Пс15
Давидын мурыжо.
1Арале мыйым, Юмем,вет Тыйын полшыметлан ӱшанен илем.2Мый Господьлан каласенам:«Тый мыйын Озам улат,Тый дечет моло мыйын нимо сайжат уке».3Мландымбалне улшо святой да суапле-влак гынамыйын чонемлан куаным кондат. 4Кӧмыт вес юмо дек каят, нунын орлык шукемеш;вес юмылан вӱр надырым мый ом йоктаре,вес юмо-влакын лӱмыштым ойлаш умшамым ом поч.5Господь – мылам палемдыме ужаш, мыйын йӱмӧ коркам.Мыйын шеревам – Тыйын кидыштет.6Мыйын межам чапле верла гоч колтымо,да мылам логалше мланде пеш сӧрал.7Ой-каҥашым пуэн шогышо Господьым моктем,эсогыл йӱдым кӧргыштем туныктымыжым колам.8Господьым эре шке ончылнем ужам,мый пеҥгыдын шогаш тӱҥалам,вет Тудо – мыйын пурла могырыштем.9Садлан шӱмем куана, чонем йывырта,ӱшанен вучен, капем тыныслын ила.10Вет Тый чонемым вес тӱняш от кодо,шке святоетлан шӱйын кияш от пу.11Тый илыш корным ончыктет мылам:ончылнет – кугу куан,пурла велыштет – курымаш пиал.Institute for Bible Translation, Finland