Mark3
1Khua Yang wêh sak mư̆t mŏng hih ƀư̆n, jêh iên ju nau nêh mau plang ti ro jai gŭk ta iên.2Nai ksiêm Khua Yang nư̆k ngăn, geh ya Khua Yang jrăng lăm băh nêh hư̆n mŏng nar Sa-ƀat, no di hên dơi kčŭt tih Khua Yang.3Khua Yang ngơi ta nêh mau plang ti ro: “Ăn dŏk trip mŏng mbar.”4Jêh iên Khua Yang lup hên: “Nar Sa-ƀat dơi mhŏ bruă găl mdăh bruă djŏh; lăm tlĕh nêh mdăh lăm khư̆t nêh?” Ƀê̆ dăh hên gŭk miêt.5Jai jêh wiêng măt dlăng hên ta nuih nhăm sriê̆, ênguôt bơ yơng pơp dăng nuih hên di, Khua Yang ngơi ta nêh tlơ tlau: “Ăn ƀlang plang ti me iêu tŏ.” Kăn ƀlang iêu tŏ jêh iên plang ti kăn dơi băh rŏk.6Jêh iên trôh mông du ta ling, đơ băl Pha-ri-si wăt băl pôl Hê-rôt mhăč rŏk hên trông čhai mnăč tăm dăng Khua Yang, đô̆ nă mhŏ no di dơi hên lăm khư̆t Khua Yang.7Yang Yê-su wăt băl ƀing kna Yang di du iêu dak sĭ tŏ, jêh iên ju pôl uôn lan ŏk ngăn hui gre băh Ga-li-lê, băh Yu-đê,8băh Yê-ru-sa-lem, jêh iên băh I-đu-mê wăt băh wăl đăh tŏ dak kruông Yô-đan, ju băk ta jư̆m dar uôn ram Ti-rơ jêh iên Si-đôn. Bơ yơng tŏng pĕh ŏk mŏk bruă Khua Yang mhŏ, ju pôl nêh ŏk ngăn hên tŏng ndơm sak ta Khua Yang.9Khua Yang ngơi ta băl ƀing kna Yang di khă bi mau plŭng kuôn nê̆ prăp prê ta Khua Yang yơng băh băl uôn lan, no di ơn hên ñhêt Khua Yang.10Bơ yơng Khua Yang jêh lăm băh ŏk nêh, tăl lĕ mơt nêh mau pơp kuôp ji hên tŏng ñhêt dơi sak mơñ Khua Yang no di dơi bi ta săk Khua Yang.11Grăp dŏ băl yang djŏh so Khua Yang, băl ĕh buôn mŏng sô̆ ta măt Khua Yang, jêh iên ĕh ôr driêu, ĕh ngơi: “Khua Yang jêng Kuôn Yang Trôk.”12Khua Yang mhŏ ktang ghă ĕh no di ơn ĕh têh Khua Yang ta nai.13Khua Yang sak čơng tŏng yôk jêh iên kuôl ndơm đơ nêh tơm Khua Yang khơñ, jêh iên hên sak trôh ta Khua Yang.14Khua Yang săč ruăh măt bar nau nêh (hư̆n jêng băl Khua Yang nơ năn jêng ƀing kna), no di hên gŭk băk Khua Yang jêh iên ăn Khua Yang yua hên sak tơ ti lăh,15jêh iên ăn pơp myang prơh čak.16Khua Yang săč ruăh măt bar nau nêh: Si-môn, Khua Yang wêh năn kăn jêng Pê-trôih;17Ya-kơ, kuôn tlau Sê-ƀê-đê, jêh iên Yô-han, ŏh kăn Ya-kơ, jêng băl Khua Yang wêh nơ năn jêng Ƀô-a-net, lơ lang jêng băl kuôn tlau tăr nĕh di;18wăt ta