Мур8
1«Лият ыле гын тый мыйын изам,кӧлан авам чызыжым пукшен –уремыште, тыйым вашлиймеке,шупшал пытарем ыле,да нигӧ мыйым ок шылтале ыле.2Мый тыйым вӱден наҥгаем ыле,кондем ыле авамын суртышкыжо.Тый мыйым туныктет ыле,а мый тыланет тамлештарыме йошкар аракам,гранат-влакемын сокшым йӱктем ыле.3Йӧратымемын шола кидше – вуй йымалнем,а пурлаже мыйым ӧндалеш».4Иерусалимын ӱдыржӧ-влак, мылам товатлыза:жап деч ончыч йӧратымашым ида помыжалте,тудым ида кынелте!5Кӧ тиде ир мланде гыч толеш,йӧратымыжын кидышкыже эҥертен?Олмапу йымалне мый тыйым помыжалтышым,тушто тыйым ават ыштен,шочыктышет тыйым ыштен.6Пыште мыйым печать семын шӱмышкет,печатян шергаш семын чикте парняшкет,вет йӧратымаш – колымаш гай виян,тудын тулжо вес тӱня гай ажгын.Тудын пикшыже-влак улыт тулан,йӧратымаш – кугу куатан тулйолкын.7Кугу вӱд-влак тудым йӧртен огыт керт,эҥер-влак тудым мушкын огыт наҥгай.Иктаж-кӧ йӧратымаш верч пуа гын чыла поянлыкшым,тыгай еҥ мыскылымашым гына сула ыле.8«Мемнан уло изи шӱжарна,тудын чызыжат эше кушкын огыл.Мом мыланна шӱжар дене ышташ,кунам толыт тудын дек туларташ?9Лиеш ыле гын тудо пырдыж,ме тушан ший пӱян башне-влакым нӧлталына ыле,лиеш ыле гын тудо омса,ме тудым кедр оҥа дене комыжлена ыле».10«Улам мый пырдыж,оҥпогемже – пуйто башне,садлан тудын шинчаштыже кушкын шушо ӱдыр улам.11Ваал-Гамонышто Соломонын виноград аҥаже лийын,тудым Соломон еҥ-влаклан ончаш пуэн.Саскажлан кажныже тӱжем ший оксам кондышаш улмаш.12А мыйын виноград аҥам – лач мыйын.Тек тӱжем ший окса, Соломон, тылат лиеш,а кокшӱдӧ – саскам ончышылан».13«Сад коклаште шинчыше ӱдыр!Йолташем-влак колыт йӱкетым,пу мыламат тыйын йӱкетым колаш».14«Вашке тол, йӧратымем!Лий бальзам курыкласе ир казатага але самырык пӱчӧ гай!»
Institute for Bible Translation, Finland