Зах2
1Мый угыч вуем нӧлталынам да пӧръеҥым ужынам, тудын кидыштыже висыме кандыра лийын.2Мый йодынам: «Тый куш кает?» Тудо мылам вашештен: «Иерусалимым висаш, тудын лопкыт ден кужытшым палаш».3Тунам мый денем ончыч кутырышо Суксо толын лектын, а тудын ваштарешыже вес Суксо лишемын.4Икымше Суксо весыжлан каласен: «Кай писынрак, тиде самырык пӧръеҥлан каласе: Иерусалим ола шке пырдыжше деч умбаке шарла, вет тушто еҥ ден вольык пеш шуко лийыт».5«Мый ола йыр тулан пырдыж лиям, – ойла Господь, – тушто Мыйын чапем йолгаш тӱҥалеш.6Эй, йӱдвел мланде гыч куржса! – ойла Господь. – Вет Мый тендам чыла ныл велыш шалатенам, – ойла Господь. –7Вавилон калык коклаште илыше Сион, куржын утаралт!»8Тендам агыше калык-влак деке шке чапшылан кӧра мыйым колтышо Господь Саваоф тыге ойла: «Кӧ тендам тӱка, тудо Мыйын шинчасортам тӱка.9Мый нунын ӱмбаке кидем нӧлталам, да нуным шке кулышт агат». Тунам те пален налыда: мыйым Господь Саваоф колтен.10«Сион ӱдыр, йывырте да куанен йӱклане! Вет Мый толам да тыйын коклаштет илаш тӱҥалам», – ойла Господь.11Тудо кечын Господь деке шуко калык ушна, да нуно Тудын калыкше лийыт, а Тудо нунын коклаште илаш тӱҥалеш. Тунам тый, мыйын калыкем, умылет: Господь Саваоф мыйым тый декет колтен.12Тунам Господь святой мландыште Шкаланже Иудам налеш да угыч Иерусалимым ойырен налеш.13Тек айдеме тукым Господь ончылно шып лиеш, вет Тудо шке святой илемже гыч лектеш!
Institute for Bible Translation, Finland