Тун.кал29
1Кӧ шуко гана шылталыме деч варат ӱскыртлана,вучыдымын пытарыме лиеш,паремдымашым тудо ок уж.2Кунам чын ыштыше-влак вийым налыт – калык куана,а кунам осал еҥ озалана – калык кечкыжеш.3Кӧ мунлылыкым йӧрата – шке ачажым куандара,а кӧ яжар ӱдырамаш-влак дене коштеш – уло погыжым пытара.4Чынлык дене кугыжа элым пеҥгыдемда,а взяткым йӧратыше тудым шалата.5Кӧ шке лишылже ончылно ӱедылеш,тудын йолжылан оптышым шында.6Осал еҥын сулыкшо шкаланжак оптыш лиеш,а чын ыштыше куанен мура.7Чын ыштыше еҥ судышто йорлын пашажым тӱткын шымла,а осал айдеме ончашат ок тӱҥал.8Вуянче-влак олаште пудыранчыкым нӧлталыт,а мунло-влак шыдым луштарат.9Кунам ушдымо еҥ мунло дене судитлалтеш,тудо я сыра, я воштылеш, нигузе ок лыплане.10Титакдыме еҥым вӱр йоктарыше-влакын ужмышт ок шу,а чын ыштыше-влак тудын дене йолташ лийнешт. 11Ушдымо еҥ уло шыдыжым луктын ончыкта,а мунло шке шыдыжым кучен мошта.12Вуйлатыше шоякым колыштеш гын,тудын полатыштыже чыланат осал лийыт.13Йорло ден шыгыремдылше теве мо дене икгай улыт:когыньыштынат шинчаштлан волгыдым Господь пуэн.14Кугыжа йорло-влакым чын судитла гын,тудын престолжо курымеш шога.15Розго ден шылталымаш ушым пуртат,а туныктыде кушшо эрге аважым намысыш пурта.16Осал еҥ-влак шукемыт – сулык шукемеш,но чын ыштыше-влак нунын пытымыштым ужыт.17Наказатле шке эргычым – ласкан илаш тӱҥалат,чонетлан тудо куаным конда.18Кавасе кончымаш деч посна калык лиеш кучен кертдыме;но законым шуктен шогышо-влак лийыт пиалан.19Кулым мут дене гына туныкташ огеш лий:ойлымым умыла гынат, садак ок колышт.20Ужынат мо тый шоналтыде ойлышо айдемым?Тудын дене таҥастарымаште, ушдымо еҥлан ӱшан кугурак.21Кулым изинекак нечкын ончен куштет гын,варажым тудо тылат ойгым конда. 22Вашке шыдешкыше еҥ вурседылмашым ылыжта,чыдыртан айдеме шуко сулыкым ышта.23Кугешнымаш айдемым ӱлыкӧ шында,а ӱҥышӧ чонан чапыште лиеш.24Кӧ ворлан йолташ, тудо шкаланже тушман:каргымым колеш, но нимом ок ойло.25Айдеме деч лӱдмаш – тиде оптыш,а Господьлан инаныше еҥлан нимогай лӱдыкшӧ уке.26Шукышт вуйлатышын поро кумылжым кычалыт,но айдемылан чын суд – Господь деч.27Чын ыштыше еҥлан осал айдеме йырнык,а осал еҥлан – чын ыштыше айдеме.
Institute for Bible Translation, Finland