Revelation9
1Jêh hư̆n nêh myang tal prăm ôh kei, mông hư̆n ăñ so ƀơn măñ jêh ĕh lăč băh trôk tê̆ iêu mŏng teh, jêh iên kliêng khuă ƀăng jru so gư̆t tôč jêh nai jao ta ĕh.2Ĕh pŏk ƀăng jru so gư̆t tôč hư̆n, mông hư̆n ñuôi iñ băh ƀăng jru hư̆n ĕh đhiông iêu tê̆ klăh di ñuôi iñ ĕh lôh băh war iñ ram, jêh iên măt nar ta nuông wang ĕh ñjêng ngo khư̆p yơng băh ñuôi iñ ĕh lôh băh ƀăng jru ho.3Jêh iên băh ñuôi hư̆n, pôl krăh ĕh dlai tŏng măt teh, jêh iên pơp ktang nai ăn ta ĕh klăh di pơp ktang pôl ndrơng wơng mau mŏng dôn teh.4Pơp nai tơ tă ta ĕh mông hư̆n jêng ĕh so dơi lăm rai grăp pai băng mŏng dôn teh mdăh djăp mta băt ja mdăh jhi dlei ôh, ƀê̆ dăh čuôm gu lăm rai kuôn nêh, jêng đơ băl so mau têl kđăm Yang Trôk di tŏng bôk tliêng hên.5Bruă nai jao ta ĕh hư̆n jêng so ăn ĕh lăm khư̆t hên ôh, ƀê̆ dăh ĕh jrăng kmhal hên mŏng prăm khe, jêh iên pơp kmhal tŏng hên klăh di pơp kmhal băh ndrơng wơng jai ĕh sôč tŏng săk nêh.6Mŏng grăp nar hư̆n, nai jrăng juôi pơp khư̆t, ƀê̆ dăh mông hư̆n so dơi hên so pơp khư̆t, jêh iên hên čang mơn ngăn dơi khư̆t, ƀê̆ dăh pơp khư̆t ĕh diêr wăč băh hên.7Rup săk pôl krăh hư̆n ndrơm klăh di ƀle hĕ jêh nai prăp prê sak tŏng mblăh. Tŏng bôk ĕh mau ju mta pơp klăh di đuôn mtao ndrơm klăh di pơp ta măh, jêh hư̆n môh măt ĕh klăh di môh măt nêh.8Ĕh mau sŏk klăh di sŏk băl u ur, jêh iên sêk ĕh ndrơm klăh di sêk tla mhư̆r.9Ĕh sŏh ao ksi mgang tang tŏh klăh di ao ksi nai muôn ta ksi, jêh iên ĕh ndrau băh ting năr ĕh klăh di dơk deh ƀle hĕ tŏng mblăh, klăh dơk pôl ƀle hĕ răn mŏng tŭk tŏng mblăh.10Ĕh mau tiêng wăt pơp sôč klăh di ndrơng wơng, jêh iên pơp ktang ĕh di ĕh gŭk ta grăp tiêng ĕh hư̆n no di ĕh lăm knap nai mŏng prăm khe.11Ĕh mau mtao kĕ kriê tŏng ĕh hư̆n jêng yang jhat băh ƀăng jru so gư̆t tôč. Năn kăn dơk Hi-ƀă-lai jêng A-ƀa-đôn, bơ dơk băl Grek, năn kăn jêng A-ƀô-li-ôn.12Pơp knap mñai tal muôi jêh gao. Tŏ hư̆n, ăt hôm ya bar pơp knap mñai jrăng trôh ta kơi jêh bruă hư̆n.13Jêh hư̆n nêh myang tal pro ôh kei, jêh iên ăñ tŏng ƀơn dơk ngơi ĕh lôh băh grăp kei tŏng jhưng mhŏ yang ta măh ĕh gŭk ta măt Yang Trôk,14dơk hư̆n ngơi ta nêh myang tal pro, hư̆n jêng nêh myang jai ñôt kei: “Ăn phưi puôn nau nêh myang jai hôm čăp ta dak kruông ram Ơ-phơ-rat.”15Jêh hư̆n puôn nau nêh myang, hư̆n jêng băl jêh nai prăp prê ưm geh ta mông, nar, khe, năm hư̆n, nai phưi no di hên lăm rai ju khăn pei kuôn nêh.16Nŏh ka han hao ƀle hĕ jêng bar hiêng triê̆u; Jêh ăñ tŏng nŏh hên klăh iên.17Jêh iên mŏng pơp nôh ƀlang, jêh ăñ so pôl ƀle hĕ jêh iên đơ nêh hao tŏng dôn kơi ĕh klăh iêu — mau ao ksi guôm tang tŏh brông hăr, jêh iên ao mơ mư̆t, wăt ao klăh măh băh lưu huyñ. Bôk pôl ƀle hĕ ho ndrơm klăh di bôk tla mhư̆r, ĕh drôh iñ băh dơk ĕh, ñuôi wăt ta lưu huyñ.18Ju khăn pei kuôn nêh khư̆t yơng băh pei pơp knap mñai ho, băh iñ, ñuôi, jêh iên lưu huyñ ĕh drôh băh dơk ĕh.19Pơp ktang pôl ƀle hĕ hư̆n jêng ĕh gŭk mŏng dơk ĕh jêh iên ta tiêng ĕh, bơ yơng tiêng ĕh ndrơm klăh di bêh mau bôk, jêh iên yơng băh iên yơh ĕh lăm sôt nai.20Đơ nŏh kuôn nêh hôm, jêng nêh ñăm dơi khư̆t yơng băh pơp knap mñai ho, ăt hên so niêl mlih yơng ta grăp bruă ti hên mhŏ no di ơn hên kôh mpŭ yang jhat wăt ta rup yang ta măh, ƀak, kuông, bôk mau, jêh iên jhi, hư̆n jêng lĕ mơt pơp so thơp ĕh so mdăh ĕh tŏng jêh iên djhuang sak.21Ăt so hên niêl mlih ya yơng ta bruă lăm khư̆t nêh, mhŏ jau, čhơng tăt pliă plia, mdăh pơp tih tŭng tlĕ hên di.
FAR EAST BROADCASTING COMPANY