Titus2
1Bơ me, ăn ngơi djăp mta pơp geh trip ta pơp tơ ti lăh nhăp găl.2Ăn jôh lih băl u rañ tlơ tlau ăn hên gư̆t răng, geh kdrăp, gư̆t mĭn, nhăp găl mŏng pơp đăo, mŏng pơp khăp khơñ, jêh iên mŏng pơp gir ăt.3Ăt iên ya, ăn jôh lih băl u ur u rañ lăm ƀlang pơp gư̆t mpŭ mŏng pơp brêh, so ngơi djŏh mdăh jêng dư̆k ta nơm, ƀê̆ dăh ăn hên jêng nêh tơ ti lăh pơp nhăp găl,4no di hên gư̆t tơ ti lăh băl u ur ndôl ñjêng nêh gư̆t khăp ta sai, khơñ ta kuôn,5gư̆t răng, ƀrăh ngôr, nă mhŏ bruă hih nhăk jêh iên gư̆t mpŭ ta sai tơm, no di so nai mưč pơp đăo Yang Trôk di.6Klăh iên ya, ăn me tơ ti băl drôh nu ăn gư̆t răng.7jăng jai lăm ƀlang săk me tơm mŏng grăp bruă klăh di pơp tô mô yơng ta bruă găl, lăm ƀlang pơp geh tŏng, geh kdrăp mŏng pơp tơ ti lăh,8ta pơp tơ ti lăh geh găl so dơi nai ƀuăh ñjăm, no di nêh tơm gŭk ting ju băl tăm dăng jrăng prêng bơ yơng so mau ju mta pơp djŏh dơi ngơi ta băn ôh.9Ăn tơ ti lăh băl dư̆k no di hên gư̆t mpŭ ta khua hên tơm, lăm čhô̆ brơn nuih khua mŏng grăp bruă, so dơi tŏng nhan ôh,10so dơi tŭng blăč, ƀê̆ dăh mlih mŏng iên ăn lăm ƀlang săk hên tơm jêng nêh năng nai iêt, no di mŏng grăp pơp, hên dơi lăm ndơp pơp pĕh hing găl ta bruă tơ ti lăh yơng ta Yang Trôk, Yang Tŏng Tlĕh băl băn.11Bơ yơng pơp đač Yang Trôk di jêh nôh ƀlang no di lăm tlĕh grăp nau nêh,12nar o jai lăm riêm băl băn, no di ndrŏh lat pơp so đăo wăt ta pơp he khơñ dôn teh di, băl băn jrăng gŭk brêh ta pơp êngiê, geh tŏng jêh iên dôh hôl mŏng nuk ho,13jăng jai băn kăp găn pơp čang mơn găl jôn jêh iên pơp lăm ƀlang guh ang Yang Trôk ram ngăn jêh iên Khua Yang băl băn jêng Yang Tŏng Tlĕh Yê-su.14Mtao jêh jao săk jăn Yang tơm bơ yơng băl băn no di ruôt tuai băl băn băh djăp mta pơp djŏh ƀai jêh iên Khua Yang lăm ngôr ƀrăh ju uôn lan yuôm bhăn, jêng uôn lan dôh hôl mhŏ bruă găl.15Ăn tơ ti lăh lĕ mơt pơp hư̆n, jôh lih jêh iên ƀuăh mkra ta lĕ mơt pơp dơi. Ei ru ăn nai mưč me.
FAR EAST BROADCASTING COMPANY