Philippians1
1Pôl ta Ti-mô-thê, dư̆k Yang Tŏng Tlĕh Yê-su di, ñuôr ta lĕ mơt băl đăo ƀrăh mŏng Yang Tŏng Tlĕh Yê-su, hư̆n jêng băl đăo gŭk mŏng uôn ram Phi-lip, ju băk ta băl khua tơ ti jêh iên nêh dŏng bruă.2Dăn pơp đač jêh iên pơp đăp nang băh Yang Trôk, jêng Bap jêh iên Khua Yang băl băn, jêng Yang Tŏng Tlĕh Yê-su, gŭk băk ŏh mi.3Ăñ lăh găl Yang Trôk ăñ ji mŏng grăp dŏ ăñ kăh tôr ta ŏh mi,4mŏng grăp pơp kuôl dăn hi di ta lĕ mơt ŏh mi, răn ƀăn hi myơr pơp kuôl dăn ta nuih nhăm čhô̆ brơn5yơng băh pơp tŏng tlăč ŏh mi di mŏng Pơp Găl dŏng băh mhei bôk tăl trôh nar o;6ăñ đăo kjăp yơng ta klă bruă ho, hư̆n jêng Mtao jêh dư̆ng mhŏ bruă găl mŏng ŏh mi jrăng mhŏ nư̆m nơn tăl trôh nar Yang Tŏng Tlĕh Yê-su di;7bơ ăñ, geh ngăn jêng năng no di mĭn klăh iên yơng ta lĕ mơt ŏh mi, bơ yơng ăñ ñăt ŏh mi mŏng nuih nhăm ăñ, lĕ mơt ŏh mi jêng nêh mhŏ bruă ju băk ta ăñ yơng băh pơp đač, wăt mŏng sei kliêng đai ăñ ji, wăt mŏng pơp ngơi mgang jêh iên lăm nư̆k Pơp Găl.8Bơ yơng Yang Trôk jêng Mtao lăm nư̆k ăñ ji, đô̆ nă ăñ khơñ ngăn lĕ mơt ŏh mi ta nuih nhăm khăp khơñ Yang Tŏng Tlĕh Yê-su di.9Jêh iên pơp ăñ kuôl dăn hư̆n jêng pơp khăp khơñ ŏh mi di bêng dlai khăñ khăh, ƀrư̆ nar ƀrư̆ sak ta ram mŏng pơp gư̆t mĭn wăt ta grăp pơp gư̆t wơng,10no di ŏh mi dơi gư̆t năl năn pơp jêng găl hĭn, no di ŏh mi dơi ƀrăh ngôr jêh iên so mau tŭk ƀuăh ñjăm tăl trôh nar Yang Tŏng Tlĕh di,11dơi bêng dlai ple kao pơp geh tŏng di mơn băh Yang Tŏng Tlĕh Yê-su, lăm ndơp trôh pơp guh ang wăt ta pơp nơ nei Yang Trôk.12Wơ ŏh mi, ăñ khơñ ŏh mi gư̆t klă năn pơp jrăng trôh ta ăñ nư̆k ngăn jêh trôh ru bơ yơng pơp sak ta ram Pơp Găl di.13Tăl ta, sei kliêng đai ăñ ji mŏng Yang Tŏng Tlĕh jêh ĕh ñjêng klă nơn mŏng lĕ mơt băl ka han gak hih khua ram wăt ta grăp nau nêh dơ dêh,14jêh iên ŏk mŏk ŏh mi, mơn băh sei kliêng đai ăñ ji, jêh đăo kjăp mŏng Yang Trôk, ndôl năñ têh sơm pơp đăo Yang ta pơp so bhŭng.15Wăt di lăh mau ƀơ ƀă nêh têh sơm Yang Tlŏng Tlĕh yơng băh pơp tŏng nač jêh iên tŏng pit, ƀê̆ dăh ăt mau ya nêh têh sơm ta pơp mĭn găl,16hư̆n jêng lĕ mơt nêh bơ yơng pơp khăp khơñ, gư̆t ru ăñ jêh kčăh no di kŏh dŏng Pơp Găl,17ƀê̆ dăh đơ băl yơng băh khơñ mĭn gu