An-drê, Phi-lip, Ƀa-thê-lê-mi, Ma-thi-ơ, Thô-ma, Ya-kơ kuôn tlau A-phê, Tha-đê, Si-môn Sê-lôt,19jêh iên Yu-đa Ič-ka-ri-ôt, ăt jêng nêh lhiăr Khua Yang ya.20Khua Yang mư̆t mŏng ƀơn hih, jêh iên ju pôl uôn lan wêh tŏng ndơm trôh iên, tăl Khua Yang wăt băl ƀing kna tăl so dơi sa ƀăñ nơn.21Jai băl găp mi Khua Yang tŏng pĕh kơt iên, hên sak no di ñư̆p kăng Khua Yang, bơ yơng hên ngơi klăh iêu: “Kăn jêh nga pơp mĭn ru.”22Đơ băl tơ ti pơp bhiên, jêng băl sak băh Yê-ru-sa-lem, hên ngơi: “Kăn ho jêh Ƀel-sê-ƀul mư̆t ru,” jêh iên ngơi: “Mơn băh mtao čak hư̆n kăn dơi prơh čak.”23Ƀê̆ dăh jai kuôl ndơm hên trôh ta iên, Khua Yang tơ ti hên ta pơp hơ hôr: “Đô̆ nă mhŏ no di Sa-tan tŏng prŏh ndăng Sa-tan?24Ndă ƀơn čar mau pơp tŏng jăh tăm dăng ta čar hư̆n tơm, ndă iên čar hư̆n so dơi ĕh gŭk kjăp ôh.25Ndă ju hih nhăk mau pơp tăm jăh čŏng tăm dăng ta ĕh tơm, hih hư̆n jrăng so dơi ĕh gŭk kjăp ya.26Jêh iên ndă Sa-tan dŏk tăm dăng ta ĕh tơm jêh hư̆n tăm jăh, hư̆n ĕh so dơi gŭk kjăp, ƀê̆ dăh jêh trôh mông nga rai ru.27Mdê ta bruă čŏng tăm dăng dêh săk tơm, jai jêh mư̆t mŏng hih ju nau nêh prăl ktang di, so mau nêh dơi tŭng tlĕ ngăn drăp kăn di čuôm gu jêh dơi čăp nêh prăl ktang hư̆n luôr, jêh hư̆n kăh dơi tlĕ pơp mŏng hih kăn.28Ngĭn ngăn, ăñ ngơi ta pu me, đơ lĕ mơt pơp tih ŏh kuôn kuôn nêh di jrăng dơi đač lĕ, tăl lĕ mơt pơp mưč yang hên ngơi băh dơk hên,29ƀê̆ dăh nêh tơm ngơi mưč tăm dăng ta Yang Ngăt Găl, hư̆n so mau pơp ndrŏh tih tăl trôh nơn nan, jêh iên nêh hư̆n jrăng đuôm tih trôh hui hai.” —30Khua Yang ngơi klăh iên bơ yơng hên ngơi: “Kăn hư̆n jêh yang djŏh mư̆t.”31Mei Khua Yang wăt băl ŏh Yang di trôh, jêh iên jăng jai gŭk ta ling, hên yua nêh têh ta Khua Yang, kuôl Khua Yang du ling.32Ju pôl nêh ŏk jai gŭk jư̆m dar Khua Yang, jêh iên nai ngơi ta Khua Yang: “Dlăng tŏ, mei khua di wăt băl ŏh khua dŏk ling tŏ, jai juôi khua.”33Boh pơp hên, Khua Yang ngơi: “Nêh tơm jêng mei ăñ jêh iên băl ŏh ăñ?”34Jêh hư̆n jai jêh wiêng măt dlăng iêu băl jai gŭk jư̆m dar hư̆n, Khua Yang ngơi: “Ăn dlăng ho, mei ăñ jêh iên băl ŏh ăñ ji ho!35Bơ yơng nêh tơm mhŏ hui pơp khơñ Yang Trôk di, hư̆n yơh jêng ŏh mi, rôh mei, jêh iên mei ăñ ji.”
FAR EAST BROADCASTING COMPANY