O Yohanes1
1Ma hila, wa'utu ma Jou ma Dutu wohidadiwahi o dunia, Una nage witehongo o Demo Una nagau. O Demo geena naga de ma Jou ma Dutu, de Guunau ma Jou ma Dutu.2'A ma di-dihilahi de o demo Guuna naga de ma Jou ma Dutu.3O hagala moi-moi ihi'o'idadi ma ma nge'omo o demo.Na'o 'a Unawa Guunao 'iau hona moi-moi ida-dadio'au ge 'a moio ma oiwa.4O Demo Guuna o wowango matiti.De o wowango guuna woaha o daraanga o nyawa'a.5O daraanga geena ihiwa o wuwutu ma gorona'ade o wuwutu 'ayaa'unua yahonenge o daraanga geena.6Naga womatengo ma Jou ma Dutu wihulo'o woboanoawi ronga o Yohanes.7Una woboa wohingahu ma ngale o daraanga geenala o nyawa moi-moi yonga'u Una'a.8O Yohanes una geena 'a o daraangua.Una duga 'awohingahu ma ngale o daraanga geena.9O daraanga ma dutu nage yo'idihiwa o nyawa'a moi-moinaga iboa o duniano.10Ngaro o dunia de ma doda ihidadi ma nge'omo o Demo guuna,ma nage Una woboano o dunia'a,o dunia ma nyawa 'awina'owa.11Una woboa awi daeranoma awi nyawa-nyawa 'awidawongua.12Ma o nyawa moi-moi nage widawongo de winga'u Una'a,wo'i'ula o 'uaha ona'a yodadi ma Jou ma Dutu awi ngoa-ngoa'a.13Ona yodadi ma Jou ma Dutu awi ngoa-ngoa'a geena 'aimaterowa de ngone o nyawa pomaboa.Ngone pomaboa geena 'a de o nyawa manga nyahihuu, ma ona yodadi ma Jou ma Dutu awi ngoa-ngoa'a hababu una ma hirete wo'ihidadi.14O Demo guuna womadadio'au o nyawa,de womanoa naga ngone'a,de ngone pama'e'au Awi 'umati.Awi 'umati geena ma Jou ma Dutuno to una awi Dea. Hababu Una geenala ma Jou ma Dutu awi Ngoa'a womatengo-tengo'a.Ma nge'omo una, ngone pa'o'ima'e ma Jou ma Dutu awi hininga ma rahaide Awi dodoto'o duru itiai.15Unau geena nage o Yohanes wohingahu wotemo,<<O nyawa nuunau nage ma hila tohi'awaha'au o nyawa'a totemo,ngoio'a de aha Womatengoli woboa, ma una iholoi awi 'uaha iamo'o de de ngoi.Hababu ngoi 'atomaboawahi ena una nagau.>>16Una awi hininga duru ma rahai ngonenoho Una wonahibarati 'a itogu-togumua.17Ma Jou awi hu'umu wona'ula ngoneno ma nge'omo o Musano,ma ma Jou ma Dutu awi hininga ma rahai de awi dodoto'onage itiai wohimaiti ma nge'omo ma Yesus Kristusino.18'Amoiwahi wima'e ma Jou ma Dutuduga 'a to una awi Ngoa'a womatengo-tengo'anage naga de ma Dea 'ao hininga moi.Una wohimaiti ngoneno ma Jou ma Dutu geena naguunau.19O Yahudio'a manga balu-baluhu nage yogogele o Yerusalemo'a yohulo'o o imam-imami'a de manga nyawa-nyawa nage manga ahala o Lewino yotagi o Yohanesi'a la yohano una'a, <<Ngona neena naguunau?>>.20O Yohanes womanga'u wohito-tobioni'a wotemo, <<Ngoi neena 'a ma 'oanua nage o nyawa wo'ihiha-halamata.>>21De ona yohanoli, <<Na'o 'ogeena ngona neena naguunau? Ma Nabi Elia?>>
O Yohanes wopaluhu, <<'Ouwa.>>
De yohanoli, <<Bote ngona ma Nabi ma amo'o nage mioda-damaa?>>
