Luke13
1Bar pei nau nêh mau măt mŏng mông hư̆n tơ têh hư̆t ta Khua Yang yơng ta băl Ga-li-lê jêh iên Pi-lat sŏk mham băl hư̆n tăm lŭk ta pơp mhŏ yang hên di.2Jai boh pơp, Khua Yang ngơi ta hên: “Pu me tôn lăh băl Ga-li-lê hư̆n jêng tih kjham hĭn ta lĕ mơt nêh Ga-li-lê dơ dêh bơ yơng hên gir tŭ klăh iên lăh?3Ăñ ngơi ta pu me, so geh klăh iên ƀă. Ƀê̆ dăh, ndă pu me so niêl mlih, hư̆n lĕ mơt ăt jrăng rai lêk klăh iên ya.4Mdăh ndrơm klăh di măt pham nau tŏ, hư̆n jêng hih jua ta Si-lô-ê jêh ĕh dlưh dlăn lĕ mŏng sô̆ jêh iên hên khư̆t: Pu me tôn lăh hên jêng nêh tih kjham hĭn grăp nau nêh brêh ta Yê-ru-sa-lem lăh?5Ăñ lăh ta pu me, so geh klăh iên ƀă. Ƀê̆ dăh ndă so pu me niêl mlih, hư̆n lĕ mơt ăt jrăng rai lêk klăh iên ya.”6Jêh hư̆n Khua Yang têh pơp hơ hôr ho: “Ju nau nêh mau jhi a ra tăm mŏng mir ño kăn, jêh iên kăn sak juôi ple tŏng jhi hư̆n ƀê̆ dăh so dơi so.7Kăn ngơi ta nêh mhŏ mir: ‘Me dlăng ho, pei năm ru dŏng băh mông ăñ sak juôi ple ta tơm jhi a ra ho ƀê̆ dăh so dơi so. Ăn kăl lat ĕh. Bơ yơng pơp mhŏ lơi ĕh lăm le dan teh klăh iên?’8Ƀê̆ dăh jai boh pơp, kăn ngơi ta khua: ‘Wơ khua, dăn lơi ĕh ju năm ho hư̆t, lơi ăñ gĭr sir teh jư̆m dar tơm ĕh jêh iên tôh phư̆n.9Ndă kơt iên, ta kơi ĕh jrăng mau ple … ndă di ngĭn ngăn so mau nơn, me jrăng kăl lat ĕh!’”10Khua Yang jai tơ ti lăh mŏng ƀơn hih ƀư̆n mŏng nar Sa-ƀat.11Jêh iên dlăng ho, mau ju nau u ur yang djŏh mư̆t mhŏ djhup dư̆r trôh măt pham năm ru, ĕh lăm drôn dôn de jêh iên so dơi dŏk tŏng ôh.12Jêh Yang Yê-su so de, Khua Yang kuôl jêh iên ngơi ta de: “Wơ rôh, e jêh dơi tlĕh băh pơp kuôp ji e ru.”13Khua Yang bi ti tŏng de, mhăč rŏk de dŏk iêu tŏng tê̆, jêh iên nơ nei Yang Trôk.14Ƀê̆ dăh jai nêh năk hih ƀư̆n boh pơp, hao nuih yơng băh Yang Yê-su lăm băh kuôp ji mŏng nar Sa-ƀat, hư̆n yơh kăn ngơi ta uôn lan klăh iêu: “Mau pro nar jêh iên mŏng nar ho ăn mhŏ bruă. Bơ yơng kơt iên, ăn sak lăm băh pơp kuôp ji mŏng nar hư̆n, ei so geh mŏng nar Sa-ƀat.”15Ƀê̆ dăh Khua Yang wêh ngơi ta kăn, jêh iên Khua Yang lăh: “Wơ băl pra mhŏ găl! So lăh geh mŏng nar Sa-ƀat grăp nau nêh pu me lĕh sei ndrôk mdăh ƀle hĕ pu me băh war jêh iên lăm ndơp ĕh sak ñêt dak lăh?16Bơ de u ur ho, de jêng kuôn u ur kăn A-bra-ham, jêng nêh jêh Sa-tan čăp, dlăng tŏ, mŏng lĕ măt pham năm, so de khơñ tlĕh băh sei kliêng đai ho mŏng nar Sa-ƀat lăh?”17Jêh Khua Yang ngơi lĕ mơt pơp hư̆n, grăp nau nêh tăm dăng ta Khua Yang hên prêng gơ gu, bơ lĕ mơt uôn lan ŏk hên čhô̆ brơn ta lĕ mơt bruă ndrơh yơng băh Khua Yang jêh mhŏ.18Kơt iên, Khua Yang ngơi: “Čar Yang Trôk năn ta pơp dơi tŏng ndrơm, jêh iên năn ta pơp ăñ jrăng tô mô ĕh?19Uôn hư̆n ndrơm klăh di ƀơn nggăr