Matthew14
1Mŏng nuk hư̆n, mtao čư hau Hê-rôt tŏng pĕh yơng ta Yang Yê-su.2Mtao ngơi ta băl ka han kăn: “Hư̆n jêng Yô-han Ƀap-tit. Kăn jêh nai lăm dŏk brêh băh tŭk khư̆t, yơng hư̆n yơh, grăp bruă myang dơi gŭk mŏng nêh ho.”3Bơ yơng Hê-rôt, jai jêh kăn ñư̆p Yô-han, yua kông pŏng knai jêh iên nggruôn mŏng war, yơng băh Hê-rô-đia, ur kăn Phi-lip di, ŏh mtao tơm.4Bơ yơng Yô-han tuôm ghă mtao: “Yơng ta mtao, so mau pơp bhiên gŭk de hư̆n ôh.”5Wăt di lăh khơñ lăm khư̆t lat kăn, ƀê̆ dăh mtao bhŭng uôn lan, bơ yơng hên dlăng Yô-han klăh di nêh têh luôr.6Ƀê̆ dăh trôh mông mar lai săk Hê-rôt di, kuôn u ur Hê-rô-đia di muñ kdŏ mŏng mông mar jêh iên de lăm brơn nuih Hê-rôt,7hư̆n yơh, mtao jêh blut ƀuôn ju mta pơp kăt săk no di ăn ta de grăp pơp de dăn.8Mông hư̆n, jai jêh mau pơp mnăč čhôl luôr ru băh mei de, de ngơi: “Dăn ăn ta ăñ ta o rŏk, bôk kăn Yô-han Ƀap-tit mŏng măm.”9Jêh iên wăt di lăh nguôt nư̆ng ngăn, ƀê̆ dăh yơng băh pơp jêh kăt săk kăn di jêh iên grăp băl năč gŭk sông sa, mtao jêh ăn pơp dơi no di mau pơp de dăn.10Jai jêh yua nêh sak, mtao ăn nai ndăč bôk Yô-han mŏng war.11Bôk kăn di nai ñôt ta iên mŏng măm jêh hư̆n nai jao ta ti nêh ur drôh, jêh iên de ndơp ta mei de.12Jai jêh trôh ta iên ru, băl ƀing kna kăn di sŏk săk kăn jêh iên tăp bư̆l ĕh. Jêh iên mông hên sak trôh, hên lŏ têh hư̆t ta Yang Yê-su.13Mông hư̆n, jêh tŏng pơp hư̆n, Yang Yê-su du yĕh băh iên hao ƀơn plŭng sak iêu tŭk ngă nguôi gŭk dêh ju nau. Bơ yơng tŏng pĕh klăh iên, băl uôn lan băh grăp uôn hên sak jŏng hui gre Khua Yang.14Jêh hư̆n jai jêh du băh iên, Khua Yang so ju pôl nêh ŏk mŏk, hư̆n mau nuih nhăm tlŏng đač ta băl uôn lan jêh iên Khua Yang lăm băh đơ băl kuôp ji mŏng hên.15Mông hư̆n, jai trôh mho măng, băl ƀing kna sak trôh ta Khua Yang, hên ngơi: “Ho jêng tŭk ngă nguôi, jêh iên mông ho jêh la ru. Dăn khua lăm ăn uôn lan du no di hên dơi sak trôh ta grăp uôn, hên dơi ruôt pơp sa ta hên tơm.”16Ƀê̆ dăh Yang Yê-su ngơi ta hên: “Hên so mau pơp khơñ du băh o. Pu me yơh jrăng ăn ta hên sông sa.”17Mông hư̆n, hên ngơi ta Khua Yang: “Ta o băl hi so mau ju mta pơp čuôm gu prăm klŏ ƀăñ jêh iên bar mlăm ka.”18Jêh hư̆n Yang ngơi: “Ăn ndơp ĕh trôh o ta