2Kia kihia ahau e ia ki ngā kihi a tōna māngai!He pai atu hoki tōu aroha i te wāina.3He kakara pai tō ōu hinu;ko tōu ingoa ānō he hinu kua oti te riringi;nā reira i aroha ai ngā wāhina ki a koe.4Kūmea ahau; ka rere atu mātou, ka whai i a koe;kua oti ahau te kawe e te kīngi ki ōna rūma.Ngā HoaKa koa mātou, ka hari ki a koe;engari tōu aroha i te wāina hei maharatanga atu mā mātou.E tika ana tō rātou aroha ki a koe!5He mangu ahau, otiia he ātaahua anō,e ngā tamāhine o Hiruhārama,rite tonu anō ki ngā tēneti o Kerara,ki ngā kākahu tauārai o Horomona.6Kaua e titiro mai ki ahau, nō te mea he parauri ahau,nō te mea kua tahuna ahau e te rā.I riri ngā tama a tōku whaea ki ahau,meinga ana ahau e rātou hei kaitiaki mō ngā māra wāina;ko tāku māra ia, ko tāku ake, kīhai i tiakina e ahau.7Whakaaturia mai ki ahau, e tā tōku wairua e aroha nei,ko hea koe whāngai ai,ko hea koe mea ai i tāu kāhui kia takoto i te poutūmārōtanga.Kia rite ahau hei aha ki te māhunga taupokii te taha o ngā kāhui a ōu hoa?8Ki te kore koe e mōhio,e te mea ātaahua rawa o ngā wāhine,haere atu i runga i ngā takahanga o ngā hipi,ka whāngai i āu kūao koatii te taha o ngā nohoanga o ngā hēpara.
Te Kōrerorero a te Tāne me te Wahine me ngā Hoa
9Kua whakaritea koe e ahau, e tāku e aroha nei,ki tētahi o ngā hōiho o ngā hāriata o Parao.10He ātaahua ōu pāpāringa i ngā whiri o ngā makawe,tōu kakī i ngā tautau o ngā mea whakapaipai.11Ka hangā e mātou ētahi mekameka kōura mōu,he mea tia ki te hiriwa.12I te kīngi e noho ana i tōna tēpu,ka puta te kakara o tōku nara.13Ko te rite ki ahau o tāku e aroha nei kei te paihere maira,e takoto nei i waenganui i ōku ū.14He tautau hena ki ahau tāku e aroha nei,i ngā māra wāina o Enekeri.15Nanā, he ātaahua koe, e tāku e aroha nei;nanā, he purotu koe;ko ōu kanohi kei te kūkupa.16Nanā, he ātaahua koe, e tāku kaingākau,āe rā, he āhuareka.Matomato tonu anō hoki tō tāua moenga;17he hīta ngā kurupae o tō tāua whare,he kauri ngā heke.
expand_more
The books couldn't be loaded. Check your connection and try again.