Пс63
1Хор вуйлатышылан. Давидын псаломжо.2Юмем, сӧрвален кумалмемым кол,лӱдмашым лукшо тушман деч илышем арале.3Осал чоя-влакын шонен пыштымышт деч,лӱшкышӧ осал еҥ-шамыч деч мыйым шылте.4Нуно керде семын пӱсемденыт йылмыштым,мутышт – чымалтарен шындыме аяран пикш гае.5Шылын шичме верышт гыч нуно титакдымым лӱят,вучыдымын лӱят ӱмбакше да огытат лӱд.6Осалым ышташ шонымаштышт пеҥгыдын шогат,кутырен келшеныт лӧдым шындаш,ойлат нуно: «Кӧ мемнам ужеш?»7Ышташ шонат осалым, тыге ойлат:«Чылажымат ме сайын шоненна!»Умылаш ок лий айдеме шӱм-чоным! 8Но Юмо ӱмбакышт пикшым колта,кенеташте нуно сусыртымо лийыт.9Шке йылмышт дене нуно зияным шкаланышт кондат.Нуным ужшо-влак воктечышт кораҥыт.10Чыла еҥым лӱдмаш авалта,нуно Юмын пашаж нерген каласкалашда Тудын мом ыштымыж нерген шонкалаш тӱҥалыт.11Господьлан куана чын ыштыше айдеме,Господьлан тудо инанен ила,да яндар шӱм-чонан-влак чылан йывыртат.
Institute for Bible Translation, Finland