai nei ia,e tūpekepeke ana i runga i ngā maunga,e mokowhiti ana i runga i ngā pukepuke.⁹Rite tonu tāku e aroha nei ki te anaterope,ki te kūao hāta rānei.Tēnei ia te tū mai neii muri o tō mātou taiepa,e mātakitaki mai ana i ngā matapihi,e whakaata mai ana rā roto i te mea rīpekapeka.¹⁰I kōrero mai tāku e aroha nei, i mea mai ki ahau:“E ara, e tāku ipo, e tāku mea ātaahua,ka haere mai.¹¹Nanā, kua pahemo te hōtoke,kua mutu te ua, kua kore.¹²Kua puta ngā puāwai ki te whenua;kua tata te wā e korihi ai ngā manu,ā, e rangona ana te reo o te kūkupaki tō tātou whenua.¹³Kua kōpuku ngā hua hou o te piki,kua puaka ngā wāina, e kakara mai nei.Maranga, e tōku hoa, e tāku mea ātaahua,haere mai hoki.”¹⁴E tāku kūkupa i roto i ngā kapiti o te kāmaka,i te wāhi ngaro o te pikitanga,kia kite ahau i tōu āhua, kia rongo ahau i tōu reo;he reka hoki tōu reo, he ātaahua tōu mata.¹⁵Hopukia mai mā tāua ngā pokiha,ngā pokiha ririkie takakino nei i ā tāua māra wāina;kua puāwai hoki ā tāua wāina.¹⁶Nāku tāku kaingākau, nāna hoki ahau;kei waenga ia i ngā rengarenga e whāngai ana i tāna kāhui.¹⁷I te mea kīanō i mātao te rā,ā, kīanō i rere noa ngā ātārangi,tahuri mai, e tāku e aroha nei,kia rite koe ki te anaterope,ki te kūao hāta,i ngā maunga o Pētere.