Пс148
[Аллилуия.]
1Моктыза Господьым пылпомыш гыч,моктыза Тудым кава кӱкшытыштӧ!2Господьын чыла Суксыжо, Тудым моктыза!Тудын кавасе чыла сарзывийже, Господьым моктыза!3Моктыза Тудым, кече ден тылзе!Моктыза Тудым, чолгыжшо шӱдыр-влак!4Моктыза Тудым, эн кӱшыл кава-влак,кава деч кӱшнӧ улшо вӱд-влак!5Тек моктат Господьын лӱмжым,вет Тудо [каласен – нуно ыштыме лийыныт,]кӱштен, да нуно шочыныт.6Курым-курымешлан нуным вераҥден,пудырташ лийдыме пунчалым пеҥгыдемден.7Моктыза Господьым, мландымбалне улшо-влак,теҥыз янлык ден вӱд келгыт-влак,8тул ден шолем, лум ден тӱтыра,Тудын кӱштымыжым шуктышо кугу мардеж,9курык да чыла кӱкшака,саскам пуышо пушеҥге ден кедр-влак,10янлык ден тӱрлӧ вольык,шулдыран кайык ден тыгыде чонан-влак,11мландысе кугыжа ден калык-влак,вуйлатыше ден судья-шамыч,12рвезе ден ӱдыр-влак,шоҥгыеҥ ден самырык-шамыч!13Тек нуно чыланат Господьын лӱмжым моктат,вет Тудын гына лӱмжӧ кугу да кӱдыратле,Тудын чапше – мланде ден кава дечат кӱшнӧ.14Шке калыкшын тӱкыжым,шке ӱшанле-влакшын – Израиль эрге-влакын,Тудын дек лишке улшо калыкын –чапыштым Тудо нӧлталын.Аллилуия!Institute for Bible Translation, Finland