O Yohanes wopaluhu, <<Ouwa!>>22Geena'a de ona yohanoli una'a, <<Na'o 'ogeena bee'a notemono ngomino ngona neena naguunau. La ngomi idadi miohingahu o nyawa'a nage mihulo-hulo'o ngomino. Ho imote'e ngona mahirete ngona naguunau?>>23O Yohanes wopaluhu, <<Ngoiou neena nage ma hila ma Nabi Yesaya wotemo na'o:<O nyawa womatengo naga o tona'a i'a'a-'aha'a wohigaho-gaho'o wotemo:Niohi'adiai o nge'omo mangale ma Jou waboa.> >>24Nage yo'ihulo-hulo'ino goona, yamuluo naga o Farisio'a.25Ona yohano o Yohanesi'a, <<Na'o ngona, 'a ma Oanua nage wonahiha-halamata, o Eliawa, de 'a o Nabiwa ma amo'o ge mioda-damaa, de idodoau ho o nyawa no'iohi'i?>>26O Yohanes wopaluhu, <<Ngoi to'iohi'i o nyawa 'a de o a'ele. Ma naga nia hidogorona'a womatengo ngini 'aniwina'owa.27Ngoi tohilano toboa aha de Una. Ma 'a awi tarupa ma gumini tahohe ma 'oyadaenuwa.>>28Geena moi-moi idadi o Betania'a, o Yordan ma a'elo'a nage 'ia'a naga o Yohanes o nyawa waohi-ohi'i dina ma honongaha.29Ma dewelano o Yohanes wima'e ma Yesus woboa unano. De o Yohanes wotemo, <<Bee'a niwima'e, ma Jou ma Dutu awi Duba ma Ngoa'a nage watuuhu o nyawa o dunia'a manga baradoha.30Unau geena nage tinihidemo'au na'o ngoio'a de aha womatengo woboa, ma Una awi 'uaha 'iholoi ilamo'o, hababu ngoi 'a to ma boawahi ena Una nagau.31Ma hila ngoi ma 'a towina'owa una geena naguunau, ena momongo ngoi to'iohi'i o nyawa de o a'ele la o Israelo'a wina'o Una'a.>>32O Yohanes wohingahuoli onane, <<Ngoi tama'e o Omaha Iofi-ofi 'iuti da'uu'u o diwangu'u harage 'a o namo dara iuti de imanoa Una'u.33Ma oraha geena ngoi ma 'a towina'owa una geena naguunau. Ma ma Jou ma Dutu wohulo'o o nyawa to'iohi'i de o a'ele, una wotemo ngoino onane: <Na'o nama'e o Omaha Iofi-ofi 'iuti de imanoa o nyawa moi'a, Unau aha wo'iohi'i de o Omaha Iofi-ofi.> >>34O Yohanes wotemo, <<Ngoi mahirete towima'e'au de ngoi mahirete tinihidemo na'o una geenala ma Jou ma Dutu awi Ngoa'a.>>35O dewelano, o Yohanes yomahigo'oli geena'a de awi ni-nii'i yamididi.36Ma oraha o Yohanes wima'e o Yesus waboa geenano de o Yohanes wotemo, <<Niwigelelo, Guunau ma Jou ma Dutu awi Duba ma Ngoa'a.>>37Ma oraha o Yohanes awi ni-nii'i yamididi goona yoihene o Yohanes wotemo 'ogeena, de 'ayogila-gila o Yesus winii'i.38O Yesus womagelelo awi duduno'o de wo'ima'e yamididi goona nage winii'i, de wo'ihano, <<O 'iau niohali'i?>>
Ona yopaluhu, <<Rabi, 'ia'a nomanoa?>> (O Rabi ma mangariti, <<O Guru>>.)39O Yesus wotemo, <<Nainou, ngini ma hirete niagelelo!>> Ona yotagi dede una yama'e 'ia'a Una womanoa. Ma oraha geena poelua o ta'o hoata o wange i'umulu'o'au. O wange geena ona yomanoa de de Una.40Yamididi nage yoiheno'au o 'iau nage o Yohanes wowomaade-ade, geena'a de ona yotagi winii'i o Yesus, womatengo ge o Andreas, o Simon Petrus ma dodoto.41O Andreas womataiti wihali'i awi lia'a o Simon, wima'eno de wotemo una'a, <<Ngomi mima'ama'e'au de ma Oana nage o Nyawa Wohiha-halamata wihironga ma Kristusu nage!>> Ma mangariti, <<Ma Jou ma Dutu Wiili-ili'i.>>42Geena'a de o Andreas wiaha o Simon o Yesusi'a.
