Тун.кал22
1Поро лӱм кугу поянлык деч шергырак,еҥ-влакын пагалымышт ший-шӧртньӧ деч сайрак.2Поян ден йорло теве мо дене икгай улыт:нуным когыньыштымат Господь ыштен.3Ушан еҥ лӱдыкшым ужеш да шылеш,а ужарвуй-влак ончыко каят да туткарыш логалыт.4Ӱҥышылык да Господь деч лӱдмашпоянлыкым, чапым да илышым кондат.5Осал чоя еҥын корныштыжо – иман вондер ден оптыш,кӧлан шке илышыже шерге, тудо тушко ок лишем.6Йочам чын корно дене каяш тӱҥалтыштак туныкто –шоҥгеммекат, тушечын тудо ок кораҥ.7Поян – йорло айдемылан оза,парыман еҥ – арымеш пуышо еҥлан тарзе.8Кӧ чындымылыкым ӱда – ойгым тӱредеш,да тудын шыдылык тояже пудырга.[Уло кумылын пуышо еҥым Юмо йӧратада тудлан мо кӱлешым пуа.]9Поро чонан еҥ суапландарыме лиеш,вет тудо шке киндыжым незер дене пайла.[Чаманыде пуышо еҥ сеҥымаш ден чапым налеш,кӧлан полшен, нуным шкеж велке савыра.]10Поктен колто мыскылаш йӧратыше еҥым –шургымаш пыта, вурседылмаш ден ӧпкелымаш чарнат.11Кӧ шӱм-чон арулыкым йӧрата да лыжган кутыра,тудын йолташыже кугыжа лиеш.12Господь чыным арала,а ондален илыше еҥын шомакшым укеш луктеш.13Йолагай еҥ ойла: «Уремыште лев!Лектам гын тушко, мый колем!»14Еҥ ватын умшаже – келге вынем:тушко тудо еҥ камвозеш, кӧлан Господь шыдешкен.15Йочан шӱмышкӧ окмаклык пижын шинчын,но ушым пуртышо розго тудым поктен колта.16Кӧ, пояш манын, йорлым шыгыремдада кӧ поян еҥлан пӧлекым ышта – лийыт нужна.17Савыре пылышет, мунло-влакын мутыштым колышт,шӱметым поч туныктымемлан.18Аралет гын нуным шӱмыштет,лийыт гын нуно умшаштет –лиеш тылат куанле да ласка.19Господьлан инанаш тунем манын,мый нуным таче тылат увертарем.20Ушан кумло ойым мый тылат возенам –тушто тый каҥаш ден шинчымашым муат, 21чыным, кере шомакым пален налатда тыйым колтышо-влаклан чын вашмутым пуэн кертат.22Нужна еҥым нужна улмыжлан ит аге,незер еҥым судышто ит шыгыремдыл –23вет нунын пашаштым Господь аралада нуным агыше-влакын чоныштым налеш.24Ит келше шыде еҥ дене,вашке сырыше дене таҥ ит лий,25уке гын тудын корныжым тошкаш тунематда оптышыш логалат.26Еҥын парымжым шке ӱмбакет ит нал,тудын парымже верч мутым кучаш ит сӧрӧ,27вет тылат нимо дене тӱлаш лиеш гын,йымачет вакшышетымат налын каят.28Ожнак ыштыме межам ит кусаре,тудым ача-кочат-влак колтеныт.29Ужынат мо шке пашажым мастарын ыштыше еҥым?Тудо тыглай еҥ-шамыч ончылно огыл,а кугыжа-влак ончылно шогаш тӱҥалеш.
Institute for Bible Translation, Finland