Jemes3
1Yēhē yathithik wa yatētētek, nehet so ige m̄adeg sōlsōl so van me ige vatvatgo. Veg qele a kimi nēglal vatag en, Ḡod tēvēvēg maymay kemem ige vatvatgo nelge den ige tegtegha.2Veg mal m̄adeg a igēn del ak higap. Ba sowo net vitwag tit higap vēhte lohohole nonon en, tō kē nitiy et tenenen yeh. Net qelenen, kē tolom tenenen vēh nataqn̄ēn del so dam nēmētwun mey netgolgol.3Dēm tow van veg nohos maymay. Sowo gēn wo lēg nan̄yan mi nagayga en, tō gēn tolom tenenen vēh nataqn̄ēn del qele gēn nemyōs.4Ba atmi dēmsas tow van nabaklap. Nabaklap en, kē nilwo, tō nelen̄ maymay nitēm kē. Ba net nilom nabaklap ave te a kē nemyōs mi nowoh su ēwē.5Bahnentō haytēyēh a qele nagaymangēn en, ikē nusu ēwē a lataqn̄ēngēn, ba kē nihohole sotel kē bahaphap lililwo.
!Ey, nep wo nusu ēwē ba kē tegen qēt vēh nēm̄ēt liwo!6Tō nagaymangēn qeleso nep anen. Ikē nage su vitwag a lataqn̄ēngēn, ba nōyheg mi nahaphap telemyam mey a nehet, tō kē niak nataqn̄ēngēn del nilem. Tō nagaymangēn melep me nep lēh nongēn, wa talawlaw soloteg lēh nongēn. Nep nan non Satan a mavan me den amnō.7Net tak m̄ey vēh ige haphap tuytuy tegtegha lelo m̄ēt. Qeleso ige men, nam̄at, wa ige mōmō yow lenaw en, net tak m̄ey vēh kēy.8Ba tateh et a tak m̄ey vēh nagayman. Veg nagaymangēn nitiy tuytuy, wa naman het aē, tō kē tak mat vēh net.9Nagaymangēn en, vaga gēn vēwē Welan wa Imam nongēn aē, tō gēn vipdeg se net aē. !Ba Ḡod mitin̄ tō ige et tatag nototgal nonon!10Navawē tiwag mi nivipdeg nikalō me den nan̄yege vitwag ēwē. !Yathithik, nage gōh et wē te so galeg!11Dēmsas, yathithik wa yatētētek. ?Naqyobē vitwag aē a so net nihayak nēbē tiwag mi nanaw den ōk?12Sowo nōtōp en, tō nēk tit hayak vēhte nēbē ēwē aē. !Tateh! ?Tō kimi dēm so nēqētēnge fik tō vēh nēwe olif, si so nagayga ḡrep tō vēh nēwe fik? !Tateh nowmat!13?Ihē den kimi nēmnay wa nololmeyen? Itōk so kimi vasemlō nage gōh heylō namtevumi mey nēwē, heylō namgumgu togolgol a kimi mak mi nēdēmdēm muhuy wa nēmnay.14Ba so kimi wo qeneqneg wa matwolwol, wa kimi lōn̄veg nēdēmdēm gōh lelo taqami en, tō nitog hole sotel so kimi nēmnay. Tō nitog lōn̄veg nēhēyhēywē.15Nage het geh gōh en et mēnay te a nivan me den alge. Ba nōtōti dēmdēm nan lelo mayam gōh en, net, wa nuvu het.16Mahē naqneqneg wa namatwolwol so aē en, naln̄e yon̄teg tateh mi kēy, ba nēmētwuy vēlēs het geh.17?Ba nēmnay a nivan me den alge en, kē niak qeleave hiy net? Net mēnay en, kē newenwen, kē notog tēy natm̄at, kē notog muhuy, naln̄e yon̄teg aē mi kē, namgaysēn aē mi kē, kē nōyheg mi namgumgu mey nēwē, nangon et vōyō te, wa tō natamtam nonon haytēyēh hiy net del.18Net m̄ey a nimgumgu so nigaleg natm̄at en, kē qeleso net mey a nivavah nōswō tam̄at. Nōswō tam̄at gōh tō nēwan mey a nēwē. Kē tak so ige totogtog tenenen.
!Ey, nep wo nusu ēwē ba kē tegen qēt vēh nēm̄ēt liwo!6Tō nagaymangēn qeleso nep anen. Ikē nage su vitwag a lataqn̄ēngēn, ba nōyheg mi nahaphap telemyam mey a nehet, tō kē niak nataqn̄ēngēn del nilem. Tō nagaymangēn melep me nep lēh nongēn, wa talawlaw soloteg lēh nongēn. Nep nan non Satan a mavan me den amnō.7Net tak m̄ey vēh ige haphap tuytuy tegtegha lelo m̄ēt. Qeleso ige men, nam̄at, wa ige mōmō yow lenaw en, net tak m̄ey vēh kēy.8Ba tateh et a tak m̄ey vēh nagayman. Veg nagaymangēn nitiy tuytuy, wa naman het aē, tō kē tak mat vēh net.9Nagaymangēn en, vaga gēn vēwē Welan wa Imam nongēn aē, tō gēn vipdeg se net aē. !Ba Ḡod mitin̄ tō ige et tatag nototgal nonon!10Navawē tiwag mi nivipdeg nikalō me den nan̄yege vitwag ēwē. !Yathithik, nage gōh et wē te so galeg!11Dēmsas, yathithik wa yatētētek. ?Naqyobē vitwag aē a so net nihayak nēbē tiwag mi nanaw den ōk?12Sowo nōtōp en, tō nēk tit hayak vēhte nēbē ēwē aē. !Tateh! ?Tō kimi dēm so nēqētēnge fik tō vēh nēwe olif, si so nagayga ḡrep tō vēh nēwe fik? !Tateh nowmat!13?Ihē den kimi nēmnay wa nololmeyen? Itōk so kimi vasemlō nage gōh heylō namtevumi mey nēwē, heylō namgumgu togolgol a kimi mak mi nēdēmdēm muhuy wa nēmnay.14Ba so kimi wo qeneqneg wa matwolwol, wa kimi lōn̄veg nēdēmdēm gōh lelo taqami en, tō nitog hole sotel so kimi nēmnay. Tō nitog lōn̄veg nēhēyhēywē.15Nage het geh gōh en et mēnay te a nivan me den alge. Ba nōtōti dēmdēm nan lelo mayam gōh en, net, wa nuvu het.16Mahē naqneqneg wa namatwolwol so aē en, naln̄e yon̄teg tateh mi kēy, ba nēmētwuy vēlēs het geh.17?Ba nēmnay a nivan me den alge en, kē niak qeleave hiy net? Net mēnay en, kē newenwen, kē notog tēy natm̄at, kē notog muhuy, naln̄e yon̄teg aē mi kē, namgaysēn aē mi kē, kē nōyheg mi namgumgu mey nēwē, nangon et vōyō te, wa tō natamtam nonon haytēyēh hiy net del.18Net m̄ey a nimgumgu so nigaleg natm̄at en, kē qeleso net mey a nivavah nōswō tam̄at. Nōswō tam̄at gōh tō nēwan mey a nēwē. Kē tak so ige totogtog tenenen.
The Seed Company