Тун.кал11
1Ондалыше виса – Господьлан йырнык,а чын ончыктышо кир Тудлан келша.2Кушто кугешнымаш, тушко намыс толеш,а ӱҥышӧ-влак дене мунлылык лиеш.[Чын ыштыше еҥын колымыжлан ойгырат,а осал-влакын колымышт вучыдымо да куандарыше лиеш.]3Ару чонан-шамычым чынлыкышт виктарен шога,а шыҥышыр еҥ-влакым осал чоялыкышт пытара.4Господьын шыдыжын кечынже поянлык ок полшо,а чын ыштымаш колымаш деч утара.5Шылталаш амалдыме еҥын чынлыкшетудын корныжым тӧрым ышта,а осал еҥым шке осаллыкше сӱмырен шуа.6Ару чонан-влакым чынлыкышт утара,а шыҥышыр еҥ-влак опкын кумылыштын вапшышкыже логалыт.7Осал еҥын колымыж дене пыта тудын ӱшанже,вучен илымыже арам лиеш.8Чын ыштыше еҥ азап деч утарыме лиеш,олмешыже туткарыш осал айдеме логалеш.9Юмым шотлыдымо айдемын шомакше лишылъеҥжым пытара,а чын ыштышым шинчымаш утара.10Кунам чын ыштыше-влак сайын илат, ола куана,кунам осал еҥ-шамыч пытат, куан йӱк шокта.11Ару чонан-влак олалан суапым йодыт,да тудо нӧлталтеш,а осал еҥ-влакын мутышт олам шалата.12Ушдымо шке лишылъеҥжым мыскыла,а ушан айдеме шып лиеш.13Шалаумша вес еҥын шолып пашажым почеш,а ӱшанле айдеме уто шомакым ок лук.14Вуйлатыме деч посна калык пыта,а каҥашым пуышо шуко гын, сайын ила.15Кӧ еҥын парымже верч мутым кучаш сӧра,шкаланже ойгым конда,а кӧ тыгай сӧрымашым пуаш ок келше,аралалт кодеш.16Сай койыш-шоктышан вате [марийжылан] чап лиеш,[а чыным ужмышудымо вате кугу намысым конда.Йолагай марий-влак йорло лийыт],а виян-шамыч поянлыкым погат.17Поро айдеме шкаланже сайым конда,а весым чаманыдыме еҥ – эҥгекым.18Осал еҥын паша лектышыже южгойшо лиеш,а чынлыкым ӱдышӧ айдеме чын суапым налеш.19Чын ыштыше еҥ илаш тӱҥалеш,а осалым кычалше колымашым муэш.20Осал чоя еҥ-влак Господьлан йырнык улыт,а чын корным тошкышо-влак Тудлан келшат.21Пален шого: осал еҥ мут кучыде ок код,а чын ыштышын тукымжо утарыме лиеш.22Мотор, но ушдымо ӱдырамашсӧсна нерыш пижыктыме шӧртньӧ колча дене иктак.23Чын ыштыше-влакын вучен илымышт сайым конда,а осал еҥ-шамычын – шыдым.24Икте чаманыде пуа, да тудын эшеат ешаралтеш,весе пеш чот чаҥга, но йорлештеш гына.25Кӧ чаманыде пуа, тудын шуко лиеш,кӧ весылан вӱдым пуа – шкежат йӱктымӧ лиеш.26Кӧ шурныжым шылта, тудым каргат,а кӧ ужалаш ямде, тыгай еҥым моктат.27Кӧ порым ышташ тырша – Юмын суапшым муэш,а кӧ осалым кычалеш – тудыжо ӱмбакше толеш.28Шке поянлыкшылан ӱшаныше еҥ кошка,а чын ыштыше-влак тӱзланат.29Кӧ шке суртшылан эҥгекым конда,тудын ужашыже лач мардеж,да ушдымо еҥ мунло айдемын тарзыже лиеш.30Чын ыштыше еҥын саскаже – илыш пушеҥге,да мунло айдеме шкеж деке шӱмаҥда.31Чын ыштыше еҥын пашажлан мландымбалнак пӧртылтымӧ лиеш гын,осал да сулыкан еҥлан, мутат уке, пашаже почеш пӧртылтымӧ лиеш.
Institute for Bible Translation, Finland