Пс117
[Аллилуия.]
1Моктыза Господьым – Тудо поро,порылыкшо Тудын курымеш.2Тек Израиль тукым каласа:[Тудо поро,] порылыкшо Тудын курымеш.3Тек Аарон тукым каласа:[Тудо поро,] порылыкшо Тудын курымеш.4Господь деч лӱдшӧ-влак каласышт:[Тудо поро,] порылыкшо Тудын курымеш.5Чонлан шыгыр лийме годым Господьым ӱжынам,Тудо мыйым колын да йоҥгыдо верыш луктын.6Господь – мыйын велне, сандене ом лӱд,мом ыштен кертеш мылам айдеме?7Господь полша мыланем –сеҥалтше тушманем-влак ӱмбаке мый ончем.8Айдемылан ӱшанымешГосподьлан инанен илаш сайрак.9Тӧра-влаклан ӱшанымешГосподьлан инанен илаш сайрак.10Чыла калык-влак авырышт мыйым,но Господьын лӱмжӧ дене нуным сӱмырал шуышым.11Чыла могырым авырен нальыч мыйым,но Господьын лӱмжӧ дене нуным сӱмырал шуышым.12Авырен нальыч мыйым мӱкш еш семын,но шуанвондышто йӱлышӧ тул семын писын йӧрышт –Господьын лӱмжӧ дене нуным сӱмырал шуышым.13Мыйым йӧрыкташ манын, чот шӱкал колтышт,но Господь мылам эҥертыш лие.14Господь – мыйын вием да моктымо мурем,Тудо лие мыйын утарымашем.15Чын ыштыше-влакын омашыштыштутарымашлан куаныме йӱк шокта:Господьын пурла кидше шке куатшым ончыкта!16Господьын пурла кидше кӱшнӧ,Господьын кидше шке куатшым ончыкта!17Мый ом коло, илаш тӱҥаламда Господьын пашаж-влак нерген каласкалем.18Чот наказатлыш мыйым Господь,но колымашлан ыш пу.19Почса мылам чынлыкын капкажым –мый тудын гоч пурем да Господьым чаплем.20Теве Господьын капкаже,чын ыштыше-влак тудын гоч пурат.21Тыйым чаплем, вет Тый мыйым колынатда мыйын утарымашем лийынат.22Чоҥышо-влакын йӧрдымыш лукмо кӱыштнегыз пусак кӱ лийын:23тидыже – Господь деч,мемнан шинча ончылно моткоч ӧрыктарыше.24Тиде кечым Господь ыштен:куанен йывыртена тудлан!25О, Господь, утаре! О, Господь, сеҥаш полшо!26Господьын лӱмжӧ дене толшылан тек суап лиеш!Господьын пӧртшӧ гыч тыланда суапым тыланена.27Юмо – Господь, Тудо мемнам волгалтарен.Вуйшӱдыш дене пайремым эртарыза,жертвенникын тӱкыж-влак деке погыныза.28Тый мыйын Юмем улат, мый Тыйым чаплем,Юмем, мый Тыйым моктем.[Тыйым чаплем, вет мыйым колынатда мыйын утарымашем лийынат.]29Моктыза Господьым – Тудо поро,порылыкшо Тудын курымеш!Institute for Bible Translation, Finland