Mark16
1Jai nar Sa-ƀat jêh gao, Ma-ri Ma-đơ-len, Ma-ri mei kăn Ya-kơ, jêh iên Sa-lô-mê, hên ruôt dak ƀau kăh no di sak trôh tu môč, hên khơñ ñŏh săk khư̆t Khua Yang.2Băh ôi măng nar tal muôi mŏng pŏh, hên sak trôh ta tu môč jai măt nar mhei lôh.3Hên tŏng trông čhai: “Nêh tơm jrăng lơ̆ un bôk mau băh ƀăng tu môč ta băl băn ƀê̆?”4Jai dlăng iêu tê̆, hư̆n hên so bôk mau jêh nai lơ̆ ru, wăt di lăh ĕh ram ngăn.5Jai jêh sak mư̆t mŏng tu môč, hên so ju nau tlau nu sŏh ao nang khu jai gŭk ju đăh ma, jêh iên hên bhŭng ndrăt.6Ƀê̆ dăh nêh hư̆n ngơi ta hên: “Ei ru bhŭng. Pu e jai juôi Yê-su nêh Na-sa-ret, Mtao jêh nai păng đĭn ta jhi tăm kăng. Khua Yang jêh nai lăm brêh ru! Khua Yang so hôm ta o. Ăn dlăng ta tŭk nai ăn săk khư̆t Khua Yang.7Iên tŭ, ăn sak, têh sơm ta băl ƀing kna Khua Yang jêh iên Pê-trôih klăh iêu: ‘Khua Yang sak luôr ta pu me trôh ta Ga-li-lê. Ta iên, pu me jrăng so Khua Yang’, trip klăh di Khua Yang jêh ngơi ta pu me.”8Mông jêh du ling, hên tuôt băh tu môč, bơ yơng bhŭng pơ prăm jêh iên pơp đhir ngit ĕh guôm hên. Jêh iên so hên ngơi ju mta pơp ta nai bơ yơng hên bhŭng ir.9(Ôi măng nar tal muôi mŏng pŏh, jai jêh dŏk brêh, Khua Yang nôh ƀlang luôr hĭn ta Ma-ri Ma-đơ-len, jêng nêh jêh Khua Yang prŏh pŏh nau yang djŏh du băh de.10De u ur hư̆n sak têh sơm hư̆t ta băl jêh tuôm gŭk băk Khua Yang jăng jai hên tlŏng nư̆ng jêh iên srăč ñim.11Bơ hên, jai hên tŏng ru Khua Yang hôm brêh jêh iên de tơm jêh tuôm so nư̆k, hư̆n so hên tip.12Mông hư̆n, jêh bruă hư̆n, Khua Yang nôh ƀlang mŏng rup săk dơ dêh ta bar nau nêh mŏng pôl hên jai sak truông du iêu uôn tơm.13Jêh iên bar nau hên hư̆n, jai hên du plơ̆ ta kơi, hên sơm hư̆t ta băl ƀing kna dŏng iên, ƀê̆ dăh ƀing kna so tip bar nau hên hư̆n.14Jêh hư̆n, trôh ta kơi, Khua Yang lăm ƀlang ta măt muôi nau ƀing kna jăng jai hên gŭk ta jhưng sông, Khua Yang ƀuăh ñjăm pơp so đăo jêh iên nuih krăk dăng hên di bơ yơng hên so khơñ tip đơ băl jêh tuôm so Khua Yang jai jêh Khua Yang wêh dŏk brêh băh tŭk khư̆t.15Khua Yang tơ tă hên: “Jai jêh sak grăp dôn teh, ăn têh sơm Pơp Găl ta grăp nau nêh.16Nêh tơm đăo jêh iên tŭ ƀap-tem jrăng dơi tlĕh, bơ nêh tơm so đăo jrăng tŭ pơp kmhal.17Đơ pơp myang ho jrăng sak băk ta băl mau pơp đăo: Sŏk năn ăñ, hên jrăng prŏh yang djŏh. Hên jrăng ngơi grăp dơk ngơi mhei.18Hên jrăng ñư̆p bêh, jêh iên wăt di lăh hên ñêt pơp khơih, ngĭn ngăn ĕh so dơi lăm rai hên ôh. Hên jrăng bi ti tŏng grăp nau nêh kuôp ji mông hư̆n đơ băl hư̆n jrăng dơi băh.”19Jai jêh Yang Yê-su ngơi ta hên, Khua Yang dơi nai sŏk iêu trôk jêh iên gŭk ju đăh ma Yang Trôk.20Bơ lĕ mơt băl hư̆n, jai jêh du băh iên, hên têh sơm grăp tŭk, jăng jai Yang Trôk mhŏ bruă ju băk hên jêh iên lăm nư̆k pơp đăo ta grăp pơp myang ĕh sak băk. A-men.)
FAR EAST BROADCASTING COMPANY