Пс90
[Давидын моктеммурыжо.]
1Чыла деч Кӱшылысын леведыш йымалныже илыше,Чылакертшын ӱмылыштыжӧ шинчыше еҥ2Господьлан ойла:«Юмем, улат Тый шылын куржмо верем,мыйын аралтышем, Тылат мый ӱшанем!»3Кучаш тӧчышын вапшыж деч да шучко чер дечТудо тыйым утара.4Шке пыстылже-влак дене тыйым леведеш,Тудын шулдыржо – тылат аралтыш,Тудын ӱшанле улмыжо – пырдыж ден авыртыш.5От лӱд йӱдым шучкылык деч,кечывалым чоҥештыше пикш деч,6пычкемыште коштшо аярмужо деч,кечывалым пуштедыше шучко чер деч.7Тӱжем еҥ йӧрлеш тыйын воктенет,лу тӱжем – пурла могырыштет,но чыла нине азап тыйым огыт логал.8Осал еҥ-влаклан пӧртылтымӧ лиеш,тый тидым шке шинчат дене ужат.9Вет тый каласенат: «Господь – шылын куржмо верем»,Чыла деч Кӱшылысым тый шке аралтышетым ыштенат.10Нимогай осал тый денет огеш лий,илыме верышкет ойго-орлык ок лишем.11Вет Тудо Суксыж-влаклан тыйын шотышто кӱшта –тыйым чыла корныштет аралаш.12Йолет дене кӱэш ит шӱртньӧ манын,нуно тыйым кидешышт нумал наҥгаят.13Тошкалат кишкым, чӱҥгалше аяр кишкым,лев ден драконым тый тошкет.14«Мыйым йӧратымыжлан тудым утарем,Мыйын лӱмем палымыжлан тудым аралем.15Мыйым ӱжын кычкыра – тудым колам,ойгыж годым пеленже лиям,тудым утарем да чапым пуэм.16Тудлан Мый шуко илышаш кечым пуэм,шке утарымашем тудлан ончыктем».Institute for Bible Translation, Finland