ăñ.”19Jêh iên jai yua uôn lan gŭk mŏng sô̆ tŏng tač băt ru, mông ñôt prăm klŏ ƀăñ jêh iên bar mlăm ka, ngơk măt tŏng trôk, Yang lăh găl, jêh iên phič ƀăñ, Khua Yang jao pơp sa ta băl ƀing kna, bơ băl ƀing kna sak phă ta băl uôn lan.20Lĕ mơt uôn lan jêh sa jêh iên hơm lĕ mơt. Jêh hư̆n nai dôñ ƀăñ hôm khăñ băh ƀăñ djăh — hôm măt bar bai bêng.21Mông hư̆n, nŏh nêh sa năng ai prăm bau nau nêh tlơ tlau, ñăm ngơp băl u ur jêh iên băl kuôn sei.22Mhăč rŏk, Khua Yang trôt ñjêt băl ƀing kna mư̆t mŏng plŭng jêh iên sak luôr ta Khua Yang trôh hang đăh tŏ, jăng jai Khua Yang ăn uôn lan du.23Jai jêh ăn uôn lan du, Khua Yang sak čơng tŏng yôk no di kuôl dăn dêh ju nau. Trôh mho, Khua Yang gŭk ta iên ju nau.24Bơ plŭng jai gŭk mŏng mbar dak sĭ ru mông hư̆n yak dak drăm plŭk plăk bơ yơng čal dră măt.25Mông hư̆n, mŏng ngăl tal puôn măng hư̆n, Khua Yang sak trôh băk hên, jai sak jŏng tŏng dak sĭ.26Ƀê̆ dăh jai jêh so Khua Yang djhuang sak tŏng dak sĭ, băl ƀing kna ñhuôt nuih, hên ngơi klăh iêu: “Hư̆n jêng čak,” jêh hư̆n hên ôr tĕh mŏng pơp đhir ngit.27Hư̆n jêng, Yang Yê-su mhăč rŏk pŏk dơk ngơi ta hên klăh iêu: “Ăn năñ ƀê̆! Ăñ ho. Man bhŭng!”28Mông hư̆n, jai boh dơk Khua Yang, Pê-trôih ngơi: “Wơ Yang, ndă hư̆n jêng khua, dăn ăn ta ăñ sak tŏng măt dak trôh ta khua.”29Jêh hư̆n Yang yua: “Ăn sak o.” Jêh iên jai jêh djhuang băh plŭng, Pê-trôih djhuang sak tŏng măt dak no di trôh ta Yang Yê-su.30Ƀê̆ dăh jai so čal ktang, kăn bhŭng, jêh iên mông ĕh rŏng krăm mŏng dak, kăn ôr tĕh, klăh iêu: “Wơ Khua Yang, dăn đru ăñ!”31Mhăč rŏk, jêh yơr ti iêu tŏ, Yang Yê-su kŏng ti Pê-trôih jêh iên ngơi kăn: “Wơ nêh ƀê̆ pơp đăo, pơp mhŏ me đing?”32Mông hên hao lĕ tŏng plŭng ru, čal dư̆t rŏk.33Bơ lĕ mơt nêh mŏng plŭng hên kôh mpŭ Khua Yang, klăh iêu: “Ngĭn ngăn, khua jêng Kuôn Yang Trôk.”34Jêh găn gao hang đăh tŏ ru, hên weh tŏng hang ta Gê-nê-sa-rêt.35Jai jêh gư̆t năl Khua Yang, uôn lan mŏng tŭk hư̆n yua nêh tŏng têh sơm ta grăp tŭk mŏng wăl jư̆m dar hư̆n, jêh iên nai sak ndơp trôh ta Khua Yang grăp nêh kuôp ji.36Hên dăn Khua Yang čuôm gu lơi hên dơi bi tŏng tiêng ao Khua Yang, jêh iên khă bi nêh tơm dơi bi nêh hư̆n dơi băh.
FAR EAST BROADCASTING COMPANY