2 Corinthians4
1Yơng băh pơp hư̆n, jăng jai ñôt bruă mhŏ ho hui si pơp dơi hư̆n hi jêh dơi dơn pơp tlŏng đač, hi so thơp ăr măh plơ̆ nuih.2Mlih mŏng iên, hi jêh ndŏh lĕ mơt pơp prêng ndơ ndăp, so hi brêh mŏng pơp mnăč, ăt so hi mčĕh pơp ngơi Yang Trôk, ƀê̆ dăh băh bruă lơ lang pơp ngĭn ngăn, hi čŏng tơ têh ta nuih nhăm kpă grăp nau nêh ta măt Yang Trôk.3Ƀê̆ dăh ndă di Pơp Găl hi mau nai lư̆m ndăp, hư̆n jêng jêh nai lư̆m ndăp mŏng mbar băl rai lêk,4jêh iên mŏng mbar hên, yang nuk ho jêh lăm ngo pơp mĭn băl so đăo hư̆n, tăl pơp ang Pơp Găl pơp guh ang Yang Tŏng Tlĕh di, Mtao jêng rup Yang Trôk, so trang ang tŏng hên.5Bơ yơng hi so têh sơm hi tơm, ƀê̆ dăh jêng Yang Tŏng Tlĕh Yê-su, jêng Khua Yang, bơ săk jăn hi tơm klăh di dư̆k ŏh mi yơng băh Yang Yê-su.6Bơ yơng Yang Trôk, Mtao tuôm ngơi: “Pơp ang jrăng đat ang băh tŭk ngo măng,” jêng Mtao jêh đang ang mŏng nuih nhăm hi trôh ta bruă lăm ang pơp gư̆t wơng ta pơp guh ang Yang Trôk di ta măt Yang Tŏng Tlĕh Yê-su.7Ƀê̆ dăh hi ñăt pơp yuôm ho mŏng nhông teh, no di pơp myang ram ngĭn ngăn ho jêng trôh băh Yang Trôk, so geh trôh băh hi ôh;8nai lăm knap hi mŏng grăp mta pơp, ƀê̆ dăh hi so rai; hi rŭng răng, ƀê̆ dăh so nga pơp čang mơn;9Nai mhŏ ƀai hi, ƀê̆ dăh so hi ndrŏh; nai pŭ tăl wiên, ƀê̆ dăh so trôh khư̆t;10grăp tŭk sak mŏng săk jăn hi răn ƀăn ñôt pơp khư̆t Yang Yê-su di, no di pơp brêh Yang Yê-su ăt dơi lăm pơl mŏng săk jăn hi;11wăt di lăh hôm brêh, răn ƀăn nai jao hi ta pơp khư̆t bơ yơng Yang Yê-su, no di pơp brêh Yang Yê-su ăt dơi lăm ƀlang mŏng săk jăn thơp khư̆t hi di.12Kơt iên, pơp khư̆t mhŏ bruă mŏng hi, bơ pơp brêh gŭk mŏng ŏh mi.13Ƀê̆ dăh hi mau ju nuih nhăm mŏng pơp đăo hui si pơp jêh čih: “Ăñ đăo, hư̆n ăñ ngơi,” hi ăt đăo, hư̆n yơh hi ăt ngơi,14bơ yơng hi gư̆t klă Mtao jêh ăn Yang Yê-su dŏk brêh ăt jrăng ăn hi dŏk brêh ju băk Yang Yê-su, jêh iên jrăng lăm ƀlang hi wăt ta ŏh mi.15Ngăn ya, grăp bruă hư̆n yơng băh ŏh mi, no di pơp đač, jêh lăm mbăč băh ŏk nêh, lăm mbăč ŏk hĭn pơp lăh găl bơ yơng pơp guh ang Yang Trôk di.16Kơt iên, hi so plơ̆ nuih ôh. Wăt di lăh, ndă săk jăn hi ta ling tăl ĕh wăm, ƀê̆ dăh mŏng nuih nhăm hi mau pơp lăm mhei ta grăp nar.17Bơ yơng pơp knap mñai nghơč jai hi tŭ nar o ĕh ăn ta hi ju mta pơp guh ang hui hai, so gư̆t bôl, so mau pơp dơi lăm ndrơm,18jăng jai hi so dlăng lĕ mơt pơp dơi so, ƀê̆ dăh jêng pơp so dơi so. Bơ yơng lĕ mơt pơp dơi so jêng bhiêu gu, ƀê̆ dăh lĕ mơt pơp so dơi so jêng hui hai.
FAR EAST BROADCASTING COMPANY