Philippians2
1Kơt iên, ndă di mŏng Yang Tŏng Tlĕh mau pơp mđĭ ai dơ dêh, ndă di mau pơp jôh lih dơ dêh yơng băh pơp khăp khơñ, ndă di mau pơp tăm guôp dơ dêh mŏng Yang Ngăt Găl, ndă di mau nuih nhăm khăp ram jêh iên pơp tlŏng đač dơ dêh,2ăn mhŏ nư̆m nơn pơp čhô̆ brơn ăñ ji, hư̆n jêng ŏh mi mau ƀơn pơp mĭn, jai mau ƀơn pơp khăp khơñ, tăm tlăč ju băk mŏng nuih nhăm, ksiêm mĭn ta ƀơn truông.3So dơi mhŏ bruă yơng ta nuih nhăm ñjră mdăh yơng băh pơp mgao, gao băh iên, ta nuih nhăm rôč săk, dlăng nêh dơ dêh năng mpŭ hĭn ta tơm,4grăp nau nêh so mau băh gu mĭn ta pơp tŭ dơn ju nau tơm, ƀê̆ dăh ăn mau pơp tŭ dơn ta nêh dơ dêh ƀă.5Ăn mau pơp mĭn ndrơm klăh iên mŏng ŏh mi, ăt jêng pơp mĭn mŏng Yang Tŏng Tlĕh Yê-su,6jêng Mtao khăng mau mŏng rup Yang Trôk,so dlăng pơp ndrơm ta Yang Trôkhư̆n jêng pơp năng kŏng ñôt.7Mlih mŏng iên, Khua Yang čŏng mhŏ ta săk tơm jêng hŏng kdŏng jai sŏk sŏh rup săk nêh dư̆k,nai lai săk mŏng rup ndrơm klăh di kuôn nêh,jêh iên nai so mŏng rup săk klăh kuôn nêh,8Khua Yang čŏng lăm rôč săk jai tŭ pơp dơn dơk tăl trôh khư̆t,tăl khư̆t tŏng jhi tăm kăng.9Yơng băh iên, Yang Trôk ăt jêh ăn Khua Yang tŏng tê̆ hĭnjêh iên ăn ta Khua Yang năn ta lĕ mơt năn,10no di tŏng gu năn Yang Yê-su,lĕ mơt jŏng krŭng tŏng trôk, mŏng teh, mŏng sô̆ teh, jrăng čuôn mŏng sô̆,11jêh iên lĕ mơt piêt tơ têh klăh iêu Yang Tŏng Tlĕh Yê-su jêng Yang Trôk,pơp guh ang ting ju Yang Trôk, jêng Bap.12Kơt iên yơh, wơ nêh khăp khơñ ăñ ji, hui si pơp ŏh mi krĕh răn ƀăn gưt dơk, so mau băh gu mŏng pơp mau măt ăñ ta iên, ƀê̆ dăh mông ho ktang ŏk hĭn mŏng pơp ngă măt ăñ, ăn ŏh mi gir mhŏ pơp tŏng tlĕh ŏh mi tơm ta pơp bhŭng mpŭ jêh iên prơ prăm.13Bơ yơng Yang Trôk jêng Mtao jai mhŏ bruă mŏng ŏh mi no di jai khơñ jai mhŏ hui si pơp mĭn găl Yang di.14Ăn mhŏ grăp bruă jêh iên ei ru ngơi ƀŭk mdăh tŏng nhan,15no di ŏh mi dơi ñjêng nêh kuôn so mau tŭk ƀuăh ñjăm jêh iên ƀrăh ngôr Yang Trôk di, so mau têl sôt gŭk mŏng mbar pôl nhuôr djŏh ƀai jêh iên tih djŏh, ƀê̆ dăh ta iên ăn ŏh mi đat ang klăh di iñ kđen mŏng teh