1 Corinthians8
1Yơng ta pơp kôh rup yang: Băn gư̆t klă ru lĕ mơt băn mau pơp gư̆t mĭn. Pơp gư̆t mĭn ndơp ta pơp mgao, ƀê̆ dăh pơp khăp khơñ ndơp ta pơp trôt čhôl.2Ndă nêh tơm mĭn kăn gư̆t djăp mta pơp, nêh hư̆n ăt ñăm dơi gư̆t ndrơm klăh di pơp kăn mĭn hư̆n ƀă.3Ƀê̆ dăh ndă nêh tơm khăp Yang Trôk, Yang Trôk gư̆t năl nêh hư̆n.4Kơt iên, yơng ta bruă sa pơp kôh rup yang: băn gư̆t ru rup yang mŏng teh dih ho jêng dăh dan, jêh iên klă ru so mau yang dơ dêh ôh băh gu ƀơn Yang Trôk.5Bơ yơng wăt di lăh mau pơp nai kuôl jêng yang, mdăh tŏng trôk tê̆ mdăh mŏng sô̆ teh, ndrơm klăh di mau ŏk “yang” jêh iên ŏk “mtao,”6ƀê̆ dăh ta băl băn čuôm gu mau ƀơn Yang Trôk, jêng Bap, djăp pơp yơng băh Khua Yang rih ñjêng, jêh iên băn brêh bơ yơng Khua Yang, ăt čuôm gu mau ƀơn Yang jêng Yang Tŏng Tlĕh Yê-su, mơn băh Khua Yang dơi mau djăp pơp, jêh iên mơn băh Khua Yang dơi mau băn.7Kơt iên, pơp gư̆t mĭn ho so gŭk mŏng grăp nau nêh. Ƀê̆ dăh ŏk nêh hên hui pơp mơng băh luôr lak tăl trôh nar o ju băk rup yang, hên sa lĕ mơt pơp hư̆n ndrơm klăh di pơp jêh ka kôh ta rup yang, jêh iên nuih nhăm khăng djhup dư̆r hên di jêng ƀơ̆ ñơ̆.8Ƀê̆ dăh, pơp sa ei so ndơp băn dơi sak mơñ Yang Trôk; ndă so sa, băn ăt so kjham hĭn ya, ndă di băn sa ăt so găl hĭn ya.9Ƀê̆ dăh ăn răng, ơn băh pơp hư̆n, pơp êngiê ho ŏh mi ĕh ñjêng pơp lăm tih ta nêh djhup dư̆r.10Bơ yơng ndă nêh tơm so nêh mau pơp gư̆t mĭn gŭk sa mŏng hih kôh rup yang, so lăh geh nuih nhăm khăng djhup dư̆r hên di trôt čhôl no di sa lĕ mơt pơp jêh nai kôh ta rup yang lăh?11Kơt iên, ju nau nêh djhup dư̆r, jêng nêh jêh Yang Tŏng Tlĕh khư̆t truôk un, nai khư̆t yơng băh pơp gư̆t wơng ŏh mi di.12Jêh iên, hui si truông hư̆n, jăng jai mhŏ tih ta ŏh mi tơm jêh iên lăm sôt nuih nhăm djhup dư̆r hên di, hư̆n ŏh mi ăt mhŏ tih ta Yang Tŏng Tlĕh ya.13Kơt iên ndă pơp sa lăm ndơp ŏh mi ăñ mhŏ tih, hư̆n ngĭn ngăn ăñ jrăng so hôm wêh sa čĭ ôh, no di ăñ tlĕh lăm păk bông ta ŏh mi ăñ.
FAR EAST BROADCASTING COMPANY