Пс64
1Хор вуйлатышылан. Давидын псаломжо. Муро.2Тыйым, Юмем, моктена Сионышто,[Иерусалимыште] Тылат чыла сӧрымынам шуктена.3Тый кумалмым колат,чыла еҥ-влак Тый декет мият.4Сулыкан пашана-влак мемнам темдат,но нунын деч Тый эрыктет мемнам.5Пиалан, кӧм Тый ойырен налынатда Шке декет лишемденат –тудо Тыйын сурт-печышкет илаш пура.Тыйын пӧртетын, святой храметын,перкелыкше дене ме темына.6Кол мемнам, Юмына, мемнан Утарышына,чын судитлыше да лӱдмашым лукшо!Мланде тӱр ден мӱндыр теҥыз-влакын улат Тый ӱшанышт.7Шке куатет дене шогалтенат курык-влакым,кыдалешет ӱшталынат вий-куатым.8Теҥыз лӱшкымым, вӱдтолкын йӱкым,калык пудыранчыкым Тый лыпландарет!9Мланде тӱрыштӧ илыше-влакатТыйын палдарыше палет-влак дечын лӱдыт,эрвел ден касвелнат Тый чапландараш кумылым луктат.10Мланде дек порын савырнен, йӱрым колтет,тудым лектышаным ыштет –Юмын йогынжо эре вӱд дене темше!Киндым шочыкташ Тый мландым ямдыленат:11куралме кашым вӱдыжтарет,комыля-влакым тӧрлет,йӱр дене тудым пушкыдемдет,лекше озымым суапландарет.12Идалыкым Тый кинде перке дене сӧрастарет,кушто Тый эртет, тушто мланде перкелык дене темеш.13Такыр олык-влак шудо дене леведалтыт,кӱкшака-шамыч куан вургемым чият.14Олык-влак кӱтӱ дене,лапвер-влак шурно дене леведалтыт,уло мланде куанен мура!
Institute for Bible Translation, Finland