Matthew2
1Jăng jai jêh nai lai săk Yang Yê-su mŏng uôn Ƀet-le-hem wăl Yu-đê, mŏng nuk mtao Hê-rôt. Ăn dlăng tŏ hư̆n, mau băl gư̆t mĭn băh đăh nar lôh trôh ta Yê-ru-sa-lem,2klăh iêu: “Mtao mhei nai lai săk jêng Mtao băl Yo Thaĭ u tŭk? Bơ yơng jêh hi so măñ Yang di băh đăh nar lôh jêh hư̆n hi trôh no di kôh mpŭ Yang.”3Ƀê̆ dăh jêh tŏng pơp ngơi hư̆n, mtao Hê-rôt kăn rŭng răng, wăt lĕ uôn ram Yê-ru-sa-lem ăt ndrơm kăn ya.4Jêh hư̆n jêh kăn tŏng ƀư̆n lĕ mơt băl khua mhŏ yang ram wăt băl tơ ti pơp bhiên mŏng uôn lan, kăn lup hên: “Yang Tŏng Tlĕh u tŭk nai lai săk?”5Hên têh ta mtao: “Ta Ƀet-le-hem wăl Yu-đê, bơ yơng jêh čih klăh iên yơng băh băl têh luôr,6‘Bơ Ƀet-le-hem, teh Yu-đa,me ei so jêng ku êt ngăn ôh mŏng băl têk lăm Yu-đa,bơ yơng băh me jrăng mau ju nau Mtao kĕ kriêjêng Mtao jrăng têk lăm băl I-sra-el, uôn lan Ăñ.’”7Mông hư̆n, jai jêh kuôl muôč băl gư̆t mĭn trôh ta iên, Hê-rôt lup čêk hên mông măñ lăm pơl hư̆n.8Jai jêh ăn hên sak trôh ta Ƀet-le-hem, kăn tơ tă: “Jêh du băh o, ăn pu me lup nư̆k yơng ta kuôn sei, trôh mông pu me jêh so, ăn têh ta ăñ no di ăñ sak jêh iên kôh mpŭ Khua Yang.”9Jêh tŏng pơp mtao ngơi, hên wêh sak, jêh iên dlăng tŏ hư̆n, măñ ram jêh hên so băh đăh năr lôh ĕh sak luôr ta măt hên tăl trôh mông ĕh trôh jêh iên ĕh hŏng ta tŭk ŏh nga gŭk.10Jai jêh so măñ hư̆n, hên čhô̆ brơn mŏng pơp brơn mơn ram ngăn yơh.11Jêh mư̆t mŏng hih, hên so ŏh nga băk Ma-ri, mei Khua Yang. Jai jêh čuôn krŭng mông hư̆n hên kôh mpŭ Khua Yang, jêh iên mông ƀlang pơp yuôm bhăn hên di, hên myơr ta Khua Yang grăp pơp yuôm: măh, dak ƀau kăh jêh iên dak gư̆n tăng.12Jêh iên yơng băh jêh mau pơp buôi luôr ei ru du plơ̆ hư̆t tŭk kăn Hê-rôt mŏng pơp mbơi, hư̆n hên du čar hên tơm băh truông dêh.13Trôh mông jêh hên du ru, ăn dlăng tŏ hư̆n, ju nau nêh myang Yang Trôk di lăm ƀlang ta kăn Yô-sep mŏng pơp mbơi, ngơi klăh iêu: “Jêh ngĕh bê̆, ăn triêu kuôn sei dêt wăt ta mei Khua Yang jêh hư̆n du plăč ta čar Ê-jip, jêh iên ăn gŭk ta iên tăl trôh mông ăñ têh ta me, bơ yơng Hê-rôt khơñ juôi kuôn sei dêt no di lăm khư̆t.”14Jai jêh ngĕh bê̆ ru, kăn triêu kuôn sei dêt wăt ta mei Khua Yang du plăč ta čar Ê-jip mông mơ măng,15jêh iên kăn gŭk ta iên tăl trôh mông Hê-rôt khư̆t, bruă hư̆n no di dơi lăm nư̆k pơp jêh têh luôr băh Yang Trôk ta băl têh luôr, klăh iêu: “Ăñ jêh kuôl kuôn Ăñ du băh čar Ê-jip.”16Mông hư̆n, jai jêh kăn gư̆t năl băl gư̆t mĭn mhŏ mnăč ta kăn, Hê-rôt bêng pơp hao nuih, jêh kăn yua lư̆ng ka han sak, kăn lăm khư̆t lĕ mơt băl kuôn sei tlơ tlau băh bar năm iêu mŏng sô̆ ta Ƀet-le-hem jêh iên mŏng lĕ mơt wăl hư̆n, mkă hui si mông kăn lup čêk băh băl gư̆t mĭn.17Kơt iên jêng dơi lăm nư̆k pơp jêh ngơi băh nêh têh luôr Yê-rê-mi, klăh iêu:18“Mau dơk ôr nai tŏng băh uôn Ra-ma,dơk ôr nghiêng jêh iên srăč nư̆ng ngăn yơh,Ra-čel ñim ta băl kuôn de,jêh iên so de dơn pơp nai jôh lih, bơ yơng băl kuôn de so hôm ôh.”19Jai Hê-rôt jêh khư̆t, dlăng tŏ hư̆n, ju nau nêh myang Yang Trôk di lăm ƀlang ta Yô-sep mŏng pơp mbơi ta čar Ê-jip,20ngơi klăh iêu: “Jêh ngĕh bê̆, ăn me triêu kuôn sei dêt jêh iên mei Khua Yang jêh hư̆n sak trôh ta teh I-sra-el, bơ yơng lĕ mơt băl khơñ lăm khư̆t pơp brêh kuôn sei hư̆n jêh khư̆t ru.”21Jêh iên jêh ngĕh bê̆, kăn triêu kuôn sei dêt wăt ta mei Khua Yang, jêh hư̆n mư̆t mŏng čar I-sra-el.22Ƀê̆ dăh, jai jêh kăn tŏng ru A-čê-la-u jăng jai kĕ kriê mŏng wăl Yu-đê truôk Hê-rôt, jêng bap kăn di, kăn bhŭng sak trôh ta iên. Ƀê̆ dăh jai jêh so mŏng pơp mbơi, kăn du iêu wăl Ga-li-lê,23jêh iên jai jêh kăn trôh ta iên ru, kăn gŭk brêh mŏng uôn ram nai năn jêng Na-sa-ret, no di dơi lăm nư̆k pơp jêh ngơi ta grăp băl têh luôr, hư̆n yơh Khua Yang nai jrăng kuôl jêng nêh Na-sa-ret.
FAR EAST BROADCASTING COMPANY