Пс84
1Хор вуйлатышылан. Корей эрге-влакын псаломышт.2Господь! Тый шке мландет деке поро лийынат,Иаков тукымлан эрыкым пӧлекленат;3калыкетын титакшым кудалтенат,чыла сулыкшым петыренат.4Тый сырыметым чарненат,кугу шыдетым йӧртенат.5Мемнан утарыше Юмына,мемнам угыч йол ӱмбак шогалте,мыланна кугун шыдешкыметым чарне.6Курымеш тӱҥалат мо мыланна сыраш,тукым гыч тукымыш шыдетым шуяш?7Мемнам угыч от иландаре мо?Тунам Тыйын калыкет Тылат куана ыле.8Ончыкто, Господь, мыланна шке порылыкетым,пӧлекле мыланна шке утарымашетым.9Господь Юмын мом ойлымыжым колыштам.Шке калыкшылан, ӱшанле тарзыж-влаклан Тудо тынысым сӧра,шонен моштыдымаш гына нуным угыч ынже авалте.10Чынжымак, Юмо деч лӱдшӧ-влаклан Тудын утарымашыже лишне,тунам мландыштына чап илаш тӱҥалеш!11Порылык ден чынлык вашлийыт,чын ыштымаш ден тыныс шупшалалтыт.12Чынлык кушкын лектеш мланде гыч,чын ыштымаш пылпомыш гыч ончалеш.13Господь пӧлекла чыла сайлыкым,да мландына шке саскажым пуа.14Чын ыштымаш Господьын ончылныжо каяда Тудлан ошкылашыже корным ямдыла.
Institute for Bible Translation, Finland