1Nanā, kua meinga e Ihowā te whenua kia noho tahanga,kia takoto kau,kua porohurihia ake e ia,ā, kua whakamararatia ōna tāngata.2Ā, ka rite te iwi ki te tohunga,te pononga ki tōna ariki,te pononga wahine ki tōna rangatira wahine,te tangata i utua ai te taongaki te tangata i a ia nei te utu,te kaiwhakatārewa mai ki te tangata i te nama,te tangata i te moni whakatupuki te tangata nāna nei i hōmai ki a ia.3Ka mōtī rawa tā te whenua,pāhua rawa.Kua kōrerotia hoki e Ihowā tēnei kupu.4E tangi ana te whenua, ngohe noa iho;kahakore kau te ao, ngohe noa iho;harotu kau te hunga rarahi o te whenua.5Kua poke anō te whenua i raro i ōna tāngata;kua takahia hoki ngā ture,whakaputaia kētia ake e rātou te tikanga i whakatakotoria,whakatakā ana e rātou te kawenata onamata.6Nā reira i kainga ai te whenua e te kanga,kitea iho te hara o ōna tāngata;nā reira i wera ai ngā tāngata o te whenua,ā, he torutoru te hunga i toe.7E tangi ana te wāina hou;kua kahakore te wāina;kei te mapu te hunga ngākau koa katoa.8Ka mutu te koa o ngā timiperakua kore te ngē o te hunga e hari ana;mutu ake te koa o te hāpa.9Kore ake tā rātou waiata i te mea e inu wāina ana;ka kawa te wai kaha ki te hunga e inu ana.10Kua pakaru te pā o te pororaru,tūtaki rawa ngā whare katoa, tē ai he tomokanga atu.11He karanga kei ngā ara, he mea mō te wāina;kua pōuri katoa te koa,kua riro te harakoa o te whenua.12Mahue iho ki te pā ko te ururua;ko te kūwaha, he mea whiu ki te whakangaromanga.13Ka pēnei te hanga i waenganui i te whenuai roto i ngā iwi;kei te ruiruinga o te ōriwa te rite,kei te hamunga o ngā karepe ina mutu te whawhaki.14Ka ara tō rātou reo, ka waiata rātou;mō te nui hoki o Ihowā, ka hāmama mai rātou i te moana.15Nā, whakakorōriatia a Ihowā i te rāwhiti,te ingoa o Ihowā, o te Atua o Īharaira,i ngā motu o te moana.16I te pito rawa o te whenua kua rangona ngā waiata e tātou:“He korōria ki te tangata tika.”Otiia, ka kī ake ahau, “Kei te whakaheke ahau!Kei te whakaheke! Auē te mate i ahau!He mahi tinihanga tā te hunga tinihanga;nui atu te tinihanga o te hunga tinihanga!”17Ko te wehi, ko te rua, ko te rore,kei a koe, e te tangata o te whenua.18Nā, ko te tangata e rere mai i te ngangau o te wehi,ka taka ki te rua;ā, ko te tangata e puta ake ana i roto i te rua,ka mau i te rore.Kua puare hoki ngā matapihi o runga,ā, e rū ana ngā tūranga o te whenua.19Ngakongako kau te whenua,memeha kau noa iho te whenua,ngāueue kau te whenua.20Hūrorirori kau te whenua ānō he haurangi,nekenekehia ana, me te mea he whare tira;ka taimaha iho hoki tōna hē ki runga ki a ia,ka hinga, heoi anō ōna aranga ake.21I taua rā ka whiua e Ihowāte ope o te hunga kua neke ake,me ngā kīngi o te whenua i runga i te whenua.22Ā, ka huihuia rātou,ka pērātia me ngā herehere e huihuia ana ki te rua,ka tūtakina hoki ki te whare herehere,ā, ka maha ngā rā ka tirohia iho rātou.23Ko reira te marama numinumi kau ai,ka whakamā anō hoki te rā;ka kīngi hoki a Ihowā o ngā manoki Maunga Hiona, ki Hiruhārama,ki te aroaro anō o āna kaumātuai runga i te korōria.
expand_more
The books couldn't be loaded. Check your connection and try again.