Пс16
Давидын кумалмыже.
1Кол мыйым, Господь, мый чын судым кычалам,колышт полышым йодын кычкырымем,шотыш нал шоякдыме умшам гыч лекше сӧрвалыме мутем.2Тек Тый дечет мылам суд толеш,тек Тыйын шинчат чыным ужеш.3Тый тергышыч шӱмем, тольыч мый декемже йӱдым,шымлышыч мыйым, но шыч му нимогай удам –келшен толыт мутем ден шонымем.4Кеч-мом ыштышт весе-шамыч,а мый Тыйын шомакетым шуктен шогем,шыгыремдыше-влакын корнышт деч шкемым арален кодем.5Йолтошкалтышем шке корныштет пеҥгыдемде:тек мыйын йолем йоҥылыш огеш тошкал.6Юмем, Тыйым сӧрвален ӱжам,вет мыйым Тый колат.Савыре пылышет, колышт ойлымем.7Ӧрыктарыше порылыкетым ончыкто,полышетлан инаныше-влакым тушман деч куатет дене утаре.8Шинчасорта семын мыйым арале,шке шулдырет йымаке шылте9ӱмбакем кержалтше осал-влак дечын,пушташ шонен авырыше тушманем-влак дечын.10Чаманыдыме нунын чонышт, йӱштӧ,шке умшашт дене кугешнен ойлат.11Поктылшем-влак мыйым авырен нальыч,мыйым мландымбаке йӧрыкташлан эскерен шогат.12Нуно кочкышым ваҥыше лев гай,шылын вочшо самырык лев гай улыт.13Кынел, Господь, ваштарешышт шогал, йӧрыктӧ нуным.Кердет дене чонемым осал-влак деч утаре,14шке кидет дене, Господь, еҥ-шамыч деч сакле.Тӱнясе еҥ-влак деч утаре,суапым нунышт тиде илышыштак налыт.Вет шке клатет гыч пуэн, темет нунын мӱшкырыштым,нунын эргышт темше улыт,да мо кодшыжым шке йочаштлан кодат.15А мый чын ыштыше улам да Тыйын чуриетым ончаш тӱҥалам,помыжалтмеке, воктенем улметлан куан дене темам.Institute for Bible Translation, Finland