O LUKAS13
1Ma oraha geena o nyawa yohi ade-ade o Yesusi'a, nage yamuluo naga o Galilea'a ma nyawa o Pilatus wo'ito-tooma, ma oraha yohihuba o aewani ma Jou ma Dutu'a.2Woihene o ade-ade geena, de o Yesus wotemo <<O Galilea'a ma nyawa yo'itotooma geena niotemo 'aonahi yobaradoha de o Galilea'u ma nyawa moi-moi?3'A'ouwa! Ma niahi-hingina: na'o ngini 'aniotobawa de 'aniodiaiohi o baradoha, ngini aha niohonenge moi-moi, harage 'aonali.4Itoto'iau de yaamogioo'o de yatuangele yohongene o Siloamo'a, ma oraha o woa i'a-'a'ulie yo'itapadu? Geena niotemo ona iholoi yobaradoha de o nyawa moi-moi o Yerusalemo'a yogoo-gogele?5Durue 'a'ouwa! Ma moi ohi tiniitemo: na'o ngini 'anio tobawa niodiai o baradoha, nginima aha niohonenge hara'a ona.>>6Iduangino geena o Yesus wohiade-adeli o hi'atero neena, <<Naga womatengo awi angguru ma bailo'a o ara o utu moi iwangode. O wange moi'u una wotagi womadahali'i ma gota ma howo'o geena, ma una 'amoio de o wama'ewa.7Ho una wotemo awi baili wogoa-goani'a, <Eee Nama'ehi! O taunu haangenou ngoi tohali-hali'i o ara ma howo'o neena, ma 'amoiode 'otama'ewa ma howo'o. Ho natodangi'au ma gota geena! Ena 'aparacuma iwangode ma tona'o'a neena!>8Ma wogoa-goana o baili geena wopaluhu, <Tuanga pamada'ahi o taunu moiohi. Ngoi aha todopohu'u tohi'aba'itino de tahoulu.9Ianibote o taunu nanga bioni'a de aha ihowo'o. Mana'o 'a'ouwa, geena ngaro 'ano hulo'ou tuanga la itodangi'au.> >>10Ma wange moi'u o hiani ma wange'u, o Yesus wodoto'o o dodoomu ma woa'a.11Geena'a moma tengo o ngewe'a ami taunu mogioo'o de tuangelinou mopanya'e, matiti o omaha ma diiha mi dogogele ami roeho'a. Ma ngewe'a gumuna mopugutu de duru 'aidadiwa momari'oto.12Ma oraha o Yesus mima'e, Una mitemo muna'a <<Yai ani panya'e itogumo'au!>>13De aha o Yesus awi giama midonoa ami hae'u'u, de 'ama oraha geena muna momao'o mori'otie'au de mipuji ma Jou ma Dutu.14O dodoomu ma woa ma baluhu geena'a wongamo matiti o Yesus wo'ihiai'i o nyawa o hiani ma wange'u, ho ma baluhu guuna wotemo o nyawa yolepe-lepe'a, <<O wange butangano pomaada 'arajaanga ho 'iani ma wange geena, de nioboa, la nihi togumu, uwa o hiaini ma wange'u!>>15Ma Jou Yesus wopaluhu, <<Nio elu-elu'u ngini neena! O hiani ma wange'u, o nyawa moi-moi nia hapi e'ola nia keledai, nia hohe ma'urunga'a de niohihupu, nia aha o a'ele niohio'ele.16Eh, 'aano neena muna o Abraham awi guti'u, o taunu mogio-o'o de tuangelinou o ibilihi mi gagaono. Igoungu 'aidadiwa pomihiai'i o hiani ma wange'u?>>17O Yesus awi babaluhu geena wibuhu-buhulu ge duru yo'imae'e; ma gedau ma homoahi yolepe yaigo o Yesus wodiai ihera-heranga.18O Yesus wohano, <<Na'o ma Jou ma Dutu, wo'oano'au itoto'iau done idadi? De o'iau ngoi tohi'ataili la yadaene?19Ma dodagi marai harage'a o hi'atero neena. O sawi ma mui moi, o nyawa womatengo waehe de watudu'u awi bailo'a. Ma mui geena iwango de idadi o gota, de o namo dara imadiigutu ma gota ma jaga-jaga'a geena.>>20Wohigalioli o Yesus wo'ihano, <<Na'o ma Jou ma Dutu wo'oana, de o'iau done pohi'atero?21Imadadi harage 'aoragi o ngewe'a moi ma eheno de mohi'aruae de o terigu o litere moruata, hiadono ihero moi-moi.>>22O Yesus awi dodagi ma gorona'a wotagi o Yerusalemie, Una wotulu-tulu o benda-bendari'a de o hoa-hoani'a de wo'idoto'o.23Geena'a de o nyawa yohano Una'a, <<Aba, bote 'ayo lepewa o nyawa yoha-halamata?>>
