James3
1Wơ ŏh mi ăñ ji, ei ru ăn ŏk nêh mŏng ŏh mi mhŏ khua tơ ti, bơ yơng gư̆t ru băl băn jrăng tŭ pơp phat dôih ram hĭn.2Bơ yơng băl băn jrăng păk bông ta ŏk pơp. Ndă nêh tơm so ĕh păk bông mŏng pơp ngơi, hư̆n jêng nêh nư̆m nơn, nêh hư̆n dơi răng lĕ mơt săk jăn kăn.3Ndă di băl băn črăp sei khư̆p mŏng dơk ƀle hĕ no di ĕh gưt băl băn, hư̆n băl băn dơi gai lĕ mơt săk jăn ĕh.4Ăn ksiêm dlăng đơ plŭng ram nai mhŏ jêh iên čal ktang pôh đhông tŭ mơh, ƀê̆ dăh grăp plŭng nai gai ĕh sak ta pêt gai kuôn nê̆ ngăn no di sak trôh ta tŭk nêh gai khơñ sak.5Ăt klăh iên ya, piêt jêng ju mta pơp kuôn nê̆ ƀê̆ dăh ĕh dơi lăm ƀlang ŏk bruă ram. Ăn ksiêm dlăng ƀơn nga iñ kuôn nê̆ đô̆ nă dơi ĕh hăr sa lĕ mơt ju dluôn bri ram.6Piêt ăt ndrơm iñ ya, klăh di ƀơn teh dih tih djŏh. Piêt jêh dăp ru mŏng săk jăn băl băn, lăm ƀơ̆ ñơ̆ lĕ mơt săk jăn jêh iên hăr sa lĕ pơp brêh, ƀê̆ dăh săk ĕh tơm rai lêk mŏng war iñ.7Djăp mta păm bri jêh iên sư̆m răč, pơp ĕh wơr jêh iên pơp mŏng dak sĭ jêh dơi lăm ƀlum jêh iên dơi kuôn nêh lăm ƀlum lĕ mơt.8Ƀê̆ dăh so mau nêh dơi gai piêt, ju mta pơp djŏh ƀai so gư̆t mdei mhŏ pơp tăm dăng, bêng pơp khơih khư̆t ôm.9Mơn băh piêt, băl băn nơ nei Yang Trôk jêh iên Bap, ăt mơn băh piêt, băl băn tă to kuôn nêh, jêng pơp jêh rih ñjêng hui si rup Yang Trôk.10Pơp nơ nei jêh iên pơp tă to ĕh lôh băh ƀơn ƀăng dơk. Wơ ŏh mi ăñ ji, đơ bruă klăh iên ei ru ăn ĕh mau.11Ju mlăm buông dak ĕh hung băh ƀơn gơp mau so thơp ĕh hung dak ngôt wăt ju băk dak tăng, geh ya?12Wơ ŏh mi ăñ ji, jhi a ra so thơp ĕh ple ple ô-liu, mdăh tơm jhi ño ĕh ple ple a ra, geh ya? Dak tiêt ăt so thơp ĕh lôh dak ngôt ya.13Nêh tơm gư̆t mĭn jêh iên knhau mŏng mbar ŏh mi? Ăn nêh hư̆n lăm ƀlang grăp bruă mhŏ kăn ĕh lôh băh pơp brêh găl nhăp yơng băh knuih gư̆t lăm rôč săč mŏng pơp gư̆t wơng.14Ƀê̆ dăh ndă ŏh mi mau pơp tŏng nač ktang jêh iên pơp he khơñ mŏng nuih nhăm ŏh mi, hư̆n ei ru lăm rik săk jêh iên ngơi huôk tăm dăng ta pơp ngĭn ngăn.15Ho so geh jêng pơp knhau trôh băh trôk, ƀê̆ dăh jêng pơp trôh băh dôn teh, lŏng săk, yang djŏh.16Bơ yơng u ta tŭk pơp hao nuih jêh iên pơp tăm pit gŭk, hư̆n pơp rŭng răng jêh iên grăp bruă djŏh ƀai ăt gŭk ta iên ya.17Gao băh iên, pơp knhau băh trôk luôr hĭn jêng pơp ƀrăh ngôr, ta kơi hư̆n kăh khơñ ta pơp êngiê, pơp băn ên, knuih gưt mpŭ, bêng nuih nhăm băn dhư̆ jêh iên ple kao găl nhăp, so mĭn wơ wa, so mau pra mhŏ găl.18Ple kao pơp geh tŏng nai răh mŏng pơp êngiê yơng băh nêh lăm ñjêng pơp êngiê.
FAR EAST BROADCASTING COMPANY