O Yesus wigelelo o Simoni'a de wotemo, <<Ngona o Simon, o Yohanes awi ngoa'a. Ngona aha nihironga o Kefas.>> (O Kefas geena o Yunanio'a yotemo o Petrus, ma mangariti <<O de'u 'ihe-heleo.>>)43Ma dewelano o Yesus wabutuho'au wotagi o Galilea'a. De yoma'ama'e de o Nyawa moi awi ronga o Filipus de wotemo o Filipusi'a, <<Nainou noinii'i ngoino!>>44O Filipus awi ahala o Betsaida ma bendarino. Geenau o Andreas de o Petrus manga bendara.45O Filipus yoma'ama'e de o Natanel de wotemo o Nataneli'a, <<E, ngomi mima'ama'e'au de o Nyawa nage o Musa wohingahu-ngahu naga ma Jou ma Dutu awi behehongo ma bo'uo'a, de nage o nabi yohi'a-'awaha. Una geena o Yesus o Nazaretino, o Yusup awi ngoa'a!>>46Ma o Natanel wopaluhu, <<Ae! Bote 'aidadi? O 'iani moi yaowa-owa de iboa o Nazaretino?>> De o Filipus wopaluhu, <<Nainou, ngona ma hirete nowigelelo!>>47O Yesus wima'e o Natanel woboa de wotemo, <<Niwima'e guuna, igou-goungu o Israelo'a. Una awi hininga duru itiai.>>48O Natanel wohano o Yesusi'a, <<Aba cara'iau ho noina'o?>> O Yesus wopaluhu, <<O Filipus 'a nowiaho'uahi ena tonima'e'au o gota ma ronga o ara ma timi'u.>>49Geena'a de o Natanel wotemo, <<Aba Guru, ngona neena ma Jou ma Dutu awi Ngoa'a, ngona o Israele ma nyawa mia Oana!>>50O Yesus wotemo, <<Ngona noinga'u hababu Ngoi totemo na'o tonima'e'au o gota ma ronga o ara ma timi'u! Done aha nama'e o 'iau hona iholoioli 'ila-laagomo de geena!>>51Geena'a de o Yesus wotemoli una'a, <<Neena tonitemo tohigou-goungu, ngona aha nama'e o diwanga ipelenga de ma Jou ma Dutu awi ma-malai'ata iuti doa, Ngoi o Nyawa ma Ngoa'a 'ai biono'a.>>
O Yohanes wopaluhu, <<'Ouwa.>>
De yohanoli, <<Bote ngona ma Nabi ma amo'o nage mioda-damaa?>>
O Yohanes wopaluhu, <<Ouwa!>>22Geena'a de ona yohanoli una'a, <<Na'o 'ogeena bee'a notemono ngomino ngona neena naguunau. La ngomi idadi miohingahu o nyawa'a nage mihulo-hulo'o ngomino. Ho imote'e ngona mahirete ngona naguunau?>>23O Yohanes wopaluhu, <<Ngoiou neena nage ma hila ma Nabi Yesaya wotemo na'o:<O nyawa womatengo naga o tona'a i'a'a-'aha'a wohigaho-gaho'o wotemo:Niohi'adiai o nge'omo mangale ma Jou waboa.> >>24Nage yo'ihulo-hulo'ino goona, yamuluo naga o Farisio'a.25Ona yohano o Yohanesi'a, <<Na'o ngona, 'a ma Oanua nage wonahiha-halamata, o Eliawa, de 'a o Nabiwa ma amo'o ge mioda-damaa, de idodoau ho o nyawa no'iohi'i?>>26O Yohanes wopaluhu, <<Ngoi to'iohi'i o nyawa 'a de o a'ele. Ma naga nia hidogorona'a womatengo ngini 'aniwina'owa.27Ngoi tohilano toboa aha de Una. Ma 'a awi tarupa ma gumini tahohe ma 'oyadaenuwa.>>28Geena moi-moi idadi o Betania'a, o Yordan ma a'elo'a nage 'ia'a naga o Yohanes o nyawa waohi-ohi'i dina ma honongaha.29Ma dewelano o Yohanes wima'e ma Yesus woboa unano. De o Yohanes wotemo, <<Bee'a niwima'e, ma Jou ma Dutu awi Duba ma Ngoa'a nage watuuhu o nyawa o dunia'a manga baradoha.30Unau geena nage tinihidemo'au na'o ngoio'a de aha womatengo woboa, ma Una awi 'uaha 'iholoi ilamo'o, hababu ngoi 'a to ma boawahi ena Una nagau.31Ma hila ngoi ma 'a towina'owa una geena naguunau, ena momongo ngoi to'iohi'i o nyawa de o a'ele la o Israelo'a wina'o Una'a.