Пс58
1Хор вуйлатышылан. «Ит пытаре» семлан. Давидын возымашыже, кунам Саул, Давидым пушташ манын, тудын пӧртшым эскераш колтен.2Юмем, утаре мыйым тушманем-влак дечын,ваштарешем кынелше-влак дечын мыйым арале!3Утаре мыйым осалым ыштыше-шамыч дечын,вӱрым йоктарыше-влак дечын мыйым арале!4Господь, теве титакемлан верч огыл, сулыкемлан верч огылнуно мыйын чонемым ваҥат,ваштарешем виян-влак погынат.5Титакем уке ӱмбач писын погынат, сарлан ямдылалтыт.Кынел мыланем полшаш, ӱмбакем ончал!6Тый, Господь, Саваоф Юмем, Израильын Юмыжо,калык-влаклан ӱчым шукташ помыжалт,осал чоя да ӱшанле огыл-влакым иктымат ит чамане!7Кастене нуно пӧртылытда, пий гай урмыжын, ола мучко коштыт.8Йылмышт дене нуно шӱктарен вурсат,мутышт нунын пуйто керде.«Кӧ мемнам колеш?» – нуно шонат.9Но Тый, Господь, нуным воштылат,чыла нине калыкым ӱлык шындет.10Юмем, вий-куатем, ӱмбакет шинчаончалтышем виктарем,улат Тый мыйын аралтышем.11Мыйым чаманыше Юмо ончычем кая,тушманем-влак дене мо лиймым Тудо мылам ужаш пуа.12Но, калыкем Тыйым ынже мондо манын, нуным ит пушт –шалате нуным шке виет дене,сӱмырен кудалте нуным, Господь, мемнан Аралышына!13Йылмышт гыч лекше кажне мут дене нуно сулыкыш пурат –шудалмыштлан да шоякым ойлымыштлантек нуно шке кугешнымашышт дене кучымо лийыт.14Шалате нуным шыдет дене, шалате,тек нуно огыт лий, тек пален налыт чылан –Юмо Иаковын мландыштыже да мланде тӱр мартеат кугыжалана.15Кастене нуно пӧртылыт,да, пий гай урмыжын, ола мучко коштыт.16Коштыт нуно, кочкышым кычалын,мӱшкырышт ок тем гын, йыҥысат.17А мый Тыйын куатетым моктен мурем,эрден эрак тӱҥалын, Тыйын порылыкетым моктем.Вет Тый лийынат мылам аралтыш,неле кече годым шылын куржмо вер.18Мыйын Куатем! Тыйым моктен мураш тӱҥалам,вет Тый, Юмем, мыйым арален налше,мылам порылыкым ончыктышо Юмо улат!
Institute for Bible Translation, Finland