Пс147
[Аллилуия.]
1Иерусалим, Господьым мокто,Сион, шке Юметым чапландаре!2Капка тӱкылтышетым Тудо пеҥгыдемда,калыкетын эргыж-влакым суапландара.3Тыйын мландетлан тынысым пуа,эн сай шыдаҥым тыланет пукша.4Шке мутшым колта мланде ӱмбаке,вашке миен шуэш Тудын кӱштымашыже.5Пуйто ош межым Тудо лумым шара,пӧршым пуйто ломыжым йоктара,6кинде катыш семын шке шолемжым кышка.Тудын йӱштыжым кӧ чыта?7Колта шке шомакшым – чылажат шула,пуалыкта шке мардежшылан – да вӱд йога.8Господь увертара шке шомакшым Иаковлан,пунчал ден уставшым – Израильлан.9Нимогай вес калыклан Тудо тыгайым ыштен огыл,Тудын уставшым нуно огыт пале.Аллилуия!Institute for Bible Translation, Finland