ta săk tơm, hên têh sơm Yang Tŏng Tlĕh ta pơp so sĭt, mĭn dăh lŏ mbăč pơp rŭng răng mŏng sei kliêng đai ăñ ji.18Kơt iên đô̆ nă? Wăt di lăh jêng klăh iêu klăh tŏ — mdăh pra čŏng mhŏ mdăh jêng ngĭn ngăn — hư̆n Yang Tŏng Tlĕh dơi têh sơm, jêh iên ăñ čhô̆ brơn yơng ta pơp hư̆n. Gao băh iên, ăñ ăt jrăng mhŏ ăn čhô̆ brơn,19bơ yơng ăñ gư̆t klă pơp ho ĕh jrăng ndơp pơp tŏng tlĕh trôh ta ăñ, mơn băh pơp kuôl dăn ŏh mi di jêh iên pơp đru băh Yang Ngăt Găl Yang Tŏng Tlĕh Yê-su di,20hui si pơp hur har kăp găn wăt ta pơp čang mơn ăñ ji, hư̆n jêng ăñ so nai lăm prêng mŏng djăp mta bruă, ƀê̆ dăh năñ mŏng grăp pơp, no di mông ho ăt klăh di mông dơ dêh, Yang Tŏng Tlĕh jrăng mau pơp mpŭ mŏng săk jăn ăñ, khă brêh mdăh khư̆t.21Bơ yơng ta măt ăñ, brêh jêng Yang Tŏng Tlĕh, jêh iên khư̆t jêng pơp tŭ dơn.22Ndă di hôm brêh mŏng lŏng săk, bơ ăñ hư̆n jêng bruă ple kao tŭ dơn ta bruă mhŏ, hư̆n yơh ăñ so gư̆t năn pơp ăñ jrăng săč ruăh.23Bar đăh ĕh ñhêt ăñ mŏng mbar, ăñ khơñ ngăn no di du jêh iên gŭk băk Yang Tŏng Tlĕh, bơ yơng hư̆n jêng pơp găl hĭn ŏk ngăn,24ƀê̆ dăh gir gŭk mŏng lŏng săk hư̆n jêng pơp yuôm hĭn ta ŏh mi.25Jai jêh đăo kjăp pơp hư̆n, ăñ gư̆t klă ăñ jrăng wêh gŭk ta iên jêh iên hôm wêh gŭk ju băk ta lĕ mơt ŏh mi, bơ yơng pơp têh ram jêh iên čhô̆ brơn mŏng pơp đăo ŏh mi di,26ăn pơp čhô̆ brơn ŏh mi di mŏng Yang Tŏng Tlĕh Yê-su yơng ta ăñ jrăng bêng dlai băh bruă ăñ sak tŏng tuôm ta ŏh mi ju dŏ hư̆t.27Băh gu ăn ŏh mi gŭk brêh năng ta Pơp Găl Yang Tŏng Tlĕh di, wăt di lăh mông ăñ trôh jêh iên ksiêm dlăng ŏh mi jai ngă măt, hư̆n ăñ dơi tŏng yơng ta ŏh mi gư̆t ru ŏh mi gŭk kjăp mŏng ƀơn nuih nhăm, ƀơn pơp mĭn ju băk tăm mblăh bơ yơng pơp đăo Pơp Găl di,28jêh iên so mau băl tăm dăng no di lăm bhŭng mŏng djăp mta pơp ôh. Ho jêng pơp lăm năl yơng ta pơp rai lêk ăn ta hên, ƀê̆ dăh jêng pơp lăm năl yơng ta pơp tŏng tlĕh ŏh mi di — jêh iên pơp ho trôh băh Yang Trôk.29Bơ yơng mơn băh Yang Tŏng Tlĕh, pơp găl jôn jêh ăn ta ŏh mi so mau băh gu đăo ta Khua Yang, ƀê̆ dăh ăt no di tŭ pơp knap bơ yơng Khua Yang,30jai jêh mau ju băk pơp tăm mblăh hư̆n jêng ŏh mi jêh so mŏng ăñ, jêh iên nar o hôm mau mŏng ăñ.
FAR EAST BROADCASTING COMPANY