Мур7
1«Пӧртыл, савырне мӧҥгеш, Сулам гыч ӱдыр!Пӧртыл, савырне мӧҥгеш – ме тыйым ончалына!»Молан тыланда Сулам ӱдыр ӱмбакМанаимысе куштымашым ончымо семын ончаш?2«Лӱмлӧ ӱдыр,сандальым чийыше йолетше мотор,эрдет – уста мастарын ыштыме шӱшерже гай йыргешке.3Мӱшкырет – пуйто йыргешке чаше,кушто тамлештарыме йошкар арака огеш шагалем.Тудо – пуйто шыдаҥ кышыл,лилий-влак дене авырыме.4Чызет – пуйто кок самырык пӱчӧ, йыгыр ирказа.5Шӱет – пуйто слон лу гыч ыштыме башне,шинчат – Батраббим капка воктенысе Есевон пӱя,неретше – пуйто Дамаскыш ончышо мотор Ливан башне.6Вует тыйын – пуйто Кармил курык,вуйысо ӱпет – шемалге-йошкарге,кудыр ӱпет дене тый кугыжам шке декет савырет.7Могай тый мотор да сымыстарыше улат, йӧратымем!Улат тый мыйын куанем!8Капкылетше – пуйто пальме,оҥпогетше – тудын саскаже.9Шоналтышым мый:”Тиде пальмыш кӱзем,укшлажым руалтен кучем”.Оҥпогет лиеш тудын саскаже,шӱлалтышет олма дене пушлана,10а умшатше – пуйто эн сай йошкар арака».«Йоген кая тудо йӧратыме качем дек,малыше-влакын тӱрвышкышт йога.11Улам мый лач йӧратымемын,тудынат кумылжо мый декем шупшеш.12Тол, йӧратымем, олыкыш каена,йӱдым ялыште эртарена.13А эрдене каена виноград аҥалашкеда ончалына – нерешталтын мо виноград,почылтын мо пеледышлык,гранат пушеҥгылаште коеш мо пеледыш?Тушто тылат мый йӧратымашем пӧлеклем.14Мандрагор-влак тамле пушым шарат,омсана воктене улыт тӱрлӧ сай саска, у ден тоштыжат –нуным, йӧратымем, тылат арален коденам!»
Institute for Bible Translation, Finland