James2
1Wơ ŏh mi ăñ ji, ei ru lăm ndăp pơp đăo mŏng Khua Yang băl băn, jêng Yang Tŏng Tlĕh Yê-su guh ang, ta pơp gŭk ting ju đăh.2Bơ yơng si tô mô ju nau nêh duôk mbliêt măh wăt ta čhum ao nhăp yuôm mư̆t mŏng hih ƀư̆n ŏh mi di, jêh iên ju nau nêh ƀun ƀin čhum ao ƀơ̆ ñơ̆ ăt mư̆t mŏng iên ya,3ƀê̆ dăh ŏh mi dlăng gu ta nêh čư̆t sŏh čhum ao yuôm nhăp jêh iên ngơi: “Dăn me sak gŭk mŏng tŭk găl ho!”, jêh iên dlăng ta nêh ƀun, ŏh mi ngơi: “Ăn me du đăh tŏ!”, mdăh “Ăn me gŭk ta kêng jŏng ăñ ho!”,4so lăh geh ŏh mi jêh tăm jăh mhŏ so găl ndăng ŏh mi tơm jêh iên ĕh ñjêng nêh phat dôih ta pơp mĭn djŏh rŏh lăh?5Wơ ŏh mi khăp khơñ ăñ ji, ăn iêt nư̆k: So lăh geh jêh Yang Trôk săč ruăh nêh ƀun mŏng dôn teh no di dơi ñjêng nêh ndrŏng mŏng pơp đăo jêh iên nêh dơn čar hư̆n jêng Khua Yang jêh ƀuôn ta nêh tơm khăp khơñ Khua Yang?6Ƀê̆ dăh ŏh mi wêh lăm prêng băl ƀun ƀin! So lăh băl ndrŏng krĕh mhŏ ƀai ta ŏh mi jêh iên hên krĕh ndơp ŏh mi ta tŭk phat dôih?7So lăh geh hên krĕh mưč năn yuôm bhăn jêh nai ăn ta ŏh mi lăh?8Ƀê̆ dăh, ndă di ŏh mi mhŏ nư̆m pơp bhiên mtao di hui si Ră Ƀrăh: “Ăn khăp khơñ ta nêh kiêu ma băn klăh di săk jăn băn tơm”, hư̆n ŏh mi mhŏ geh.9Ƀê̆ dăh ndă ŏh mi gŭk ting ju đăh, hư̆n ŏh mi jêng nêh mhŏ tih, jêh iên pơp bhiên kơp ŏh mi ndrơm klăh di nêh mhŏ tih.10Bơ yơng nêh tơm dơi gưt lĕ mơt pơp bhiên, ƀê̆ dăh mhŏ tih băh gu ƀơn pơp mŏng iên, nêh hư̆n ĕh ñjêng nêh mhŏ tih lĕ mơt.11Bơ yơng Yang Trôk ngơi: “Ei ru dŏng tư̆r!”, ăt tuôm ngơi: “Ei ru lăm khư̆t nêh!”. Ndă di so ŏh mi dŏng tư̆r, ƀê̆ dăh lăm khư̆t nêh, kơt iên ŏh mi ăt ñjêng nêh mhŏ tih pơp bhiên ya.12Kơt iên ăn ngơi têh jêh iên mhŏ klăh di nêh nai jrăng phat dôih yơng băh pơp bhiên pơp êngiê di.13Bơ yơng pơp phat dôih so tlŏng đač ta băl so lăm ƀlang nuih nhăm tlŏng đač. Nuih nhăm tlŏng đač ram ĕh gao hĭn ta pơp phat dôih!14Wơ ŏh mi ăñ ji, năn pơp yuôm ndă mau nêh ngơi mŏng kăn mau pơp đăo ƀê̆ dăh so mau bruă mhŏ? Pơp đăo hư̆n so dơi lăm tlĕh nêh hư̆n ôh, geh ya?15Tô mô mau ŏh mi mdăh rôh mei jăng jai gŭk săk kôh jêh iên bhơi pơp sông sa grăp nar,16ƀê̆ dăh mau ju nau nêh mŏng ŏh mi ngơi ta pŏng hên: “Ăn sak mŏng pơp đăp nang, ăn čư̆t sŏh găl jêh iên sông sa hơm!”, ƀê̆ dăh ŏh mi so ăn ta hên pơp krĕh yua mŏng săk jăn, năn pơp hôm yuôm?17Pơp đăo ăt klăh iên ya, ndă so mau bruă mhŏ pơp đăo hư̆n ĕh jrăng khư̆t.18Ƀê̆ dăh, nai jrăng ngơi: “Me mau pơp đăo, jêh iên ăñ mau bruă mhŏ.” Ăn ta ăñ so pơp đăo me so mau bruă mhŏ, jêh hư̆n ăñ jrăng ăn me so pơp đăo mau bruă mhŏ ăñ ji.19Me đăo nư̆k Yang Trôk mau băh gu ƀơn. Me đăo geh. Yang djŏh ăt đăo jêh iên ĕh bhŭng prơ prăm.20Wơ nêh plư̆p mblo, me khơñ gư̆t ya pơp đăo so mau bruă mhŏ jêng dăh dan?21So lăh kăn A-bra-ham, pang yo băl băn, jêh nai ngơp geh tŏng yơng băh bruă mhŏ jăng jai kăn myơr I-săk, kuôn tlau kăn di, tŏng jhưng mhŏ yang lăh?22Me so ya pơp đăo ju băk ta bruă mhŏ kăn di, jêh iên mơn băh bruă mhŏ, pơp đăo jêh dơi nư̆m ru.23Pơp ngơi Ră Ƀrăh ho jêh nư̆k ru, klăh iêu: “A-bra-ham đăo Yang Trôk, pơp hư̆n dơi ngơp jêng geh tŏng ta kăn”, jêh iên nai kuôl kăn jêng jôk kuăng Yang Trôk di.24Kơt iên ŏh mi so, ju nau nêh nai ngơp geh tŏng yơng băh bruă mhŏ, jêh iên so mau băh gu pơp đăo ôh.25Ăt ndrơm klăh iên ya, so lăh de čhơng tăt Ra-hap nai ngơp de jêng nêh geh tŏng yơng băh bruă mhŏ jai de tŭ drông băl sak ksiêm čar jêh iên ndơp hên du truông dêh lăh?26Bơ yơng klăh di lŏng săk so mau ngăt nhuôl hư̆n ĕh khư̆t đô̆ nă, pơp đăo so mau bruă mhŏ hư̆n ăt khư̆t klăh iên ya.
FAR EAST BROADCASTING COMPANY