Пс96
[Давидын псаломжо, кунам вуйлатыме мландыжым шотыш конденыт.]
1Господь кугыжалана!Тек мланде йывырта, отро-влак куанат!2Тудын йырже пыл ден пычкемыш улыт,престолжын негызше – чынлык ден чын ыштымаш.3Тул кая Тудын ончычшо,тушманже-влакым йырваш пытара.4Тудын волгенчыже-влак тӱням волгалтарат,тидым ужын, мланде чытырна.5Тудын чурийже ончылно, уло мландын Господьшо ончылно,курык-влак шыште семын шулат.6Пылпомыш-влак Тудын чынлыкше нерген ойлат,чыла калык Тудын чапшым ужеш.7Тек шке ыштыме юмылан кумалше-шамыч,шояк юмо дене моктаныше-влак чылан вожылмашыш пурат.Чыла юмо-влак, Тудын ончылно кумык вочса!8Тидым колын, Сион куана,Тыйын судет-влаклан, Господь,Иудан ӱдыржӧ-шамыч куанат.9Вет Тый, Господь, пӱтынь мланде деч кӱшнӧ улат,чыла юмо деч кӱшнӧ улат!10Господьым йӧратыше-влак, осал дек ужмышудымо лийза,вет шке ӱшанлыже-влакын чоныштым Тудо арала,осал еҥ-шамычын кидышт деч нуным утара.11Волгалтара чын ыштыше еҥым волгыдо,яндар шӱм-чонан-влакым – куан.12Чын ыштыше-влак, Господьлан йывыртыза,святой улмыжым шарнен, Тудым моктыза!Institute for Bible Translation, Finland