Пс4
1Хор вуйлатышылан. Кылан семӱзгар дене. Давидын псаломжо.2Кунам мый ӱжам, мылам вашеште,чын ыштыше Юмем!Шыгыр годым Тый мылам йоҥгыдылыкым пуэнат.Серлаге мыйым да кумалмемым кол.3Айдеме эрге-влак!Мыняр жап эше мыйын чапем волташ тӱҥалыда?Мыняр жап эше те кӱлеш-оккӱлым йӧраташда шояк верч шогаш тӱҥалыда?4Палыза, Господь Шкаланже святой еҥжым ойырен:Господь колеш, кунам мый Тудым ӱжам.5Сыреда гынат, сулыкыш ида пуро –шып лийза, кийыме верыштыда тидын нерген шонкалыза.6Чын надыр-влакым кондызада Господьын полышыжлан инаныза.7Шукын ойлат: «Кӧ мыланна сайым конда?»Господь, волгыдо чуриетым мемнан век савыре!8Тый мыйын шӱмем тугай кугу куан дене теменат,могайже кинде, йошкар арака [да олив ӱй]перкелыклан куаныше-влакынат уке.9Ласкан возам да малем,вет Тый гына, Господь, мылам лӱдде илаш пуэт.
Institute for Bible Translation, Finland