O Yesus wopaluhu,24<<Nimadahali'i la nioohama o ngoana ipepeeto'a. Nimaahi-hingina! Hababu, o nyawa manga lepe yohali'i la yoohama ma, o yadadiwa.25Wa'utu ma woa ma dutu womomi'i de wabeno awi ngoana, done ngini ma duduno'a niotolo-tolo de niotemo <Tuanga, o ngoana nimi depelengahi!> Ma ma Tuanga geena wopaluhu, <Ngoi 'atini na'owa ngini o 'iano!>26Ngini done niopaluhu, <Ngomi neena pomahidoomo de pomahidoo'elo'au de ngona Tuanga, de nimidoto'o'au mia bendara ma nge'o-nge'omo'a!>27Ma ma Tuanga guuna aha wotemoli, <Ngoi 'atiniina'owa, ngini 'ia'a de niaino. Nioloa'a geena'a, ngini o diiha nio didiai!>28Ma orahu'u ngini ni'ima'e o Abraham, o Ishak de o Yakub de o nabi moi-moi yomagarago ma Jou ma Dutu awi 'Oano'a, ngini aha nioali de nio'angela hababu ngini niginii'i niohupu!29O nyawa-nyawa aha yoboa o wange ma hiwa'o de o wange ma dumuniha, o 'oremie de o 'orehara de aha yomagarago ma Jou ma Dutu awi 'Oano'a.30Itiai, naga o nyawa yotutuulu aha yohi-hila, de naga o nyawa yohi-hila'a aha yotu-tuulu.>>31Ma oraha 'ageena, naga o Farisio'a yamuluo naga yoboano o Yesusino de yotemo, <<Uwa nogogele neena'a! Notagi naga ma homoa'a, hababu o Herodes womau nowi tooma.>>32O Yesus wopaluhu, <<Nio tagi niwihingahu ma nyawa awi guna 'oiwa-iwa'a ge, O wange neena de o dewela Ngoi taginii'i o omaha ma diiha de yopapanya'e to'ihi togumu, ma 'aowange haange, ngoi taduango'au 'ai 'arajaanga.33Ngaro o geena ngoi 'iani tohigila-gila o wange neena, o dewela de modidio'a, hababu 'aitiiha o nabi moi de yatooma 'a o Yerusalemo'awa.34Yerusalem, Yerusalem! O nabi-nabi no'itooma! Ma Jou ma Dutu awi huhulo'o no'iheleo hiadono yohongene! Ma muluo nou ngoi to mau tini hi'apolu harage'ao namo ma eha yapoluno ma ngowa-ngowa'a ma gaatu'u ma timino, ma ngona'a noolu'u!35Mangale geena ma Jou ma Dutu 'a nowinii'i'au. Neena de imahi'ai'a ngona 'anoi ma'ewau, hiadono ngona notemo, <wihibara'ati una woboa-boa, de ma Jou awi ronga.> >>
O Yesus wopaluhu,24<<Nimadahali'i la nioohama o ngoana ipepeeto'a. Nimaahi-hingina! Hababu, o nyawa manga lepe yohali'i la yoohama ma, o yadadiwa.25Wa'utu ma woa ma dutu womomi'i de wabeno awi ngoana, done ngini ma duduno'a niotolo-tolo de niotemo <Tuanga, o ngoana nimi depelengahi!> Ma ma Tuanga geena wopaluhu, <Ngoi 'atini na'owa ngini o 'iano!>26Ngini done niopaluhu, <Ngomi neena pomahidoomo de pomahidoo'elo'au de ngona Tuanga, de nimidoto'o'au mia bendara ma nge'o-nge'omo'a!>27Ma ma Tuanga guuna aha wotemoli, <Ngoi 'atiniina'owa, ngini 'ia'a de niaino. Nioloa'a geena'a, ngini o diiha nio didiai!>28Ma orahu'u ngini ni'ima'e o Abraham, o Ishak de o Yakub de o nabi moi-moi yomagarago ma Jou ma Dutu awi 'Oano'a, ngini aha nioali de nio'angela hababu ngini niginii'i niohupu!29O nyawa-nyawa aha yoboa o wange ma hiwa'o de o wange ma dumuniha, o 'oremie de o 'orehara de aha yomagarago ma Jou ma Dutu awi 'Oano'a.30Itiai, naga o nyawa yotutuulu aha yohi-hila, de naga o nyawa yohi-hila'a aha yotu-tuulu.>>31Ma oraha 'ageena, naga o Farisio'a yamuluo naga yoboano o Yesusino de yotemo, <<Uwa nogogele neena'a! Notagi naga ma homoa'a, hababu o Herodes womau nowi tooma.>>32O Yesus wopaluhu, <<Nio tagi niwihingahu ma nyawa awi guna 'oiwa-iwa'a ge, O wange neena de o dewela Ngoi taginii'i o omaha ma diiha de yopapanya'e to'ihi togumu, ma 'aowange haange, ngoi taduango'au 'ai 'arajaanga.33Ngaro o geena ngoi 'iani tohigila-gila o wange neena, o dewela de modidio'a, hababu 'aitiiha o nabi moi de yatooma 'a o Yerusalemo'awa.34Yerusalem, Yerusalem! O nabi-nabi no'itooma! Ma Jou ma Dutu awi huhulo'o no'iheleo hiadono yohongene! Ma muluo nou ngoi to mau tini hi'apolu harage'ao namo ma eha yapoluno ma ngowa-ngowa'a ma gaatu'u ma timino, ma ngona'a noolu'u!35Mangale geena ma Jou ma Dutu 'a nowinii'i'au. Neena de imahi'ai'a ngona 'anoi ma'ewau, hiadono ngona notemo, <wihibara'ati una woboa-boa, de ma Jou awi ronga.> >>
The Seed Company