Пс60
1Хор вуйлатышылан. Кылан семӱзгар дене. Давидын псаломжо.2Юмем, сӧрвален йодмемым кол,кумалмем дек пылышетым савыре!3Чонемлан йӧсӧ лийме годым мланде тӱр гыч Тыйым ӱжам:кӱзыктӧ мыйым кӱ курыкыш –шке вием дене тушко ом керт кӱзен.4Вет Тый улат аралтышем,тушман деч саклыше пеҥгыде пырдыжем.5Ӱмырем мучко Тыйын илыме верыштет илынем,Тыйын шулдырет йымалне мый утаралтнем.6Вет Тый, Юмем, сӧрымем колынат,лӱметым жаплыше-влакын налшаш суапыштым пуышыч мыламат.7Кугыжан илышаш кечыжым шукемде,кугыжаланыме ийлажым тукым гыч тукымыш шуйо.8Тек тудо Юмын ончылно курымеш кугыжалана,Тыйын порылыкет да ӱшанле улмет тек тудым оролат.9А мый Тыйын лӱметым курымеш моктен мурем,сӧрымем кече гыч кечыш шуктен шогем.
Institute for Bible Translation, Finland