Пс24
Давидын псаломжо.
1Тый декет, Господь, чонемым кондем.2Юмем! Тыйын полшыметлан ӱшанен илем,мыйым вожылмашыш [нигунам] ит пурто,ит пу, мыйым сеҥен, тушман-влаклан куанаш.3Тылат инаныше нигӧ ынже пуро вожылмашыш,но Тый дечет арам кораҥше-влак тек намысыш пурат.4Господь, мылам шке корнетым ончыкто,йолгорнет дене каяш мыйым туныкто.5Тыйын чынет почеш илаш мыйым туныкто,вет Тый утарыше Юмем улат;мый кажне кечын Тылат инанен илем.6Шарналте, Господь, шке порылыкетым,чаманыше кумылетым – улыт нуно курымашле.7Самырык годсо сулык ден титакем-влакым ит шарне,поро улметлан кӧра, Господь, шке порылыкетлан кӧра мыйым шарналте!8Господь – поро да чынле,сандене сулыкан-влакым чын корныш шогалта,9ӱҥышӧ-влакым чынлыкыш наҥгая,нуным шке корныжлан туныкта.10Кӧ Тудын ойпидышыжым, кӱштымашыже-влакым шуктен шога,тудлан Господьын чыла корныжо – порылык да чын.11Господь, шке лӱметлан кӧра языкем кудалте –тудо пеш кугу.12Лӱдеш гын айдеме Господь деч,тудлан Господь кайышаш корным ончыкта.13Сай илыш дене тудо илаш тӱҥалеш,тудын тукымжо мландын озаже лиеш.14Господь деч лӱдшӧ-влак Тудын мом шонен пыштымыжым палат,шке ойпидышыжым палаш Тудо нуным туныкта.15Мыйын шинчам эре Господьым онча,вет Тудо йолемым оптыш гыч луктеш.16Ончал ӱмбакем, мый декем лий поро,вет мый шкет улам, мыйым шыгыремдылыт.17Нелылык темда чонемым –ты орлык гычын мыйым лук,18орланымем, ойганымем Тый уж,чыла языкем кудалте.19Ончал, мыняр шуко тушманем,ужмышудымаш дене темын, мылам зияным ыштынешт.20Арале чонем, мыйым утаре,намысыш пураш ит пу,вет мый полышетлан ӱшанен илем.21Титакдымылык ден чынлык тек мыйым аралат,вет Тыйым мый вучен илем.22Юмем, Израильым чыла орлыкшо деч утаре!Institute for Bible Translation, Finland