Пс95
[Давидын моктеммурыжо. Плен гыч пӧртылмеке, Юмын пӧртым чоҥымо годым.]
1У мурым мурыза Господьлан,пӱтынь мланде, Господьлан муро!2Мурыза Господьлан, Тудын лӱмжым чаплыза,Тудын утарымыж нерген кажне кечын ойлыза!3Калык-влак коклаште Тудын чапшым,чыла тукым коклаште ӧрыктарыше пашаж-влакым увертарыза!4Вет Господь кӱдыратле, моктымашым сулышо.Тудо кугу лӱдмашым луктеш, чыла юмо деч кӱшнӧ улеш!5Вет моло калыкын юмышт улыт полган,а Господь кавам ыштен.6Тудын пеленже – чап ден кугулык,святой верыштыже – сылнылык, куат.7Тӱнясе чыла калык, чапым пуыза Господьлан,моктыза Тудым чап ден вий-куатшылан!8Господьын лӱмжым чапландарыза,Тудын кудывечышкыже пӧлек дене мийыза,9святой сӧраллык дене Господьлан вуйдам савыза.Пӱтынь мланде, Тудын ончылныжо чытыре!10Калык-влаклан каласыза: «Господь кугыжалана!»Тӱня пеҥгыдын шога, ок чытырне.Чынлык дене Господь тӱням судитлаш тӱҥалеш.11Тек йывырта кава да мланде куана,теҥыз да мо тушто уло – тек куанен лӱшкат.12Тек куана пасу да мо тушто уло,тек чодырасе пушеҥге-влак Господь ончылно йывыртен гӱжлат.Вет толеш, вет Тудо толеш мландым судитлаш.Тудо тӱнялан чын судым ышта,калык-влакым шке чынлыкше почеш судитла.Institute for Bible Translation, Finland