Read Ihāia 25

Ihāia25

He Hīmene Whakamoemiti

¹E Ihowā, ko koe tōku Atua;ka whakanuia koe e ahau,ka whakamoemititia e ahau tōu ingoa;he mahi whakamīharo hoki āu,arā ko ngā whakaaro i takoto nei i mua,i runga i te pono, i te tika.²Kua meinga hoki e koe te pā hei pūranga;te pā kaha, hei ururua;te whare kīngi o ngā tāngata kē, kore iho tērā pā;e kore e hangā ā ake ake.³Nā, ka whakakorōriatia koe e te iwi kaha,ka wehi te pā o ngā iwi nanakia i a koe.⁴Hei pā kaha hoki koe mō te ware,hei pā kaha mō te rawakore i tōna hēnga,hei whakaruru kei mate i te tūpuhi,hei whakahauhau mō te werawera.Ina rite te hau o te hunga nanakiaki te tūpuhi e āki mai ana ki te taiepa.⁵Ka rite ki te mahana i te wāhi maroke te ngangau o ngā tāngata kēka whakahokia iho nei e koe.Ka rite ki te mahana i ngā wā e whakamarumarua ana e te kapua,ka iti iho te waiata a te hunga nanakia.⁶Ā, ka tukua e Ihowā o ngā manohe hākari mā ngā iwi katoa ki runga ki tēnei maunga,he mea mōmona, he wāina nganga hei hākari,he mea mōmona, kī tonu i te hinu wheua,he wāina nganga, tatari rawa.⁷Ka whakakāhoretia anō e ia i runga i tēnei maungate mata o te hīpoki e hīpoki nei i ngā iwi katoa,me te taupoki e taupoki nei i ngā tauiwi katoa.⁸Kua horomia e ia te mate ake ake;ā, ka horoia e te Ariki, e Ihowā, ngā roimatao ngā kanohi katoa,ka whakakāhoretia anō e ia te whakahāwea ki tāna iwiputa noa i te whenua;nā Ihowā nei hoki te kupu.

⁹Ko te kupu anō tēnei i taua rā,“Nanā, ko tō tātou Atua tēnei;i tatari tātou ki a ia, ka ora anō tātou i a ia.Ko Ihowā tēnei; i tatari tātou ki a ia;ka hari tātou, ka koa ki tāna whakaoranga.”

¹⁰Nō te mea ka okioki te ringa o Ihowā ki tēnei maunga,ā, ka takahia a Moapa ki raro i tōna wāhi,me te kakau wīti e takahia ana ki te wai o te pūranga paru.¹¹Ā, ka totoro ōna ringa i waenganui o reira pērā me te kaikauhoee toro ana i ōna ringa ina kauhoe ia;ka tukua hoki ki raro tōna whakapehapeha me ngā mahi a ōna ringa.¹²Nā, ko te wāhi kaha o te pourewa tiketike o ōu taiepa,kua tukua iho e ia,takoto rawa, pā rawa ki te whenua,ki te puehu rawa.