>>32O Yohanes wohingahuoli onane, <<Ngoi tama'e o Omaha Iofi-ofi 'iuti da'uu'u o diwangu'u harage 'a o namo dara iuti de imanoa Una'u.33Ma oraha geena ngoi ma 'a towina'owa una geena naguunau. Ma ma Jou ma Dutu wohulo'o o nyawa to'iohi'i de o a'ele, una wotemo ngoino onane: <Na'o nama'e o Omaha Iofi-ofi 'iuti de imanoa o nyawa moi'a, Unau aha wo'iohi'i de o Omaha Iofi-ofi.> >>34O Yohanes wotemo, <<Ngoi mahirete towima'e'au de ngoi mahirete tinihidemo na'o una geenala ma Jou ma Dutu awi Ngoa'a.>>35O dewelano, o Yohanes yomahigo'oli geena'a de awi ni-nii'i yamididi.36Ma oraha o Yohanes wima'e o Yesus waboa geenano de o Yohanes wotemo, <<Niwigelelo, Guunau ma Jou ma Dutu awi Duba ma Ngoa'a.>>37Ma oraha o Yohanes awi ni-nii'i yamididi goona yoihene o Yohanes wotemo 'ogeena, de 'ayogila-gila o Yesus winii'i.38O Yesus womagelelo awi duduno'o de wo'ima'e yamididi goona nage winii'i, de wo'ihano, <<O 'iau niohali'i?>>
Ona yopaluhu, <<Rabi, 'ia'a nomanoa?>> (O Rabi ma mangariti, <<O Guru>>.)39O Yesus wotemo, <<Nainou, ngini ma hirete niagelelo!>> Ona yotagi dede una yama'e 'ia'a Una womanoa. Ma oraha geena poelua o ta'o hoata o wange i'umulu'o'au. O wange geena ona yomanoa de de Una.40Yamididi nage yoiheno'au o 'iau nage o Yohanes wowomaade-ade, geena'a de ona yotagi winii'i o Yesus, womatengo ge o Andreas, o Simon Petrus ma dodoto.41O Andreas womataiti wihali'i awi lia'a o Simon, wima'eno de wotemo una'a, <<Ngomi mima'ama'e'au de ma Oana nage o Nyawa Wohiha-halamata wihironga ma Kristusu nage!>> Ma mangariti, <<Ma Jou ma Dutu Wiili-ili'i.>>42Geena'a de o Andreas wiaha o Simon o Yesusi'a.
O Yesus wigelelo o Simoni'a de wotemo, <<Ngona o Simon, o Yohanes awi ngoa'a. Ngona aha nihironga o Kefas.>> (O Kefas geena o Yunanio'a yotemo o Petrus, ma mangariti <<O de'u 'ihe-heleo.>>)43Ma dewelano o Yesus wabutuho'au wotagi o Galilea'a. De yoma'ama'e de o Nyawa moi awi ronga o Filipus de wotemo o Filipusi'a, <<Nainou noinii'i ngoino!>>44O Filipus awi ahala o Betsaida ma bendarino. Geenau o Andreas de o Petrus manga bendara.45O Filipus yoma'ama'e de o Natanel de wotemo o Nataneli'a, <<E, ngomi mima'ama'e'au de o Nyawa nage o Musa wohingahu-ngahu naga ma Jou ma Dutu awi behehongo ma bo'uo'a, de nage o nabi yohi'a-'awaha. Una geena o Yesus o Nazaretino, o Yusup awi ngoa'a!>>46Ma o Natanel wopaluhu, <<Ae! Bote 'aidadi? O 'iani moi yaowa-owa de iboa o Nazaretino?>> De o Filipus wopaluhu, <<Nainou, ngona ma hirete nowigelelo!>>47O Yesus wima'e o Natanel woboa de wotemo, <<Niwima'e guuna, igou-goungu o Israelo'a. Una awi hininga duru itiai.>>48O Natanel wohano o Yesusi'a, <<Aba cara'iau ho noina'o?>> O Yesus wopaluhu, <<O Filipus 'a nowiaho'uahi ena tonima'e'au o gota ma ronga o ara ma timi'u.>>49Geena'a de o Natanel wotemo, <<Aba Guru, ngona neena ma Jou ma Dutu awi Ngoa'a, ngona o Israele ma nyawa mia Oana!>>50O Yesus wotemo, <<Ngona noinga'u hababu Ngoi totemo na'o tonima'e'au o gota ma ronga o ara ma timi'u! Done aha nama'e o 'iau hona iholoioli 'ila-laagomo de geena!>>51Geena'a de o Yesus wotemoli una'a, <<Neena tonitemo tohigou-goungu, ngona aha nama'e o diwanga ipelenga de ma Jou ma Dutu awi ma-malai'ata iuti doa, Ngoi o Nyawa ma Ngoa'a 'ai biono'a.>>
The Seed Company