Зах11
1Капка-влакетым поч, Ливан,тек кедр-влакетым тул пӧжга!2Шорт, кипарис, вет кедр сӱмырлен,онар пушеҥге-влак пытеныт!Васанысе тумо-влак, шортса,вет сип чодырам руымо!3Калыкым кӱтышӧ-влакын шортмо йӱкышт шокта,вет кӱтымӧ верлаштым пустаҥдыме;самырык лев-влакын ырлымышт шокта,вет Иордан воктенысе чашкерлам руымо.4Тыге ойла Господь, мыйын Юмем: «Шӱшкылаш палемдыме шорык-влакым кӱтӧ.5Шорыкым налше-шамыч нуным пуштедат, тидлан мутым огыт кучо, а ужалыше-влак ойлат: ”Господьлан тау, мый поенам!” Нунын кӱтӱчышт-влакат шорыкым огыт чамане.6Вет Мый тиде мландыште илыше-влакым тетла ом чамане, – ойла Господь. – Мый кажныжым лишылъеҥыштын да шке кугыжаштын кидышкышт пуэм. Нуно мландым пустаҥдаш тӱҥалыт, а Мый нунын кидышт деч нигӧм ом утаре».7Торгайыше-влакын йодмышт почеш мый шӱшкылаш палемдыме шорык-шамычым кӱташ тӱҥалынам. Шкаланем кок пондым налынам: иктыжым «Порылык», весыжым «Келшымаш» манын лӱмденам да шорык-влакым кӱтенам.8Ик тылзе жапыште мый кум кӱтӱчым поктен колтенам. Шорык-влак чонышкем шуктеныт, нунат мыйым чытен кертын огытыл.9Тунам каласенам: «Тендам тетла ом кӱтӧ. Кӧ колышаш – тек кола, кӧ пытышаш – тек пыта, а кодшышт тек икте-весыштым кочкыт».10Мый «Порылык» пондем налынам да, калык-влак дене ыштыме ойпидышым пудырташ манын, тудым тодылынам.11Тудо кечын ойпидыш пудыртымо лийын. Торгайыше-влак мыйым эскереныт да умыленыт: тиде Господьын шомакше лийын.12Мый нунылан каласенам: «Тидым сайлан шотледа гын, мыланем пашадарым пуыза, уке гын, ида тӱлӧ». Нуно мыланем кумло ший оксам пуэныт.13Господь мылам каласен: «Тиде оксам кӧршӧк ыштышылан кудалте! Пеш кӱкшын нуно Мыйым акленыт!» Мый тиде кумло ший оксам налынам да Господьын пӧртшӧ пелен кӧршӧк ыштышылан кудалтенам.14Вара мый, Иуда ден Израиль кокласе иза-шольо кылым кӱрлаш манын, «Келшымаш» манын лӱмдымӧ вес пондем пудыртенам.15Господь мылам каласен: «Шкаланет эше окмак кӱтӱчын арвержым нал.16Вет Мый тиде мландыште кӱтӱчым шогалтем, тудо колаш тӱҥалше-влак шотышто тургыжланаш ок тӱҥал, йомшо-влакым ок кычал, эмганыше-шамычым ок паремде, таза-влакым ок пукшо. Тудо ӧрдышӧ чапле шорык-влакын шылыштым кочкаш тӱҥалеш, эсогыл кӱчыштым кӱрышт луктеш.17Ойго йӧрдымӧ кӱтӱчылан,кӧ кӱтӱм коден кая!Тек керде тудын кидшым руалеш,пурла шинчажым шӱта!Тек тудын кидше кошка,пурла шинчаже сокыр лиеш!»
Institute for Bible Translation, Finland