Пс41
1Хор вуйлатышылан. Корей эрге-влакын туныктымашышт.2Кузе пӱчӧ вӱдйогыным кычалеш,тыгак чонемже Тый декет, Юмем, шупшеш!3Юмо дек, илыше Юмо дек мыйын чонем шупшеш:кунам гын мый Юмын чурий ончык миен шогалам?4Шинчавӱдем йӱдшӧ-кечыже лийын мыйын киндем,ойлат мылам кажне кечын: «Кушто тыйын Юмет?»5Тидым шарналтем да шӱм-чонем почам:коштынам мый шуко калык коклаште,пайремлыше калыкын куан йӱкшӧ да моктеммурыж денемый Юмын пӧртыш коштынам.6Мом тый, чонем, ойгырет да мом азапланет?Инане Юмылан! Мый Тудым эше мокташ тӱҥалам –мыйын Утарышемым, мыйын Юмемым!7Ойгыра мыйын кӧргыштем чонем –Иордан мландыште, Ермон ден Мицар курыклаштемый Тыйын нергенет шарналтем.8Тыйын вӱдшуҥгалтыш-влакетын гӱжлымышт денепундашдыме ик келгыт весым ӱжеш;Тыйын вӱдшор ден толкынет-влак мыйын ӱмбачем эртеныт.9Кечывалым Господь ончыкта шке порылыкшым,а йӱдым мый Тудлан мурым мурем,илышым пуышо Юмемлан кумалам.10Каласем Юмылан, аралтышемлан:молан Тый мыйым монденат?Молан тушманын шыгыремдымыжлан ойгырен коштам?11Тушманем-влак мыйым шӱктарат,чыла луэм пудыргымыла чучеш.Вет кажне кечын мыланем ойлат:«Кушто тыйын Юмет?»12Мом тый, чонем, ойгырет да мом азапланет?Инане Юмылан! Мый Тудым эше мокташ тӱҥалам –мыйын Утарышемым, мыйын Юмемым!
Institute for Bible Translation, Finland