pai bi jêh iên ju nau nêh sŏk răh mŏng mir kăn, jêh hư̆n ĕh sak ta ram ñjêng ju mlăm tơm jhi, jêh iên sư̆m trôk mhŏ suôn tŏng mbăh dhan ĕh.”20Khua Yang wêh ngơi: “Năn ta pơp ăñ jrăng tô mô uôn Yang Trôk?21Uôn hư̆n ndrơm klăh di pei hư̆n jêng ju nau u ur sŏk tăm lŭk mŏng pei kŏ ƀhŭk tăl trôh mông ƀhŭk ndung lĕ mơt.”22Jêh hư̆n Khua Yang sak găn gao grăp uôn ram jêh iên uôn đăm, jai tơ ti lăh jai sak trôh ta Yê-ru-sa-lem.23Mông hư̆n, mau ju nau nêh ngơi ta Khua Yang: “Wơ Khua Yang, geh ya čuôm gu ƀê̆ nêh dơi tlĕh?” Khua Yang wêh ngơi ta hên:24“Ăn gir no di sak mư̆t băh ƀăng hăt bơ yơng, ăñ ngơi ta pu me gư̆t, ŏk nêh jrăng juôi truông no di mư̆t ƀê̆ dăh so dơi.25Jai jêh khua hih dŏk jêh iên čăng khăp ƀăng, hư̆n kăh pu me dŏk ta ling jêh iên pơng ƀăng, ngơi klăh iêu: ‘Wơ Khua Yang, dăn pơk un ƀăng ta hi.’ Mông wêh boh pơp pu me, khua hih jrăng ngơi: ‘Ăñ so gư̆t năl pu me, mdăh u băh tŭk pu me trôh.’26Mông hư̆n, pu me jrăng pŏk dơk no di dăn klăh iêu: ‘Hi jêh sông ñêt ta măt Khua Yang, jêh iên Khua Yang jêh tơ ti lăh mŏng grăp truông uôn ram hi di.’27Ƀê̆ dăh khua hih jrăng boh dơk, ngơi ta pu me: ‘Ăñ so gư̆t u băh tŭk pu me trôh. Ăn du wăč băh ăñ, wơ lĕ mơt băl mhŏ bruă mưn so kpă!’28Ta tŭk hư̆n, jrăng mau pơp ôr ñim jêh iên kriêt sêk jai pu me so A-bra-ham, I-săk, jêh iên Ya-kôp, wăt ta lĕ mơt băl tơm têh luôr gŭk mŏng čar Yang Trôk, ƀê̆ dăh so mau pu me, bơ yơng jêh nai čĕ ta ling.29Nai jrăng trôh băh nar lôh jêh iên nar ñăp, băh mbôk jêh iên nơ năm, jêh iên hên jrăng gŭk sông sa mŏng čar Yang Trôk di.30Dlăng ho, mau nêh ta kơi dư̆t hư̆n hên jrăng ñjêng bôk măt, jêh iên mau ŏk nêh bôk măt hư̆n hên jrăng ñjêng kơi dư̆t.”31Mŏng mông hư̆n rŏk, mau bar pei nau băl Pha-ri-si hên sak mơñ, ngơi ta Khua Yang: “Dăn Khua Yang du jêh iên ăn diêr wăč băh o bơ yơng Hê-rôt khơñ lăm khư̆t Khua Yang.”32Khua Yang ngơi ta hên: “Ăn sak, têh ta pik hư̆n: ‘Dlăng ho, ăñ prŏh čak jêh iên lăm băh lĕ mơt pơp kuôp ji nar o jêh iên tŏng o, jêh iên mŏng nar tal pei ăñ lăm jêh lĕ mơt.’33Kơt iên, bơ ăñ, pơp yuôm ngăn jêng wêh lŏ sak nar o, nar tŏng o jêh iên nar tŏng tlak, bơ yơng ju nau nêh têh luôr, so dơi ăn khư̆t ta ling uôn ram Yê-ru-sa-lem.34Wơ Yê-ru-sa-lem, Yê-ru-sa-lem, e lăm khư̆t băl tơm têh luôr jêh iên jăng bôk mau đơ nêh jêh nai yua sak trôh ta pu e. Ŏk dơ̆ ru ăñ khơñ tăm ƀư̆n ŏh kuôn pu e ju tŭk ndrơm klăh di iêr mei guôm kuôn ĕh mŏng ting nar, ƀê̆ dăh pu e so khơñ.35Dlăng ho, hih pu me nai sŏk băh pu me. Ăñ ngơi ta pu me, ngĭn ngăn pu me so hôm dơi so ăñ tăl trôh mông hư̆n jrăng trôh, jêng mông pu me ngơi: ‘Năng nơ nei Mtao trôh mŏng năn Khua Yang.’”
FAR EAST BROADCASTING COMPANY