Тун.кал28
1Осал еҥ куржеш, кеч тудым нигӧ ок покто,а чын ыштыше еҥ – лев гай лӱддымӧ.2Элыште пудыранчык гын, вуйлатыше-влак шукын лийыт,а ушан-шотан вуйлатыше годым эл пеҥгыдын шога.3Незер-влакым шыгыремдылше йорло еҥшурным пытарыше кугу йӱр дене иктак.4Закон деч кораҥше-влак осал еҥ-шамычым моктат,а законым шуктен шогышо-влак нунын ваштареш шогат.5Осал еҥ-влак чынлыкым огыт умыло,а Господьым кычалше-влак тудым пӱтынек умылат.6Титакыш пурыде илыше йорло айдемепужлышо корно дене коштшо поян еҥ деч сайрак.7Кӧ законым шуктен шога, тудо ушан эрге,а шотдымо-влак дене келшыше шке ачажым шӱктара.8Кӧ шке поянлыкшым кугу ашламым налын шукемда,мом погымыжо йорло-влаклан полшышо еҥлан лиеш.9Кӧ Господьын законжым ынеж колышт,тудын кумалмыже Господьлан йырнык.10Чын ыштыше-влакым осал корныш савырыше еҥшке кӱнчымӧ вынемышкыже логалеш,а чын корным тошкышо-влакым суап вуча.11Поян шкенжым мунлылан шотла,но ушан йорло еҥ тудым вошт ужеш.12Кунам чын ыштыше-влак йывыртат – кугу куан озалана,а кунам осал еҥ-влак нӧлталтыт – калык шылеш.13Кӧ шке сулыкшым шылта – илышыже ок воране,а кӧ титакшым луктын каласа да тудын деч кораҥеш –серлагыме лиеш.14Господь деч лӱдын илыше айдеме суапым налеш,а шӱмжым пешкыдемдыше еҥ азапыш логалеш.15Йорло калыклан осал вуйлатыше –ырлыше лев але ажгыныше маска гай.16Ушдымо вуйлатыше шуко шыгыремдылеш,а шолагай оксам ужмышудымо еҥ кужу ӱмыран лиеш.17Айдеме вӱрым йоктарыше еҥколымешкыже шылын куржталаш тӱҥалеш,тек тудлан полшышо нигӧ огеш лий.18Кӧ осалым ыштыде ила – лӱдыкшым ок уж,а кӧ кадыр корно дене коштеш – вучыдымын камвозеш.19Кӧ шке мландыжым курал-ӱда – темше лиеш,а южым чумен коштшым нужналык вуча.20Ӱшанле айдеме суапландарымашлан поян,а кӧ пояш толаша – мут кучыде ок код.21Еҥым ойыркалаш сай огыл,но южышт кинде шултыш верчат сулыкыш пурат.22Чаҥга айдеме пояш вашка,но ок пале – тудым нужналык вуча.23Йылме дене ӱедылшым огыл,а шылталыше еҥым тӱҥалыт варажым аклаш.24Кӧ шке ачаж ден аважын мо улыжым поген налешда «тиде сулык огыл» манеш,тудо – пуштедыше-влаклан йолташ.25Опкын еҥ вурседылмашым ылыжта,а Господьлан инаныше сайын ила.26Кӧ шкаланже инана, тудо ушдымо,а кӧ мунло корно дене коштеш – лӱдыкшӧ деч утла.27Незер-влаклан пуышо еҥын чылажат ситышын лиеш,а кӧ нунын деч шинчажым кораҥда –шкеж ӱмбаке каргымашым конда.28Кунам осал еҥ-влак нӧлталтыт – еҥ-шамыч шылыт,а кунам нуно пытат – чын ыштыше-влак тӱзланат.
Institute for Bible Translation, Finland