Тун.кал21
1Кугыжан шӱмжӧ Господьын кидыште – пуйто вӱдйогын:Господь тудым кушко шона, тушко виктара.2Коштмо чыла корныжым айдеме чынлан шотла,но шӱм-чон шонымашым Господь терга.3Чын ыштымаш ден чынлыкым Господьнадырым кондымаш деч сайраклан шотла.4Кугешныше ончалтыш, моктаныше шӱм-чон –тиде осал еҥын лампыже, сулык корныш нуно наҥгаят.5Тыршыше еҥын шонен пыштыме пашаже перкелыкым конда,а кыдач-покшеч ыштылше айдеме нужна лиеш.6Еҥым ондален погымо поянлык – вашке шаланыше тӱтыра,тудо колымашыш наҥгая.7Осал еҥ-влакын осал пашашт шке ӱмбакышт толеш,вет нуно чынлыкым ышташ келшен огытыл.8Осал чоя айдемын корныжо кадыр,а ару шӱм-чонан еҥын ыштымыже чын.9Вурседылше вате дене кугу пӧртыштӧ илымеш,лучо пӧрт леведыш лукышто илаш.10Осал еҥ осаллан опкын,ок чамане тудо лишыл еҥжымат.11Мыскылыше еҥым наказатлет – ужарвуй-влак ушым шындат,мунло еҥым туныктет – налеш тудо шинчымашым.12Осал еҥын пӧртшым Чын Ыштыше эскерада тудын ӱмбак азапым колта.13Кӧ незерын кычкырымыж деч пылышыжым петыра,тудо шкежат кычкыраш тӱҥалеш, но вашмут огеш лий.14Шолып ыштыме пӧлек шыдым луштара,помышыш пуымо взятке – кугу ажгынымашым.15Чынлыкым ыштымаш – чын ыштышылан куан,а осалым ыштышылан тудо лӱдмашым конда.16Кӧ уш-акылын корныж гыч кораҥын,колышо чон-влак коклаште лиеш.17Кӧ веселитлаш йӧрата – нужнаҥеш,кӧ кочкаш-йӱаш йӧрата – поян ок лий.18Чын ыштыше еҥым сулен налаш осал еҥ пуалтеш,чынле айдемым сулен налаш – шояк еҥ.19Вурседылше да шыде вате дене илымеш,лучо ир мландыште илаш.20Мунло еҥын суртыштыжо – кӱлешан пого ден сай кочкыш,а ушдымо чыла тидым кучылт пытара.21Чынлык ден порылыкым ышташ тыршыше еҥилышым, чынлыкым да чапым муэш.22Мунло еҥ виян-влакын олашкышт пурада нунын ӱшанен илыме карманыштым шалата.23Кӧ шке умшаж ден йылмыжым шеклана,тудо шкенжым орлык деч арала.24Торжа, кугешныше еҥым кугу кугешнымаш виктара,лӱмжӧ тудын – «мыскылыше».25Йолагайым кумыл шупшмыжо пытара,вет кидше ынеж ыште пашам.26Кажне кечын тудым кумыл йодмыжо нулта,а чын ыштыше чаманыде пуа.27Осал еҥ-влакын надырышт – йырнык,поснак – осал чоя шонымаш дене кондымышт.28Шояк таныклыше пыта,а ӱшанле таныклыше эре ойлаш тӱҥалеш.29Осал еҥын чурийже вожылдымо,а чын ыштыше шке корныж дене тура кая.30Айдеме мунлылык, уш-акыл да каҥашГосподь ваштареш шоген огыт керт.31Имньым ямдылат сӧй кечылан,но сеҥымаш – Господь дечын.
Institute for Bible Translation, Finland