Пс85
Давидын кумалмыже.
1Колышт мыйым, Господь, да мылам вашеште,вет мый йорло да мыскынь улам.2Арален кодо мыйын чонем,вет Тыйым шотлен илем.Юмем, утаре мыйым, Тылат ӱшаныше тарзетым.3Серлаге мыйым, Господь,вет кажне кечын Тыйым сӧрвален йодам.4Тый декет, Господь, чонем кондем,куандаре шке тарзетын чонжым.5Вет Тый дечет полышым йодын кумалше-влак декеТый, Господь, эре поро улат.Тый титакыштым кудалтет да нунылан суапым ыштет.6Господь, мыйын сӧрвален йодмемым кол,мыйын кумалмем Тый колышт.7Кунам мылам неле, мый Тыйым ӱжам,вет Тый вашештет мылам.8Уке юмо-влак коклаште Тыйын гай, Господь,уке улыт Тыйын ыштыме гай паша-влак.9Тыйын ыштыме калык-влак толыт чылан,Тыйын ончылнет, Господь, вуйыштым саватда Тыйын лӱмет чапландарат.10Вет Тый улат кӱдыратле, ӧрыктарыше пашам ыштыше,Тый гына Юмо улат.11Господь, шке корнет дене кошташ мыйым туныкто –Тыйын чыныштет мый тӱҥалам кошташ,пу мылам ӱшанле шӱмым – Тыйын лӱметым шотлен илаш.12Тыйым, Господь Юмем, уло шӱмем дене мокташ тӱҥалам,Тыйын лӱметым курымеш чапландарем.13Вет Тыйын порылыкет кугу мый декем,вес тӱнян келгытше деч утаренат чонем.14Юмем! Кугешныше-влак шогалыныт ваштарешем,чаманыдыме еҥ тӱшка мыйын чонем кычалеш;Тыйым нуно шотыш огыт нал.15Но Тый, Господь, улат чаманыше да поро,шуко чытыше, суапым ыштыше да ӱшанле Юмо улат.16Ончал ӱмбакем да мыйым серлаге,шке тарзетлан вий-куатетым пу,шке тарзе ӱдырамашетын эргыжым утаре.17Мый декем поро улметым ончыкто –кӧмытын мыйым ужмышт ок шу, тек нуно тидым ужыт да вожылыт,вет Тый, Господь, мылам полшенат да мыйым лыпландаренат.Institute for Bible Translation, Finland