Titus3
1Ăn me tơ tă hên gư̆t mpŭ jêh iên gưt dơk ta băl khua kĕ kriê wăt băl mau pơp dơi, ăn ñjrăng no di mhŏ grăp bruă găl,2so dơi ngơi djŏh nai, so dơi tŏng nhan, ƀê̆ dăh ăn băn dhư̆, lăm ƀlang pơp lăm rôč săk ta măt grăp nau nêh.3Bơ yơng băl băn luôr lak ăt jêng nêh plư̆p mblo jêh iên so gưt dơk ya, ĕh lăč mŏng pơp mblơm jêh iên mhŏ dư̆k ta grăp pơp he khơñ wăt ta pơp tih djŏh, brêh mŏng pơp djŏh ƀai jêh iên tŏng nač, năng hao nuih, jêh iên tŏng hao nuih ndăng găp.4Ƀê̆ dăh trôh mông pơp găl jêh iên nuih nhăm khăp khơñ Yang Trôk di, Yang Tŏng Tlĕh băl băn, dơi nôh ƀlang,5Khua Yang lăm tlĕh băl băn, so geh yơng băh grăp bruă mhŏ trôh băh pơp geh tŏng jêh băl băn mhŏ ôh, ƀê̆ dăh yơng băh nuih nhăm tlŏng đač Yang di, mŏng bruă rao ngôr ta pơp lai săk mhei jêh iên pơp lŏ lăm mhei yơng băh Yang Ngăt Găl,6hư̆n jêng Mtao jêh Yang Trôk tôh bêng dlai tŏng băl băn mơn băh Khua Yang băl băn jêng Yang Tŏng Tlĕh Yê-su,7no di dơi ngơp geh tŏng mơn băh pơp đač Khua Yang, băl băn dơi ñjêng nêh dơn ngăn hui si pơp čang mơn kjăp yơng ta pơp brêh hui hai.8Pơp ngơi ho jêng ngĭn ngăn, jêh iên ăñ khơñ me ngơi ktang ta pơp hư̆n, no di nêh tơm jêh đăo ta Yang Trôk jrăng ksiêm nư̆k no di săl săk mŏng bruă nhăp găl. Lĕ mơt bruă hư̆n jêng găl nhăp jêh iên yuôm ta ŏk nêh.9Ƀê̆ dăh ăn diêr băh pơp tŏng nhan lu kmlăng, păng ră čih năn pang yo, pơp tŏng nhan jêh iên tăm dăng yơng ta pơp bhiên bơ yơng pơp hư̆n jêng pơp so tŭ dơn jêh iên so yuôm.10Ăn me ndrŏh lat băl tăm jăh pôl jêh ju dŏ mdăh bar dŏ ƀuăh mkra,11bơ yơng gư̆t klă ru nêh klăh iên jêh sak čhuai truông jêh iên mhŏ tih răn ƀăn, jêng nêh čŏng phat dôih săk tơm.12Jăng jai ăñ yua kăn A-tê-ma mdăh Ti-či-kơ sak trôh ta me, mông hư̆n ăn me sak tŏng tuôm ta ăñ ta Ni-kô-ƀô-li gơñ ƀê̆, bơ yơng ăñ jêh kčăh ru khơñ gŭk ta iên mŏng dơm ik.13Ăn đru khua pơp bhiên Sê-na jêh iên A-ƀô-lô sak truông găl ƀê̆, no di hên so kƀăh pơp no.14Ŏh mi băl đăo băn di ăn hên riêm săl săk mhŏ grăp bruă găl hư̆n jêng pơp yuôm ta pơp brêh, no di ơn ĕh ñjêng so mau ple kao.15Lĕ mơt nêh gŭk băk ăñ kôh čhưn me. Ăn ñuôr pơp kôh čhưn ta lĕ mơt nêh khăp khơñ băl băn mŏng pơp đăo. Dăn pơp đač gŭk băk ta lĕ mơt ŏh mi.
FAR EAST BROADCASTING COMPANY