dih,16jai ñôt kjăp pơp ngơi brêh, bơ yơng pơp găl ăñ ji mŏng nar Yang Tŏng Tlĕh di hư̆n jêng ăñ so dhul mŏng pơp dăh dan, ăt so mau ăr măh ta pơp dăh dan ya.17Ƀê̆ dăh wăt di lăh tăl ăñ tôh mham no di prĕ tŏng pơp mhŏ yang jêh iên pơp myơr pơp đăo ŏh mi di, ăñ ndôl čhô̆ gai, jêh iên čhô̆ brơn ju băk ta lĕ mơt ŏh mi.18Ŏh mi ăt klăh iên ya, ăn čhô̆ gai jêh iên čhô̆ brơn ju băk ta ăñ.19Mŏng Yang Trôk, jêng Yang Yê-su, ăñ čang mơn gơñ ñuôr kăn Ti-mô-thê sak siêp ŏh mi, no di ăñ ăt dơi mau pơp čhô̆ brơn jai jêh gư̆t pơp peh hing yơng ta ŏh mi.20Bơ yơng ăñ so hôm wêh mau nêh dơ dêh mau pơp mĭn ju băk klăh di kăn ôh, kăn jêng nêh hur har mĭn ta pơp tŭ dơn ŏh mi,21bơ yơng lĕ mơt nêh dơ dêh tư̆ng juôi pơp tŭ dơn ta hên tơm gơ gu, so geh pơp ting ju Yang Tŏng Tlĕh Yê-su ôh.22Ƀê̆ dăh ŏh mi gư̆t ru knuih kăn, bơ yơng ndrơm klăh di kuôn ta bap, kăn jêh mhŏ bruă Pơp Găl ju băk ta ăñ.23Hư̆n yơh ăñ čang mơn yua kăn hư̆n rŏk jai jêh ăñ gư̆t đô̆ nă pơp jrăng trôh ta ăñ.24Ƀê̆ dăh ăñ đăo kjăp mŏng Yang Trôk jêh iên ăñ tơm ăt gơñ sak siêp ŏh mi ya.25Gao băh iên, ăñ mĭn khơñ ñuôr kăn Ep-ƀa-phô-đĭk wêh trôh ta ŏh mi, kăn jêng nêh ŏh mi jêh iên nêh mhŏ bruă ju băk ăt jêng ka han tŏng mblăh băk ăñ, jêng nêh bi la băh ŏh mi jêh iên jêng nêh đru bruă ta pơp khơñ ăñ ji,26bơ yơng gư̆t năl ru kăn lĕ pơp ktang khơñ dơi gŭk băk lĕ mơt ŏh mi, jêh iên mau pơp ênguôt bơ yơng ŏh mi jêh gư̆t ru kăn mau pơp kuôp ji.27Bơ yơng yŏng ngăn kăn mau pơp kuôp ji mơñ khư̆t, ƀê̆ dăh Yang Trôk jêh tlŏng đač ta kăn, jêh iên so mau băh gu kăn ôh, ƀê̆ dăh wăt ăñ ƀă ya, no di ăñ tlĕh tŭ pơp nguôt nư̆ng wêh mbăč pơp nguôt nư̆ng.28Hư̆n yơh, ăñ ñjêt yua kăn sak, no di wêh tŏng tuôm ta kăn, ŏh mi dơi čhô̆ brơn, jêh iên ăñ ăt so hôm wêh ênguôt ôh.29Kơt iên, ăn tŭ drông kăn mŏng Yang Trôk ta lĕ mơt pơp čhô̆ brơn, jêh iên ăn mau nuih nhăm mpŭ ta lĕ mơt nêh klăh iên,30yơng băh bruă Yang Tŏng Tlĕh di hư̆n jêng kăn pơi ĕh rŏng khư̆t, jai jêh săl săk jăn kăn tơm no di lăm jêh bruă hôm bhơi ŏh mi di mhŏ ta ăñ.
FAR EAST BROADCASTING COMPANY